ترجمة معاني سورة الشعراء باللغة السواحلية من كتاب Ali Muhsin Al - Swahili translation

آية رقم 1

ﭑ ﭒ ​

As-Shu'ara

T'aa Siin Miim. (T'. S. M.)

آية رقم 2

ﭓﭔﭕﭖ ﭗ ​

Hizi ni Aya za Kitabu kinacho bainisha.

آية رقم 3

ﭘﭙﭚﭛﭜﭝ ﭞ ​

Huenda labda ukajikera nafsi yako kwa kuwa hawawi Waumini.

آية رقم 4

ﭟﭠﭡﭢﭣﭤﭥﭦﭧﭨﭩ ﭪ ​

Tunge penda tungeli wateremshia kutoka mbinguni Ishara zikanyenyekea shingo zao.

آية رقم 5

ﭫﭬﭭﭮﭯﭰﭱﭲﭳﭴﭵ ﭶ ​

Wala hauwafikii ukumbusho mpya kutoka kwa Arrahman ila wao hujitenga nao.

آية رقم 6

ﭷﭸﭹﭺﭻﭼﭽﭾ ﭿ ​

Kwa yakini wamekanusha; kwa hivyo zitakuja wafikia khabari za yale waliyo kuwa wakiyafanyia mzaha.

آية رقم 7

ﮀﮁﮂﮃﮄﮅﮆﮇﮈﮉﮊ ﮋ ​

Je! Hawakuiona ardhi, mimea mingapi tumeiotesha humo, ya kila namna nzuri?

آية رقم 8

ﮌﮍﮎﮏﮐﮑﮒﮓﮔ ﮕ ​

Hakika katika haya zipo Ishara. Lakini wengi wao hawakuwa wenye kuamini.

آية رقم 9

ﮖﮗﮘﮙﮚ ﮛ ​

Na hakika Mola wako Mlezi ndiye Yeye Mwenye nguvu Mwenye kurehemu.

آية رقم 10

ﮜﮝﮞﮟﮠﮡﮢﮣ ﮤ ​

Na Mola wako Mlezi, alipo mwita Musa, akamwambia: Fika kwa watu madhaalimu,

آية رقم 11

ﮥﮦﮧﮨﮩ ﮪ ​

Watu wa Firauni. Hawaogopi?

آية رقم 12

ﮫﮬﮭﮮﮯﮰ ﮱ ​

Akasema: Hakika mimi nachelea wasinikanushe.

آية رقم 13

ﯓﯔﯕﯖﯗﯘﯙﯚ ﯛ ​

Na kifua changu kina dhiki, na ulimi wangu haukunjuki vyema. Basi mtumie ujumbe Harun.

آية رقم 14

ﯜﯝﯞﯟﯠﯡ ﯢ ​

Na wao wana kisasi juu yangu, kwa hivyo naogopa wasije kuniuwa.

آية رقم 15

ﯣﯤﯥﯦﯧﯨﯩﯪﯫ ﯬ ​

Akasema: Siyo hivyo kabisa! Nendeni na miujiza yetu. Hakika Sisi tu pamoja nanyi, tunasikiliza.

آية رقم 16

ﯭﯮﯯﯰﯱﯲﯳ ﯴ ​

Basi mfikieni Firauni na mwambieni: Hakika sisi ni Mitume wa Mola Mlezi wa walimwengu wote.

آية رقم 17

ﯵﯶﯷﯸﯹ ﯺ ​

Waachilie Wana wa Israili wende nasi.

آية رقم 18

ﯻﯼﯽﯾﯿﰀﰁﰂﰃﰄ ﰅ ​

(Firauni) akasema: Sisi hatukukulea wewe utotoni, na ukakaa kwetu katika umri wako miaka mingi?

آية رقم 19

ﰆﰇﰈﰉﰊﰋﰌ ﰍ ​

Na ukatenda kitendo chako ulicho tenda, nawe ukawa miongoni mwa wasio na shukrani?

آية رقم 20

ﭑﭒﭓﭔﭕﭖ ﭗ ​

(Musa) akasema: Nilitenda hayo hapo nilipo kuwa miongoni mwa wale walio potea.

آية رقم 21

ﭘﭙﭚﭛﭜﭝﭞﭟﭠﭡﭢ ﭣ ​

Basi nikakukimbieni nilipo kuogopeni, tena Mola wangu Mlezi akanitunukia hukumu, na akanijaalia niwe miongoni mwa Mitume.

آية رقم 22

ﭤﭥﭦﭧﭨﭩﭪﭫ ﭬ ​

Na hiyo ndiyo neema ya kunisumbulia, na wewe umewatia utumwani Wana wa Israili?

آية رقم 23

ﭭﭮﭯﭰﭱ ﭲ ​

Firauni akasema: Na nani huyo Mola Mlezi wa walimwengu wote?

آية رقم 24

ﭳﭴﭵﭶﭷﭸﭹﭺﭻﭼ ﭽ ​

Akasema: Ndiye Mola Mlezi wa mbingu na ardhi, na viliomo baina yao, ikiwa nyinyi ni wenye yakini.

