ترجمة معاني سورة الحجر باللغة السواحلية من كتاب Ali Muhsin Al - Swahili translation

آية رقم 1

ﭑﭒﭓﭔﭕﭖﭗ ﭘ ​

A-Hijr

Alif Lam Ra. (A. L. R). Hizi ni Aya za Kitabu na Qur'ani inayo bainisha.

آية رقم 2

ﭙﭚﭛﭜﭝﭞﭟ ﭠ ​

HUENDA ikawa walio kufuru wakatamani wange kuwa Waislamu.

آية رقم 3

ﭡﭢﭣﭤﭥﭦﭧﭨ ﭩ ​

Waache wale, na wastarehe, na iwazuge tamaa. Watakuja jua.

آية رقم 4

ﭪﭫﭬﭭﭮﭯﭰﭱ ﭲ ​

Na hatukuuangamiza mji wowote ule ila ulikuwa na muda wake maalumu.

آية رقم 5

ﭳﭴﭵﭶﭷﭸﭹ ﭺ ​

Hawawezi watu wowote kuitangulia ajali yao, wala kuchelewa.

آية رقم 6

ﭻﭼﭽﭾﭿﮀﮁﮂ ﮃ ​

Na walisema: Ewe uliyeteremshiwa Ukumbusho! Hakika wewe ni mwendawazimu.

آية رقم 7

ﮄﮅﮆﮇﮈﮉﮊﮋ ﮌ ​

Mbona hutuletei Malaika ikiwa wewe ni miongoni mwa wasemao kweli?

آية رقم 8

ﮍﮎﮏﮐﮑﮒﮓﮔﮕ ﮖ ​

Sisi hatuwateremshi Malaika ila kwa sababu ya haki, na hapo hawatapewa muhula.

آية رقم 9

ﮗﮘﮙﮚﮛﮜﮝ ﮞ ​

Hakika Sisi ndio tulio teremsha Ukumbusho huu, na hakika Sisi ndio tutao ulinda.

آية رقم 10

ﮟﮠﮡﮢﮣﮤﮥ ﮦ ​

Na hakika tulikwisha watumia Mitume mataifa ya mwanzo.

آية رقم 11

ﮧﮨﮩﮪﮫﮬﮭﮮ ﮯ ​

Na hakuwafikia Mtume ila walimkejeli.

آية رقم 12

ﮰﮱﯓﯔﯕ ﯖ ​

Na kama hivi ndivyo tunavyo ingiza katika nyoyo za wakosefu.

آية رقم 13

ﯗﯘﯙﯚﯛﯜﯝ ﯞ ​

Hawayaamini haya, na hali ya kuwa umekwisha wapitia mfano wa watu wa kale.

آية رقم 14

ﯟﯠﯡﯢﯣﯤﯥﯦﯧ ﯨ ​

Na lau tungeli wafungulia mlango wa mbingu, wakawa wanapanda,

آية رقم 15

ﯩﯪﯫﯬﯭﯮﯯﯰ ﯱ ​

Basi wangeli sema: Macho yetu yamelevywa, bali sisi wenyewe tumerogwa.

آية رقم 16

ﭑﭒﭓﭔﭕﭖﭗ ﭘ ​

Na hakika tumeweka katika mbingu vituo vya sayari, na tumezipamba kwa wenye kuangalia.

آية رقم 17

ﭙﭚﭛﭜﭝ ﭞ ​

Na tumezilinda na kila shetani afukuzwaye.

آية رقم 18

ﭟﭠﭡﭢﭣﭤﭥ ﭦ ​

Isipo kuwa mwenye kusikiliza kwa kuibia, naye hufuatwa na kijinga cha moto kinacho onekana.

آية رقم 19

ﭧﭨﭩﭪﭫﭬﭭﭮﭯﭰﭱ ﭲ ​

Na ardhi tumeitandaza na humo tumeweka milima, na tumeotesha kila kitu kwa kiasi chake.

آية رقم 20

ﭳﭴﭵﭶﭷﭸﭹﭺ ﭻ ​

Na tumekujaalieni humo vitu vya maisha yenu, na ya hao ambao nyinyi sio wenye kuwaruzuku.

آية رقم 21

ﭼﭽﭾﭿﮀﮁﮂﮃﮄﮅﮆ ﮇ ​

Na hakuna chochote ila asili yake inatokana na Sisi; wala hatukiteremshi ila kwa kipimo maalumu.

آية رقم 22

ﮈﮉﮊﮋﮌﮍﮎﮏﮐﮑﮒﮓ ﮔ ​

Na tunazipeleka pepo za kupandishia, na tunateremsha kutoka mbinguni maji, kisha tukakunywesheni maji hayo. Wala si nyinyi mnayo yaweka.

