ترجمة معاني سورة ق باللغة ماراناو من كتاب Maranao - Maranao translation

آية رقم 1

ﭑﭒﭓﭔ ﭕ ​

Qaf. (So Allah i Matao ko paka-aantapan Iyan on). Ibt ko Qor´an a sslaan; (ka so Mohammad na sogo o Allah).

آية رقم 2

ﭖﭗﭘﭙﭚﭛﭜﭝﭞﭟﭠ ﭡ ​

Kna, ka miyammsa siran sa kiyapakawma kiran o miyamakaiktiyar a pd kiran. Na pitharo o miyamangongkir a: "Giyaya na shay´ a piyakammsa!"

آية رقم 3

ﭢﭣﭤﭥﭦﭧﭨﭩ ﭪ ​

"Ino amay ka matay tano go mbaloy tano a botha, (khawyag tano zaroman)? Giyoto na kapakandod a mawatan!"

آية رقم 4

ﭫﭬﭭﭮﭯﭰﭱﭲﭳﭴ ﭵ ​

Sabnar a katawan Ami so pkhorangn kiran o lopa; go zisii Rkami so daptar a sisiyapn.

آية رقم 5

ﭶﭷﭸﭹﭺﭻﭼﭽﭾ ﭿ ​

Kna, ka piyakambokhag iran so bnar ko kiyapakawma niyan kiran: Na siran na matatago ko btad a di thatana.

آية رقم 6

ﮀﮁﮂﮃﮄﮅﮆﮇﮈﮉﮊﮋ ﮌ ​

Ba iran da pagilaylaya so langit ko kaporoan iran? O andamanaya i kiyambalaya Mi ron go so kiyapharasi Ami ron, a da a manga lbo niyan?

آية رقم 7

ﮍﮎﮏﮐﮑﮒﮓﮔﮕﮖﮗ ﮘ ​

Go so lopa a kiyayat Ami skaniyan, go piyakabknan Ami oto sa manga palaw, go piyakatho Ami ron so pizoson a pakaranon,

آية رقم 8

ﮙﮚﮛﮜﮝ ﮞ ​

In´ngka, ago pananadm o oman i oripn a pphangongonotan (ko Allah).

آية رقم 9

ﮟﮠﮡﮢﮣﮤﮥﮦﮧﮨ ﮩ ​

Na piyakatoron Ami a phoon ko kawang so ig a madakl i gona, na piyakatho Ami sa sabap rkaniyan so manga pamomolan go so pr a mapphragon;

آية رقم 10

ﮪﮫﮬﮭﮮ ﮯ ​

Go so manga korma a manga poporo, a adn a onga niyan a miyakanggontogontor,

آية رقم 11

ﮰﮱﯓﯔﯕﯖﯗﯘﯙﯚ ﯛ ​

Pagpr ko manga oripn (o Allah;) go inioyag Ami oto ko ingd a maatay: Lagid man oto so kaphakagmaw (phoon ko manga kobor).

آية رقم 12

ﯜﯝﯞﯟﯠﯡﯢ ﯣ ​

Tomiyaplis ko miyaonaan iran so pagtaw o Noh, go so khibabaling sa (ingd a) Rassi, go so pagtaw a Samod,

آية رقم 13

ﯤﯥﯦﯧ ﯨ ​

Go so pagtaw a Ad, go so Pir´awn, go so manga pagari o Lot,

آية رقم 14

ﯩﯪﯫﯬﯭﯮﯯﯰﯱﯲ ﯳ ​

Go so khibabaling sa Aykah, go so pagtaw o Tobba´: Oman i isa kiran na piyakambokhag iyan so manga rasol, na miyatangkd (kiran) so siksa Akn.

آية رقم 15

ﯴﯵﯶﯷﯸﯹﯺﯻﯼﯽﯾ ﯿ ​

Ba Kami minikopay ko kiyapangadn a paganay? Kna, ka siran na matatago ko kazasangka ko kaphangadn a bago.

آية رقم 16

ﭑﭒﭓﭔﭕﭖﭗﭘﭙﭚﭛﭜﭝﭞﭟ ﭠ ​

Na sabnsabnar a inadn Ami so manosiya, go katawan Ami so pkhigdi skaniyan o ginawa niyan: Go Skami i lbi a marani ron a di so ogat ko bakrng;

آية رقم 17

ﭡﭢﭣﭤﭥﭦﭧﭨ ﭩ ​

Gowani a pphanorat so dowa a malaikat, sii sa kawanan go sa diwang khioontod;

آية رقم 18

ﭪﭫﭬﭭﭮﭯﭰﭱ ﭲ ​

Daa maptharo iyan a katharo a ba da a zisii rkaniyan, a tomotonggo a makadadarpa.

آية رقم 19

ﭳﭴﭵﭶﭷﭸﭹﭺﭻﭼ ﭽ ​

Na mitalingoma o Sakratol Mawt so bnar. "Giyoto man so ska na pphalagoyan ka skaniyan!"

آية رقم 20

ﭾﭿﮀﮁﮂﮃﮄ ﮅ ​

Na iyopn so sanggakala:, giyoto man so alongan a diyandi.

آية رقم 21

ﮆﮇﮈﮉﮊﮋ ﮌ ​

Na makawma so oman i isa a ginawa a: Adn a pd iyan a pndndg on go saksi.

آية رقم 22

ﮍﮎﮏﮐﮑﮒﮓﮔﮕﮖﮗﮘ ﮙ ​

(Tharoon on a:) "Sabnsabnar a miyatago ka ko kalilipati sangkai, na piyokas Ami rka so mirrnding rka, na so kaylaing ka sa alongan nai na malambt!"