آية رقم 25

ﭾﭿﮀﮁﮂ ﮃ ​

(Firauni) akawaambia walio mzunguka: Hamsikilizi?

آية رقم 26

ﮄﮅﮆﮇﮈ ﮉ ​

(Musa) akasema: Ndiye Mola wenu Mlezi, na Mola Mlezi wa baba zenu wa kwanza.

آية رقم 27

ﮊﮋﮌﮍﮎﮏﮐ ﮑ ​

(Firauni) akasema: Hakika huyu Mtume wenu aliye tumwa kwenu ni mwendawazimu.

آية رقم 28

ﮒﮓﮔﮕﮖﮗﮘﮙﮚﮛ ﮜ ​

(Musa) akasema: Ndiye Mola Mlezi wa Mashariki na Magharibi na viliomo baina yao, ikiwa nyinyi mnatia akilini.

آية رقم 29

ﮝﮞﮟﮠﮡﮢﮣﮤ ﮥ ​

(Firauni) akasema: Ukimfuata mungu mwengine asiye kuwa mimi, basi bila ya shaka nitakufunga gerezani.

آية رقم 30

ﮦﮧﮨﮩﮪ ﮫ ​

Akasema: Je! Ijapo kuwa nitakuletea kitu cha kubainisha wazi?

آية رقم 31

ﮬﮭﮮﮯﮰﮱﯓ ﯔ ​

Akasema: Kilete basi, kama wewe ni katika wasemao kweli.

آية رقم 32

ﯕﯖﯗﯘﯙﯚ ﯛ ​

Basi akaitupa fimbo yake, mara ikawa nyoka wa kuonekana dhaahiri.

آية رقم 33

ﯜﯝﯞﯟﯠﯡ ﯢ ​

Na akautoa mkono wake, na mara ukawa mweupe kwa watazamao.

آية رقم 34

ﯣﯤﯥﯦﯧﯨﯩ ﯪ ​

(Firauni) akawaambia waheshimiwa walio mzunguka: Hakika huyu ni mchawi mtaalamu.

آية رقم 35

ﯫﯬﯭﯮﯯﯰﯱﯲ ﯳ ​

Anataka kukutoeni katika nchi yenu kwa uchawi wake. Basi mna shauri gani?

آية رقم 36

ﯴﯵﯶﯷﯸﯹﯺ ﯻ ​

Wakasema: Mpe muda yeye na nduguye na uwatume mijini wapigao mbiu ya mgambo.

آية رقم 37

ﯼﯽﯾﯿ ﰀ ​

Wakuletee kila mchawi bingwa mtaalamu.

آية رقم 38

ﰁﰂﰃﰄﰅ ﰆ ​

Basi wakakusanywa wachawi wakati na siku maalumu.

آية رقم 39

ﰇﰈﰉﰊﰋ ﰌ ​

Na watu wakaambiwa: Je! Mtakusanyika?

آية رقم 40

ﭑﭒﭓﭔﭕﭖﭗ ﭘ ​

Huenda tutawafuata wachawi wakiwa wao ndio watakao shinda.

آية رقم 41

ﭙﭚﭛﭜﭝﭞﭟﭠﭡﭢﭣﭤ ﭥ ​

Basi walipo kuja wachawi wakamwambia Firauni: Je! Tutapata ujira tukiwa sisi ndio tulio shinda?

آية رقم 42

ﭦﭧﭨﭩﭪﭫ ﭬ ​

Naam! Na hakika mtakuwa katika watu wa mbele.

آية رقم 43

ﭭﭮﭯﭰﭱﭲﭳ ﭴ ​

Musa akwaambia: Tupeni mnavyo taka kutupa.

آية رقم 44

ﭵﭶﭷﭸﭹﭺﭻﭼﭽ ﭾ ​

Basi wakatupa kamba zao na fimbo zao, na wakasema: Kwa nguvu za Firauni hakika sisi hapana shaka ni wenye kushinda.

آية رقم 45

ﭿﮀﮁﮂﮃﮄﮅﮆ ﮇ ​

Musa tena akatupa fimbo yake, nayo mara ikavimeza walivyo vizua.

آية رقم 46

ﮈﮉﮊ ﮋ ​

Hapo wachawi walipinduka wakasujudu.

آية رقم 47

ﮌﮍﮎﮏ ﮐ ​

Wakasema: Tunamuamini Mola Mlezi wa walimwengu wote.

آية رقم 48

ﮑﮒﮓ ﮔ ​

Mola Mlezi wa Musa na Harun.

آية رقم 49

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﮬ ​

(Firauni) akasema: Je! Mmemuamini kabla sijakuruhusuni? Bila ya shaka yeye basi ndiye mkubwa wenu aliye kufunzeni uchawi. Basi mtakuja jua! Nitakata mikono yenu na miguu yenu kwa kutafautisha. Na nitakubandikeni misalabani nyote.