آية رقم 23

ﮕﮖﮗﮘﮙﮚ ﮛ ​

Na Sisi ndio tunao huisha na tunao fisha. Na Sisi ndio Warithi.

آية رقم 24

ﮜﮝﮞﮟﮠﮡﮢ ﮣ ​

Na tunawajua walio tangulia katika nyinyi, na tunawajua walio taakhari.

آية رقم 25

ﮤﮥﮦﮧﮨﮩﮪﮫ ﮬ ​

Na hakika Mola wako Mlezi ndiye atakaye wakusanya. Hakika Yeye ni Mwenye hikima na Mjuzi.

آية رقم 26

ﮭﮮﮯﮰﮱﯓﯔﯕ ﯖ ​

Na tulimuumba mtu kwa udongo unao toa sauti, unao tokana na matope yaliyo tiwa sura.

آية رقم 27

ﯗﯘﯙﯚﯛﯜﯝ ﯞ ​

Na majini tuliwaumba kabla kwa moto wa upepo umoto.

آية رقم 28

ﯟﯠﯡﯢﯣﯤﯥﯦﯧﯨﯩﯪ ﯫ ​

Na Mola wako Mlezi alipo waambia Malaika: Hakika Mimi nitamuumba mtu kwa udongo unao toa sauti, unao tokana na matope yaliyo tiwa sura.

آية رقم 29

ﯬﯭﯮﯯﯰﯱﯲﯳﯴ ﯵ ​

Basi nitakapo mkamilisha na nikampulizia roho yangu, basi mumwangukie kumsujudia.

آية رقم 30

ﯶﯷﯸﯹ ﯺ ​

Basi Malaika wote pamoja walimsujudia,

آية رقم 31

ﯻﯼﯽﯾﯿﰀﰁ ﰂ ​

Isipo kuwa Iblisi. Yeye alikataa kuwa pamoja na walio sujudu.

آية رقم 32

ﭑﭒﭓﭔﭕﭖﭗﭘ ﭙ ​

(Mwenyezi Mungu) akasema: Ewe Iblisi! Una nini hata hukuwa pamoja na walio sujudu?

آية رقم 33

ﭚﭛﭜﭝﭞﭟﭠﭡﭢﭣﭤ ﭥ ​

Akasema: Haiwi mimi nimsujudie mtu uliye muumba kwa udongo unao toa sauti, unao tokana na matope yenye sura.

آية رقم 34

ﭦﭧﭨﭩﭪ ﭫ ​

(Mwenyezi Mungu) akasema: Basi toka humo, kwani hakika wewe ni maluuni!

آية رقم 35

ﭬﭭﭮﭯﭰﭱ ﭲ ​

Na hakika juu yako ipo laana mpaka Siku ya Malipo.

آية رقم 36

ﭳﭴﭵﭶﭷﭸ ﭹ ​

Akasema (Iblisi): Mola wangu Mlezi! Nipe muhula mpaka siku watapo fufuliwa.

آية رقم 37

ﭺﭻﭼﭽ ﭾ ​

(Mwenyezi Mungu) akasema: Hakika wewe ni katika walio pewa muhula

آية رقم 38

ﭿﮀﮁﮂ ﮃ ​

Mpaka siku ya wakati maalumu.

آية رقم 39

ﮄﮅﮆﮇﮈﮉﮊﮋﮌﮍ ﮎ ​

Akasema: Mola wangu Mlezi! Ilivyo kuwa umenitia makosani, basi nahakikisha nitawazaini hapa duniani na nitawapoteza wote,

آية رقم 40

ﮏﮐﮑﮒ ﮓ ​

Ila waja wako walio safika.

آية رقم 41

ﮔﮕﮖﮗﮘ ﮙ ​

Akasema: Hii Njia ya kujia kwangu Iliyo Nyooka.

آية رقم 42

ﮚﮛﮜﮝﮞﮟﮠﮡﮢﮣﮤ ﮥ ​

Hakika waja wangu, wewe hutakuwa na mamlaka juu yao, isipo kuwa wale wapotofu walio kufuata.

آية رقم 43

ﮦﮧﮨﮩ ﮪ ​

Na bila shaka Jahannamu ndipo pahali pao walipo ahidiwa wote.

آية رقم 44

ﮫﮬﮭﮮﮯﮰﮱﯓ ﯔ ​

Ina milango saba; na kwa kila mlango iko sehemu walio tengewa.

آية رقم 45

ﯕﯖﯗﯘﯙ ﯚ ​

Hakika wachamngu watakuwa katika Mabustani na chemchem.

آية رقم 46

ﯛﯜﯝ ﯞ ​

(Wataambiwa:) Ingieni kwa salama na amani.

آية رقم 47

ﯟﯠﯡﯢﯣﯤﯥﯦﯧﯨ ﯩ ​

Na tutaondoa chuki iliyo kuwamo vifuani mwao, wawe ndugu juu ya viti vya enzi wameelekeana.