آية رقم 23

ﮚﮛﮜﮝﮞﮟ ﮠ ​

Na tharoon o (malaikat a) pd iyan a: "Giyaya so kadadarpaang ko."

آية رقم 24

ﮡﮢﮣﮤﮥﮦ ﮧ ​

(Tharoon o Allah:) "Phozanga niyo a dowa ko naraka Jahannam so oman i miyongkir, a somiyangka,"

آية رقم 25

ﮨﮩﮪﮫ ﮬ ​

"Phagrn ko mapiya, a mmamalawani, a pkhadowadowaan,"

آية رقم 26

ﮭﮮﮯﮰﮱﯓﯔﯕﯖﯗ ﯘ ​

"A so miyangmbaal sa rimbang o Allah a katohanan a salakaw: Na pozanga niyo skaniyan ko siksa a sangat."

آية رقم 27

ﯙﯚﯛﯜﯝﯞﯟﯠﯡﯢﯣ ﯤ ​

Tharoon o (shaytan a) pd iyan: "Kadnan ami, da akn dadaga skaniyan, na ogaid na miyatago ko kadadag a mawatan."

آية رقم 28

ﯥﯦﯧﯨﯩﯪﯫﯬ ﯭ ​

Tharoon (o Allah) a: "Di kano gii phapawala ko hadapan Ko: Ka sabnar a miniona ko rkano so kapakaiktiyar."

آية رقم 29

ﯮﯯﯰﯱﯲﯳﯴﯵ ﯶ ​

"Di khasambian so katharo ko hadapan Ko, go di Akn zalimbotan so manga oripn (Ko)."

آية رقم 30

ﯷﯸﯹﯺﯻﯼﯽﯾﯿ ﰀ ​

Sii ko alongan a tharoon Ami ko Jahannam: "Ba ka miyapno?" Na tharoon iyan: "Ba adn a khiyoman?"

آية رقم 31

ﰁﰂﰃﰄﰅ ﰆ ​

Na ipakarani so sorga ko miyamananggila, a di mawatan:

آية رقم 32

ﰇﰈﰉﰊﰋﰌ ﰍ ​

"Giyaya so ididiyandi rkano, a rk o oman i pphananangoran (ko Allah) a masiyapn,"

آية رقم 33

ﰎﰏﰐﰑﰒﰓﰔ ﰕ ​

"A so maalkn ko Masalinggagaw, a migagaib, go miyakaoma rakhs o poso a thotolabos:

آية رقم 34

ﰖﰗﰘﰙﰚﰛ ﰜ ​

"Pamanold kano ron sa kapipiya ginawa. Giyaya so alongan a kakal!"

آية رقم 35

ﰝﰞﰟﰠﰡﰢ ﰣ ​

Khakowa iran so nganin a kabaya iran roo; go adn a zisii Rkami a lawan on.

آية رقم 36

ﭑﭒﭓﭔﭕﭖﭗﭘﭙﭚﭛﭜﭝﭞﭟ ﭠ ​

Na madakl a bininasa Ami ko miyaonaan iran a pagtaw, siran i mala a di siran i guus, go miyanbnb iran so manga ingd! Na ba adn a kiyaapasan (iran)?

آية رقم 37

ﭡﭢﭣﭤﭥﭦﭧﭨﭩﭪﭫﭬﭭ ﭮ ​

Mataan! a adn a matatago roo man a titho a ndao ko taw a adn a sabot iyan, maana tiyandang iyan so kapamamakin´g, a skaniyan na tomototoo.

آية رقم 38

ﭯﭰﭱﭲﭳﭴﭵﭶﭷﭸﭹﭺﭻ ﭼ ​

Na sabnsabnar a inadn Ami so manga langit go so lopa, go so nganin a lt a dowa nan sii ko nm a alongan, na da Kami raota a dokaw.

آية رقم 39

ﭽﭾﭿﮀﮁﮂﮃﮄﮅﮆﮇﮈ ﮉ ​

Na phantanging ka so di iran tharoon, go pthasbikn ka so podi o Kadnan ka, ko di pn kapakasbang o alongan, go so di niyampn kasdp,

آية رقم 40

ﮊﮋﮌﮍﮎ ﮏ ​

Go sii ko kagagawii, na pthasbik ka Rkaniyan, go so manga oriyan o sojiod.

آية رقم 41

ﮐﮑﮒﮓﮔﮕﮖ ﮗ ​

Na pamakin´gang ka so alongan a mananawag so phananawag ko darpa a marani,

آية رقم 42

ﮘﮙﮚﮛﮜﮝﮞﮟ ﮠ ​

Sii ko alongan a man´g iran so lalis a rakhs o bnar: Giyoto man so alongan a kapakambowat (ko kobor).

آية رقم 43

ﮡﮢﮣﮤﮥﮦ ﮧ ​

Mataan! a Skami na Skami i pphangoyag go pphangimatay; go sii Rkami so khabolosan,

آية رقم 44

ﮨﮩﮪﮫﮬﮭﮮﮯﮰﮱ ﯓ ​

Sii ko alongan a manga bbngkag kiran so lopa, a gii siran makanggagaan (lomiyo ko manga kobor): Giyoto man i kaplimod a malbod Rkami.

آية رقم 45

ﯔﯕﯖﯗﯘﯙﯚﯛﯜﯝﯞﯟﯠﯡﯢ ﯣ ​

Skami i lbi a Matao ko gi iran tharoon; na kna a ba ka kiran pakaphamaasa. Na pakitadming ka so Qor´an ko taw a ikaalk iyan so pangangalk Akn!