آية رقم 50

ﮭﮮﮯﮰﮱﯓﯔﯕ ﯖ ​

Wakasema: Haidhuru, kwani sisi ni wenye kurejea kwa Mola wetu Mlezi.

آية رقم 51

ﯗﯘﯙﯚﯛﯜﯝﯞﯟﯠﯡ ﯢ ​

Hakika sisi tunatumai Mola wetu Mlezi atatusamehe makosa yetu, kwa kuwa ndio wa kwanza wa kuamini.

آية رقم 52

ﯣﯤﯥﯦﯧﯨﯩﯪﯫ ﯬ ​

Na tulimuamrisha Musa kwa wahyi: Nenda na waja wangu wakati wa usiku. Kwa hakika mtafuatwa.

آية رقم 53

ﯭﯮﯯﯰﯱ ﯲ ​

Basi Firauni akawatuma mijini wapiga mbiu za mgambo.

آية رقم 54

ﯳﯴﯵﯶ ﯷ ​

(Wakieneza): Hakika hawa ni kikundi kidogo.

آية رقم 55

ﯸﯹﯺ ﯻ ​

Nao wanatuudhi.

آية رقم 56

ﯼﯽﯾ ﯿ ​

Na sisi ni wengi, wenye kuchukua hadhari.

آية رقم 57

ﰀﰁﰂﰃ ﰄ ​

Basi tukawatoa katika mabustani na chemchem,

آية رقم 58

ﰅﰆﰇ ﰈ ​

Na makhazina, na vyeo vya hishima,

آية رقم 59

ﰉﰊﰋﰌﰍ ﰎ ​

Kadhaalika; na tukawarithisha hayo Wana wa Israili.

آية رقم 60

ﰏﰐ ﰑ ​

Basi wakawafuata lilipo chomoza jua.

آية رقم 61

ﭑﭒﭓﭔﭕﭖﭗﭘ ﭙ ​

Na yalipo onana majeshi mawili haya, watu wa Musa wakasema: Hakika sisi bila ya shaka tumepatikana!

آية رقم 62

ﭚﭛﭜﭝﭞﭟﭠ ﭡ ​

(Musa) akasema: Hasha! Hakika yu pamoja nami Mola wangu Mlezi. Yeye ataniongoa!

آية رقم 63

ﭢﭣﭤﭥﭦﭧﭨﭩﭪﭫﭬﭭﭮﭯ ﭰ ​

Tulimletea wahyi Musa tukamwambia: Piga bahari kwa fimbo yako. Basi ikatengana, na kila sehemu ikawa kama mlima mkubwa.

آية رقم 64

ﭱﭲﭳ ﭴ ​

Na tukawajongeza hapo wale wengine.

آية رقم 65

ﭵﭶﭷﭸﭹ ﭺ ​

Tukawaokoa Musa na walio kuwa pamoja naye wote.

آية رقم 66

ﭻﭼﭽ ﭾ ​

Kisha tukawazamisha hao wengine.

آية رقم 67

ﭿﮀﮁﮂﮃﮄﮅﮆﮇ ﮈ ​

Hakika bila ya shaka katika hayo ipo Ishara; lakini wengi wao si katika wenye kuamini.

آية رقم 68

ﮉﮊﮋﮌﮍ ﮎ ​

Na kwa hakika Mola wako Mlezi ndiye Mwenye nguvu Mwenye kurehemu.

آية رقم 69

ﮏﮐﮑﮒ ﮓ ​

Na wasomee khabari za Ibrahim.

آية رقم 70

ﮔﮕﮖﮗﮘﮙ ﮚ ​

Alipo mwambia baba yake na kaumu yake: Mnaabudu nini?

آية رقم 71

ﮛﮜﮝﮞﮟﮠ ﮡ ​

Wakasema: Tunaabudu masanamu, daima tunayanyenyekea.

آية رقم 72

ﮢﮣﮤﮥﮦ ﮧ ​

Akasema: Je! Yanakusikieni mnapo yaita?

آية رقم 73

ﮨﮩﮪﮫ ﮬ ​

Au yanakufaeni, au yanakudhuruni?

آية رقم 74

ﮭﮮﮯﮰﮱﯓ ﯔ ​

Wakasema: Bali tumewakuta baba zetu wakifanya hivyo hivyo.

آية رقم 75

ﯕﯖﯗﯘﯙ ﯚ ​

Je! Mmewaona hawa mnao waabudu-

آية رقم 76

ﯛﯜﯝ ﯞ ​

Nyinyi na baba zenu wa zamani?

آية رقم 77

ﯟﯠﯡﯢﯣﯤ ﯥ ​

Kwani hakika hao ni adui zangu, isipo kuwa Mola Mlezi wa walimwengu wote.

آية رقم 78

ﯦﯧﯨﯩ ﯪ ​

Ambaye ndiye aliye niumba, na Yeye ndiye ananiongoa,

آية رقم 79

ﯫﯬﯭﯮ ﯯ ​

Na ambaye ndiye ananilisha na kuninywesha.