آية رقم 48

ﯪﯫﯬﯭﯮﯯﯰﯱ ﯲ ​

Humo hayatawagusa machofu, wala hawatatolewa humo.

آية رقم 49

ﯳﯴﯵﯶﯷﯸﯹ ﯺ ​

Waambie waja wangu ya kwamba Mimi ndiye Mwenye kusamehe, Mwenye kurehemu.

آية رقم 50

ﯻﯼﯽﯾﯿ ﰀ ​

Na kwamba adhabu yangu ndio adhabu iliyo chungu!

آية رقم 51

ﰁﰂﰃﰄ ﰅ ​

Na uwape khabari za wageni wa Ibrahim.

آية رقم 52

ﭑﭒﭓﭔﭕﭖﭗﭘﭙ ﭚ ​

Walipo ingia kwake na wakasema: Salama! Yeye akasema: Hakika sisi tunakuogopeni.

آية رقم 53

ﭛﭜﭝﭞﭟﭠﭡ ﭢ ​

Wakasema: Usiogope. Sisi tunakubashiria kijana mwenye ujuzi.

آية رقم 54

ﭣﭤﭥﭦﭧﭨﭩﭪ ﭫ ​

Akasema: Mnanibashiria nami uzee umenishika! Basi kwa njia gani mnanibashiria?

آية رقم 55

ﭬﭭﭮﭯﭰﭱﭲ ﭳ ​

Wakasema: Tunakubashiria kwa haki; basi usiwe miongoni mwa wanao kata tamaa.

آية رقم 56

ﭴﭵﭶﭷﭸﭹﭺﭻ ﭼ ​

Akasema: Na nani anaye kata tamaa na rehema ya Mola wake Mlezi ila wale walio potea?

آية رقم 57

ﭽﭾﭿﮀﮁ ﮂ ​

Akasema: Hebu nini amri yenu, enyi wajumbe?

آية رقم 58

ﮃﮄﮅﮆﮇﮈ ﮉ ​

Wakasema: Hakika sisi tumetumwa kwa kaumu ya wakosefu!

آية رقم 59

ﮊﮋﮌﮍﮎﮏ ﮐ ​

Isipo kuwa walio mfuata Luut'i. Bila ya shaka sisi tutawaokoa hao wote.

آية رقم 60

ﮑﮒﮓﮔﮕﮖ ﮗ ​

Ila mkewe. Tunakadiria huyo atakuwa miongoni watao bakia nyuma.

آية رقم 61

ﮘﮙﮚﮛﮜ ﮝ ​

Basi wale wajumbe walipo fika kwa Luut'i,

آية رقم 62

ﮞﮟﮠﮡ ﮢ ​

Alisema (Luut'i): Hakika nyinyi ni watu msio juulikana.

آية رقم 63

ﮣﮤﮥﮦﮧﮨﮩ ﮪ ​

Wakasema: Bali sisi tumekuletea yale waliyo kuwa wakiyafanyia shaka.

آية رقم 64

ﮫﮬﮭﮮ ﮯ ​

Na tumefika kwako kwa Haki, na hakika sisi tunasema kweli.

آية رقم 65

ﮰﮱﯓﯔﯕﯖﯗﯘﯙﯚﯛﯜﯝﯞ ﯟ ​

Basi ondoka na ahli zako usiku ungalipo, nawe ufuate nyuma yao, wala yeyote kati yenu asigeuke nyuma. Na mwende mnapo amrishwa.

آية رقم 66

ﯠﯡﯢﯣﯤﯥﯦﯧﯨ ﯩ ​

Na tukamfunulia hukumu hiyo, ya kwamba hata wa mwisho wao hao ikifika asubuhi atakuwa kesha katiliwa mbali.

آية رقم 67

ﯪﯫﯬﯭ ﯮ ​

Na wakaja watu wa mji ule nao furahani.

آية رقم 68

ﯯﯰﯱﯲﯳﯴ ﯵ ​

Akasema: Hakika hawa wageni wangu, basi msinifedheheshe.

آية رقم 69

ﯶﯷﯸﯹ ﯺ ​

Na mcheni Mwenyezi Mungu, wala msinihizi.

آية رقم 70

ﯻﯼﯽﯾﯿ ﰀ ​

Wakasema: Sisi hatukukukataza usimkaribishe yeyote?

آية رقم 71

ﭑﭒﭓﭔﭕﭖ ﭗ ​

Akasema: Hawa binti zangu, ikiwa nyinyi ni watendaji.

آية رقم 72

ﭘﭙﭚﭛﭜ ﭝ ​

Naapa kwa umri wako! Hakika hao walikuwa katika ulevi wao, wakihangaika ovyo.