آية رقم 80

ﯰﯱﯲﯳ ﯴ ​

Na ninapo ugua ni Yeye ndiye anaye niponesha.

آية رقم 81

ﯵﯶﯷﯸ ﯹ ​

Na ambaye atanifisha, na kisha atanihuisha.

آية رقم 82

ﯺﯻﯼﯽﯾﯿﰀﰁ ﰂ ​

Na ambaye ndiye ninaye mtumai kunisamehe makosa yangu Siku ya Malipo.

آية رقم 83

ﰃﰄﰅﰆﰇﰈ ﰉ ​

Mola wangu Mlezi! Nitunukie hukumu na uniunganishe na watendao mema.

آية رقم 84

ﭑﭒﭓﭔﭕﭖ ﭗ ​

Na unijaalie nitajwe kwa wema na watu watakao kuja baadaye.

آية رقم 85

ﭘﭙﭚﭛﭜ ﭝ ​

Na unijaalie katika warithi wa Bustani za neema.

آية رقم 86

ﭞﭟﭠﭡﭢﭣ ﭤ ​

Na umsamehe baba yangu, kwani hakika alikuwa miongoni mwa wapotovu.

آية رقم 87

ﭥﭦﭧﭨ ﭩ ​

Wala usinihizi Siku watapo fufuliwa.

آية رقم 88

ﭪﭫﭬﭭﭮﭯ ﭰ ​

Siku ambayo kwamba mali hayato faa kitu wala wana.

آية رقم 89

ﭱﭲﭳﭴﭵﭶ ﭷ ​

Isipo kuwa mwenye kumjia Mwenyezi Mungu na moyo safi.

آية رقم 90

ﭸﭹﭺ ﭻ ​

Na Pepo itasogezwa kwa wachamngu.

آية رقم 91

ﭼﭽﭾ ﭿ ​

Na Jahannamu itadhihirishwa kwa wapotovu.

آية رقم 92

ﮀﮁﮂﮃﮄﮅ ﮆ ​

Na wataambiwa: Wako wapi mlio kuwa mkiwaabudu

آية رقم 93

ﮇﮈﮉﮊﮋﮌﮍ ﮎ ​

Badala ya Mwenyezi Mungu? Je! Wanakusaidieni, au wanajisaidia wenyewe?

آية رقم 94

ﮏﮐﮑﮒ ﮓ ​

Basi watavurumizwa humo wao na hao wakosefu,

آية رقم 95

ﮔﮕﮖ ﮗ ​

Na majeshi ya Ibilisi yote.

آية رقم 96

ﮘﮙﮚﮛ ﮜ ​

Watasema, na hali ya kuwa wanazozana humo:

آية رقم 97

ﮝﮞﮟﮠﮡﮢ ﮣ ​

Wallahi! Kwa yakini tulikuwa katika upotovu ulio dhaahiri,

آية رقم 98

ﮤﮥﮦﮧ ﮨ ​

Tulipo kufanyeni ni sawa na Mola Mlezi wa walimwengu wote.

آية رقم 99

ﮩﮪﮫﮬ ﮭ ​

Na hawakutupoteza ila wale wakosefu.

آية رقم 100

ﮮﮯﮰﮱ ﯓ ​

Basi hatuna waombezi.

آية رقم 101

ﯔﯕﯖ ﯗ ​

Wala rafiki wa dhati.

آية رقم 102

ﯘﯙﯚﯛﯜﯝﯞ ﯟ ​

Laiti tungeli pata kurejea tena tungeli kuwa katika Waumini.

آية رقم 103

ﯠﯡﯢﯣﯤﯥﯦﯧﯨ ﯩ ​

Hakika katika haya ipo Ishara, lakini wengi wao hawakuwa wenye kuamini.

آية رقم 104

ﯪﯫﯬﯭﯮ ﯯ ​

Na hakika Mola wako Mlezi ndiye Mwenye nguvu Mwenye kurehemu.

آية رقم 105

ﯰﯱﯲﯳ ﯴ ​

Kaumu ya Nuhu waliwakadhibisha Mitume.

آية رقم 106

ﯵﯶﯷﯸﯹﯺﯻ ﯼ ​

Alipo waambia ndugu yao, Nuhu: Je! Hamchimngu?

آية رقم 107

ﯽﯾﯿﰀ ﰁ ​

Hakika mimi kwenu ni Mtume muaminifu.

آية رقم 108

ﰂﰃﰄ ﰅ ​

Basi Mcheni Mwenyezi Mungu, na nit'iini mimi.

آية رقم 109

ﰆﰇﰈﰉﰊﰋﰌﰍﰎﰏﰐﰑ ﰒ ​

Na sikutakini juu yake ujira, kwani ujira wangu hauko ila kwa Mola Mlezi wa walimwengu wote.

آية رقم 110

ﰓﰔﰕ ﰖ ​

Basi Mcheni Mwenyezi Mungu, na nit'iini mimi.

آية رقم 111

ﰗﰘﰙﰚﰛﰜ ﰝ ​

Wakasema: Je! Tukuamini wewe, hali wanao kufuata ni watu wa chini?

آية رقم 112

ﭑﭒﭓﭔﭕﭖ ﭗ ​

Akasema: Nayajuaje waliyo kuwa wakiyafanya?

آية رقم 113

ﭘﭙﭚﭛﭜﭝﭞﭟ ﭠ ​

Hisabu yao haiko ila kwa Mola wao Mlezi, laiti mngeli tambua!

آية رقم 114

ﭡﭢﭣﭤ ﭥ ​

Wala mimi si wa kuwafukuza Waumini.

آية رقم 115

ﭦﭧﭨﭩﭪ ﭫ ​

Mimi si cho chote ila ni Mwonyaji wa dhaahiri shaahiri.

آية رقم 116

ﭬﭭﭮﭯﭰﭱﭲﭳ ﭴ ​

Wakasema: Ikiwa huachi, ewe Nuhu, bila ya shaka utapigwa mawe.

آية رقم 117

ﭵﭶﭷﭸﭹ ﭺ ​

Akasema: Mola wangu Mlezi! Hakika watu wangu wamenikanusha.

آية رقم 118

ﭻﭼﭽﭾﭿﮀﮁﮂﮃ ﮄ ​

Basi hukumu baina yangu na wao kwa hukumu yako, na uniokoe mimi na walio pamoja nami, Waumini.

آية رقم 119

ﮅﮆﮇﮈﮉﮊ ﮋ ​

Kwa hivyo tukamwokoa yeye na walio kuwa pamoja naye katika marikebu iliyo sheheni.

آية رقم 120

ﮌﮍﮎﮏ ﮐ ​

Kisha tukawazamisha baadaye walio bakia.

آية رقم 121

ﮑﮒﮓﮔﮕﮖﮗﮘﮙ ﮚ ​

Hakika katika haya ipo Ishara, lakini si wengi wao walio kuwa Waumini.

آية رقم 122

ﮛﮜﮝﮞﮟ ﮠ ​

Na hakika Mola wako Mlezi ndiye Yeye Mwenye nguvu Mwenye kurehemu.

آية رقم 123

ﮡﮢﮣ ﮤ ​

Kina A'd waliwakanusha Mitume.

آية رقم 124

ﮥﮦﮧﮨﮩﮪﮫ ﮬ ​

Alipo waambia ndugu yao, Hud: Je! Hamchimngu?

آية رقم 125

ﮭﮮﮯﮰ ﮱ ​

Hakika mimi kwenu ni Mtume muaminifu.

آية رقم 126

ﯓﯔﯕ ﯖ ​

Basi mcheni Mwenyezi Mungu, na nit'iini mimi.

آية رقم 127

ﯗﯘﯙﯚﯛﯜﯝﯞﯟﯠﯡﯢ ﯣ ​

Wala sikutakeni juu yake ujira, kwani ujira wangu hauko ila kwa Mola Mlezi wa walimwengu wote.

آية رقم 128

ﯤﯥﯦﯧﯨ ﯩ ​

Je! Mnajenga juu ya kila mnyanyuko kumbusho la kufanyia upuuzi?

آية رقم 129

ﯪﯫﯬﯭ ﯮ ​

Na mnajenga majengo ya fakhari kama kwamba mtaishi milele!

آية رقم 130

ﯯﯰﯱﯲ ﯳ ​

Na mnapo tumia nguvu mnatumia nguvu kwa ujabari.

آية رقم 131

ﯴﯵﯶ ﯷ ​

Basi mcheni Mwenyezi Mungu, na nit'iini.

آية رقم 132

ﯸﯹﯺﯻﯼ ﯽ ​

Na mcheni aliye kupeni haya mnayo yajua.

آية رقم 133

ﯾﯿﰀ ﰁ ​

Amekupeni wanyama wa kufuga na wana.

آية رقم 134

ﰂﰃ ﰄ ​

Na mabustani na chemchem.

آية رقم 135

ﰅﰆﰇﰈﰉﰊ ﰋ ​

Hakika mimi ninakukhofieni adhabu ya Siku Kubwa.

آية رقم 136

ﰌﰍﰎﰏﰐﰑﰒﰓﰔ ﰕ ​

Wakasema: Ni mamoja kwetu, ukitupa mawaidha au hukuwa miongoni mwa watoao mawaidha.

آية رقم 137

ﭑﭒﭓﭔﭕ ﭖ ​

Haya si chochote ila ni mtindo wa watu wa tokea zamani.

آية رقم 138

ﭗﭘﭙ ﭚ ​

Wala sisi hatutaadhibiwa.

آية رقم 139

ﭛﭜﭝﭞﭟﭠﭡﭢﭣﭤﭥﭦ ﭧ ​

Wakamkanusha; nasi tukawaangamiza. Hakika bila ya shaka katika haya ipo Ishara. Lakini hawakuwa wengi wao wenye kuamini.