آية رقم 73

ﭞﭟﭠ ﭡ ​

Ukelele ukawatwaa wakipambaukiwa.

آية رقم 74

ﭢﭣﭤﭥﭦﭧﭨﭩ ﭪ ​

Na tukaigeuza nchi juu chini, na tukawanyeshea mvua ya mawe ya udongo wa Motoni.

آية رقم 75

ﭫﭬﭭﭮﭯ ﭰ ​

Hakika katika hayo zipo ishara kwa waaguzi.

آية رقم 76

ﭱﭲﭳ ﭴ ​

Na miji hii ipo kwenye njia inayo pitiwa.

آية رقم 77

ﭵﭶﭷﭸﭹ ﭺ ​

Hakika katika hayo ipo ishara kwa Waumini.

آية رقم 78

ﭻﭼﭽﭾﭿ ﮀ ​

Na hakika watu wa Kichakani walikuwa wenye kudhulumu.

آية رقم 79

ﮁﮂﮃﮄﮅ ﮆ ​

Kwa hivyo tukawaadhibu. Na nchi mbili hizi ziko kwenye njia ilio wazi.

آية رقم 80

ﮇﮈﮉﮊﮋ ﮌ ​

Na bila ya shaka wakaazi wa Hijr waliwakanusha Mitume.

آية رقم 81

ﮍﮎﮏﮐﮑ ﮒ ​

Na tuliwapa ishara zetu, nao wakazipuuza.

آية رقم 82

ﮓﮔﮕﮖﮗﮘ ﮙ ​

Nao walikuwa wakichonga majumba katika milima kwa amani.

آية رقم 83

ﮚﮛﮜ ﮝ ​

Basi ukelele ukawatwaa asubuhi.

آية رقم 84

ﮞﮟﮠﮡﮢﮣ ﮤ ​

Hayakuwafaa waliyo kuwa wakiyachuma.

آية رقم 85

ﮥﮦﮧﮨﮩﮪﮫﮬﮭﮮﮯﮰﮱﯓﯔﯕ ﯖ ​

Na hatukuziumba mbingu na ardhi na vilivyomo ndani yake ila kwa ajili ya Haki. Na hakika Kiyama kitafika. Basi samehe msamaha mzuri.

آية رقم 86

ﯗﯘﯙﯚﯛ ﯜ ​

Hakika Mola wako Mlezi ndiye Muumbaji Mjuzi.

آية رقم 87

ﯝﯞﯟﯠﯡﯢﯣ ﯤ ​

Na tumekupa Aya saba zinazo somwa mara kwa mara, na Qur'ani Tukufu.

آية رقم 88

ﯥﯦﯧﯨﯩﯪﯫﯬﯭﯮﯯﯰﯱﯲﯳ ﯴ ​

Usivitumbulie macho yako vitu tulivyo waneemesha makundi fulani kati yao, wala usiwahuzunikie. Na wainamishie bawa lako (la huruma) Waumini.

آية رقم 89

ﯵﯶﯷﯸﯹ ﯺ ​

Na sema: Hakika mimi ni mwonyaji mwenye kubainisha.

آية رقم 90

ﯻﯼﯽﯾ ﯿ ​

Kama hivyo tuliwateremshia walio gawa,

آية رقم 91

ﭑﭒﭓﭔ ﭕ ​

Ambao wakaifanya Qur'ani vipande vipande.

آية رقم 92

ﭖﭗﭘ ﭙ ​

Basi Naapa kwa Mola wako Mlezi! Tutawahoji wote,

آية رقم 93

ﭚﭛﭜ ﭝ ​

Kwa waliyo kuwa wakiyatenda.

آية رقم 94

ﭞﭟﭠﭡﭢﭣ ﭤ ​

Basi wewe yatangaze uliyo amrishwa, na jitenge na washirikina.

آية رقم 95

ﭥﭦﭧ ﭨ ​

Hakika Sisi tunatosha kukukinga na wanao kejeli.

آية رقم 96

ﭩﭪﭫﭬﭭﭮﭯﭰﭱ ﭲ ​

Hao wanao fanya kuwa pamoja na Mwenyezi Mungu yupo mungu mwingine. Basi, watakuja jua!

آية رقم 97

ﭳﭴﭵﭶﭷﭸﭹ ﭺ ​

Na Sisi tunajua kwa hakika kuwa wewe kifua chako kinaona dhiki kwa hayo wayasemayo.

آية رقم 98

ﭻﭼﭽﭾﭿﮀ ﮁ ​

Basi mtakase Mola wako Mlezi kwa kumhimidi, na uwe miongoni wanao msujudia.

آية رقم 99

ﮂﮃﮄﮅﮆ ﮇ ​

Na muabudu Mola wako Mlezi mpaka ikufikie Yakini.