آية رقم 140

ﭨﭩﭪﭫﭬ ﭭ ​

Na hakika Mola wako Mlezi ndiye Mwenye nguvu Mwenye kurehemu.

آية رقم 141

ﭮﭯﭰ ﭱ ​

Kina Thamud waliwakanusha Mitume.

آية رقم 142

ﭲﭳﭴﭵﭶﭷﭸ ﭹ ​

Alipo waambia ndugu yao Saleh: Je! Hamumchimngu?

آية رقم 143

ﭺﭻﭼﭽ ﭾ ​

Hakika mimi kwenu ni Mtume muaminifu.

آية رقم 144

ﭿﮀﮁ ﮂ ​

Basi mcheni Mwenyezi Mungu, na nit'iini.

آية رقم 145

ﮃﮄﮅﮆﮇﮈﮉﮊﮋﮌﮍﮎ ﮏ ​

Wala sikutakini ujira juu yake. Ujira wangu hauko ila kwa Mola Mlezi wa walimwengu wote.

آية رقم 146

ﮐﮑﮒﮓﮔ ﮕ ​

Je! Mtaachwa salama usalimina katika haya yaliyopo hapa?

آية رقم 147

ﮖﮗﮘ ﮙ ​

Katika mabustani, na chemchem?

آية رقم 148

ﮚﮛﮜﮝ ﮞ ​

Na konde na mitende yenye makole yaliyo wiva.

آية رقم 149

ﮟﮠﮡﮢﮣ ﮤ ​

Na mnachonga milimani majumba kwa ustadi.

آية رقم 150

ﮥﮦﮧ ﮨ ​

Basi mcheni Mwenyezi Mungu, na nit'iini mimi.

آية رقم 151

ﮩﮪﮫﮬ ﮭ ​

Wala msit'ii amri za walio pindukia mipaka,

آية رقم 152

ﮮﮯﮰﮱﯓﯔ ﯕ ​

Ambao wanafanya ufisadi katika nchi, wala hawatengenezi.

آية رقم 153

ﯖﯗﯘﯙﯚ ﯛ ​

Wakasema: Hakika wewe ni miongoni mwa walio rogwa.

آية رقم 154

ﯜﯝﯞﯟﯠﯡﯢﯣﯤﯥﯦ ﯧ ​

Wewe si chochote ila ni mtu kama sisi. Basi lete Ishara ukiwa wewe ni miongoni mwa wasemao kweli.

آية رقم 155

ﯨﯩﯪﯫﯬﯭﯮﯯﯰ ﯱ ​

Akasema: Huyu ngamia jike; awe na zamu yake ya kunywa, na nyinyi muwe na zamu yenu ya kunywa katika siku maalumu.

آية رقم 156

ﯲﯳﯴﯵﯶﯷﯸ ﯹ ​

Wala msimguse kwa uwovu, isije ikakushikeni adhabu ya Siku Kubwa.

آية رقم 157

ﯺﯻﯼ ﯽ ​

Lakini wakamuuwa, na wakawa wenye kujuta.

آية رقم 158

ﯾﯿﰀﰁﰂﰃﰄﰅﰆﰇﰈﰉ ﰊ ​

Basi ikawapata adhabu. Hakika katika hayo ipo Ishara. Lakini hawakuwa wengi wao wenye kuamini.

آية رقم 159

ﰋﰌﰍﰎﰏ ﰐ ​

Na hakika Mola wako Mlezi ndiye Mwenye nguvu Mwenye kurehemu.

آية رقم 160

ﭑﭒﭓﭔ ﭕ ​

Watu wa Lut'i waliwakanusha Mitume.

آية رقم 161

ﭖﭗﭘﭙﭚﭛﭜ ﭝ ​

Alipo waambia ndugu yao, Lut'i: Je! Hamumchimngu?

آية رقم 162

ﭞﭟﭠﭡ ﭢ ​

Hakika mimi kwenu ni Mtume muaminifu kwenu.

آية رقم 163

ﭣﭤﭥ ﭦ ​

Basi mcheni Mwenyezi Mungu na nit'iini mimi.

آية رقم 164

ﭧﭨﭩﭪﭫﭬﭭﭮﭯﭰﭱﭲ ﭳ ​

Wala mimi sikutakini ujira juu yake; ujira wangu hauko ila kwa Mola Mlezi wa walimwengu wote.

آية رقم 165

ﭴﭵﭶﭷ ﭸ ​

Je! Katika viumbe vyote mnawaingilia wanaume?

آية رقم 166

ﭹﭺﭻﭼﭽﭾﭿﮀﮁﮂﮃﮄ ﮅ ​

Na mnaacha alicho kuumbieni Mola wenu Mlezi katika wake zenu? Ama kweli nyinyi ni watu mnao ruka mipaka!

آية رقم 167

ﮆﮇﮈﮉﮊﮋﮌﮍ ﮎ ​

Wakasema: Ewe Lut'i! Usipo acha, hapana shaka utakuwa miongoni mwa wanao tolewa mji!

آية رقم 168

ﮏﮐﮑﮒﮓ ﮔ ​

Akasema: Hakika mimi ni katika wanao kichukia hichi kitendo chenu.

آية رقم 169

ﮕﮖﮗﮘﮙ ﮚ ​

Mola wangu Mlezi! Niokoe mimi na ahali zangu na haya wayatendayo.

آية رقم 170

ﮛﮜﮝ ﮞ ​

Basi tukamwokoa yeye na ahali zake wote,

آية رقم 171

ﮟﮠﮡﮢ ﮣ ​

Isipo kuwa kikongwe katika walio kaa nyuma.

آية رقم 172

ﮤﮥﮦ ﮧ ​

Kisha tukawaangamiza wale wengine.

آية رقم 173

ﮨﮩﮪﮫﮬﮭﮮ ﮯ ​

Na tukawanyeshea mvua, basi ni ovu mno mvua ya waliyo onywa.

آية رقم 174

ﮰﮱﯓﯔﯕﯖﯗﯘﯙ ﯚ ​

Hakika katika hayo ipo Ishara. Na hawakuwa wengi wao wenye kuamini.

آية رقم 175

ﯛﯜﯝﯞﯟ ﯠ ​

Na hakika Mola wako Mlezi bila ya shaka ndiye Mwenye nguvu, Mwenye kurehemu.

آية رقم 176

ﯡﯢﯣﯤ ﯥ ​

Watu wa Machakani waliwakanusha Mitume.

آية رقم 177

ﯦﯧﯨﯩﯪﯫ ﯬ ​

Shuaibu alipo waambia: Je! Hamfanyi mkamchamngu?

آية رقم 178

ﯭﯮﯯﯰ ﯱ ​

Hakika mimi kwenu ni Mtume muaminifu.

آية رقم 179

ﯲﯳﯴ ﯵ ​

Basi mcheni Mwenyezi Mungu, na nit'iini mimi.

آية رقم 180

ﯶﯷﯸﯹﯺﯻﯼﯽﯾﯿﰀﰁ ﰂ ​

Wala sikutakini ujira juu yake. Ujira wangu hauko ila kwa Mola Mlezi wa walimwengu wote.

آية رقم 181

ﰃﰄﰅﰆﰇﰈﰉ ﰊ ​

Timizeni kipimo sawa sawa, wala msiwe katika wanao punja.

آية رقم 182

ﰋﰌﰍ ﰎ ​

Na pimeni kwa haki iliyo nyooka;

آية رقم 183

ﰏﰐﰑﰒﰓﰔﰕﰖﰗ ﰘ ​

Wala msiwapunje watu vitu vyao, wala msifanye jeuri kwa ufisadi.

آية رقم 184

ﭑﭒﭓﭔﭕ ﭖ ​

Na mcheni aliye kuumbeni nyinyi na vizazi vilivyo tangulia.

آية رقم 185

ﭗﭘﭙﭚﭛ ﭜ ​

Wakasema: Hakika wewe ni katika walio rogwa.

آية رقم 186

ﭝﭞﭟﭠﭡﭢﭣﭤﭥ ﭦ ​

Na wewe si chochote ila ni mtu tu kama sisi, na kwa yakini tunakuona wewe ni katika waongo.

آية رقم 187

ﭧﭨﭩﭪﭫﭬﭭﭮﭯ ﭰ ​

Hebu tuangushie vipande kutoka mbinguni ikiwa wewe ni miongoni mwa wasemao kweli.

آية رقم 188

ﭱﭲﭳﭴﭵ ﭶ ​

Akasema: Mola wangu Mlezi anajua zaidi mnayo yatenda.

آية رقم 189

ﭷﭸﭹﭺﭻﭼﭽﭾﭿﮀﮁ ﮂ ​

Basi walimkanusha, na ikawashika adhabu ya siku ya kivuli. Hakika hiyo ilikuwa adhabu ya siku kubwa.

آية رقم 190

ﮃﮄﮅﮆﮇﮈﮉﮊﮋ ﮌ ​

Hakika katika hayo ipo Ishara, lakini hawakuwa wengi wao wenye kuamini.

آية رقم 191

ﮍﮎﮏﮐﮑ ﮒ ​

Na hakika Mola wako Mlezi bila ya shaka ndiye Yeye Mwenye nguvu Mwenye kurehemu.

آية رقم 192

ﮓﮔﮕﮖ ﮗ ​

Na bila ya shaka hii ni Uteremsho wa Mola Mlezi wa walimwengu wote.

آية رقم 193

ﮘﮙﮚﮛ ﮜ ​

Ameuteremsha Roho muaminifu,

آية رقم 194

ﮝﮞﮟﮠﮡ ﮢ ​

Juu ya moyo wako, ili uwe katika Waonyaji,

آية رقم 195

ﮣﮤﮥ ﮦ ​

Kwa ulimi wa Kiarabu ulio wazi.

آية رقم 196

ﮧﮨﮩﮪ ﮫ ​

Na hakika bila ya shaka haya yamo katika Vitabu vya kale.

آية رقم 197

ﮬﮭﮮﮯﮰﮱﯓﯔﯕ ﯖ ​

Je! Haikuwa kwao ni Ishara kwamba wanayajua haya wanazuoni wa Wana wa Israili?

آية رقم 198

ﯗﯘﯙﯚﯛ ﯜ ​

Na lau kuwa tungeli iteremsha juu ya mmoja wa wasio kuwa Waarabu,

آية رقم 199

ﯝﯞﯟﯠﯡﯢ ﯣ ​

Na akawasomea, wasingeli kuwa wenye kuamini.

آية رقم 200

ﯤﯥﯦﯧﯨ ﯩ ​

Namna hivi tunaingiza katika nyoyo za wakosefu.

آية رقم 201

ﯪﯫﯬﯭﯮﯯﯰ ﯱ ​

Hawataiamini mpaka waione adhabu chungu.

آية رقم 202

ﯲﯳﯴﯵﯶ ﯷ ​

Basi itawafikia kwa ghafla, na hali hawana khabari.

آية رقم 203

ﯸﯹﯺﯻ ﯼ ​

Na watasema: Je, tutapewa muhula?

آية رقم 204

ﯽﯾ ﯿ ​

Basi, je, wanaihimiza adhabu yetu?

آية رقم 205

ﰀﰁﰂﰃ ﰄ ​

Waonaje kama tukiwastarehesha kwa miaka,

آية رقم 206

ﰅﰆﰇﰈﰉ ﰊ ​

Kisha yakawafikia waliyo kuwa wakiahidiwa,

آية رقم 207

ﭑﭒﭓﭔﭕﭖ ﭗ ​

Yatawafaa nini yale waliyo stareheshewa?

آية رقم 208

ﭘﭙﭚﭛﭜﭝﭞ ﭟ ​

Wala hatukuangamiza mji wo wote ila ulikuwa na waonyaji -

آية رقم 209

ﭠﭡﭢﭣ ﭤ ​

Kuwa ni ukumbusho. Wala Sisi hatukuwa wenye kudhulumu.

آية رقم 210

ﭥﭦﭧﭨ ﭩ ​

Wala Mashet'ani hawakuteremka nayo,

آية رقم 211

ﭪﭫﭬﭭﭮ ﭯ ​

Wala haitakiwi kwao, na wala hawawezi.

آية رقم 212

ﭰﭱﭲﭳ ﭴ ​

Hakika hao wametengwa na kusikia.

آية رقم 213

ﭵﭶﭷﭸﭹﭺﭻﭼﭽ ﭾ ​

Basi usimwombe mungu mwingine pamoja na Mwenyezi Mungu ukawa miongoni mwa watakao adhibiwa.

آية رقم 214

ﭿﮀﮁ ﮂ ​

Na uwaonye jamaa zako walio karibu nawe.

آية رقم 215

ﮃﮄﮅﮆﮇﮈ ﮉ ​

Na watwae kwa upole wanao kufuata miongoni mwa Waumini.

آية رقم 216

ﮊﮋﮌﮍﮎﮏﮐ ﮑ ​

Na ikiwa watakuasi basi sema: Mimi najitenga mbali na hayo mnayo yatenda.

آية رقم 217

ﮒﮓﮔﮕ ﮖ ​

Na umtegemee Mtukufu Mwenye nguvu Mwenye kurehemu.

آية رقم 218

ﮗﮘﮙﮚ ﮛ ​

Ambaye anakuona unapo simama,

آية رقم 219

ﮜﮝﮞ ﮟ ​

Na mageuko yako kati ya wanao sujudu.

آية رقم 220

ﮠﮡﮢﮣ ﮤ ​

Hakika Yeye ndiye Mwenye kusikia Mwenye kujua.

آية رقم 221

ﮥﮦﮧﮨﮩﮪ ﮫ ​

Je! Nikwambieni nani wanawashukia Mashet'ani?

آية رقم 222

ﮬﮭﮮﮯﮰ ﮱ ​

Wanamshukia kila mzushi mkubwa mwingi wa dhambi.

آية رقم 223

ﯓﯔﯕﯖ ﯗ ​

Wanawapelekea yale wanayo yasikia; na wengi wao ni waongo.

آية رقم 224

ﯘﯙﯚ ﯛ ​

Na watungaji mashairi ni wapotofu ndio wanawafuata.

آية رقم 225

ﯜﯝﯞﯟﯠﯡﯢ ﯣ ​

Je! Huwaoni kwamba wao wanatangatanga katika kila bonde?

آية رقم 226

ﯤﯥﯦﯧﯨ ﯩ ​

Na kwamba wao husema wasiyo yatenda?

آية رقم 227

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﯾ ​

Isipo kuwa wale walio amini, na wakatenda mema, na wakamkumbuka Mwenyezi Mungu kwa wingi, na wakajitetea wanapo dhulumiwa. Na wanao dhulumu watakuja jua mgeuko gani watakao geuka.