ترجمة معاني سورة الواقعة باللغة المليبارية من كتاب Muhammad Karakunnu and Vanidas Elayavoor - Malayalam translation

آية رقم 1

ﮃﮄﮅ ﮆ ​

വാഖിഅ

ആ സംഭവം നടന്നുകഴിഞ്ഞാല്‍.

آية رقم 2

ﮇﮈﮉ ﮊ ​

പിന്നെ അങ്ങനെ സംഭവിക്കുമെന്നത് നിഷേധിക്കുന്നവരുണ്ടാവില്ല.

آية رقم 3

ﮋﮌ ﮍ ​

അത് ചിലരെ താഴ്ത്തുന്നതും മറ്റു ചിലരെ ഉയര്‍ത്തുന്നതുമാണ്.

آية رقم 4

ﮎﮏﮐﮑ ﮒ ​

അപ്പോള്‍ ഭൂമി കിടുകിടാ വിറക്കും.

آية رقم 5

ﮓﮔﮕ ﮖ ​

പര്‍വതങ്ങള്‍ തകര്‍ന്ന് തരിപ്പണമാകും.

آية رقم 6

ﮗﮘﮙ ﮚ ​

അങ്ങനെയത് പാറിപ്പറക്കുന്ന പൊടിപടലമായിത്തീരും.

آية رقم 7

ﮛﮜﮝ ﮞ ​

അന്നു നിങ്ങള്‍ മൂന്നു വിഭാഗമായിരിക്കും.

آية رقم 8

ﮟﮠﮡﮢﮣ ﮤ ​

വലതു പക്ഷക്കാര്‍! ആഹാ! എന്തായിരിക്കും അന്ന് വലതുപക്ഷക്കാരുടെ അവസ്ഥ!

آية رقم 9

ﮥﮦﮧﮨﮩ ﮪ ​

ഇടതുപക്ഷക്കാര്‍! ഹാവൂ! എന്തായിരിക്കും ഇടതുപക്ഷത്തിന്റെ അവസ്ഥ?

آية رقم 10

ﮫﮬ ﮭ ​

പിന്നെ മുന്നേറിയവര്‍! അവര്‍ അവിടെയും മുന്‍നിരക്കാര്‍ തന്നെ!

آية رقم 11

ﮮﮯ ﮰ ​

അവരാണ് ദിവ്യസാമീപ്യം സിദ്ധിച്ചവര്‍.

آية رقم 12

ﮱﯓﯔ ﯕ ​

അനുഗൃഹീതമായ സ്വര്‍ഗീയാരാമങ്ങളിലായിരിക്കും അവര്‍.

آية رقم 13

ﯖﯗﯘ ﯙ ​

അവരോ മുന്‍ഗാമികളില്‍നിന്ന് കുറേ പേര്‍.

آية رقم 14

ﯚﯛﯜ ﯝ ​

പിന്‍ഗാമികളില്‍നിന്ന് കുറച്ചും.

آية رقم 15

ﯞﯟﯠ ﯡ ​

അവര്‍ പൊന്നുനൂലുകൊണ്ടുണ്ടാക്കിയ കട്ടിലുകളിലായിരിക്കും.

آية رقم 16

ﯢﯣﯤ ﯥ ​

അവയിലവര്‍ മുഖാമുഖം ചാരിയിരിക്കുന്നവരായിരിക്കും.

آية رقم 17

ﭑﭒﭓﭔ ﭕ ​

നിത്യബാല്യം നേടിയവര്‍ അവര്‍ക്കിടയില്‍ ചുറ്റിക്കറങ്ങും.

آية رقم 18

ﭖﭗﭘﭙﭚ ﭛ ​

ശുദ്ധ ഉറവുജലം നിറച്ച കോപ്പകളും കൂജകളും ചഷകങ്ങളുമായി.

آية رقم 19

ﭜﭝﭞﭟﭠ ﭡ ​

അതവര്‍ക്ക് തലകറക്കമോ ലഹരിയോ ഉണ്ടാക്കുകയില്ല.

آية رقم 20

ﭢﭣﭤ ﭥ ​

ഇഷ്ടാനുസരണം തെരഞ്ഞെടുക്കാന്‍ അവര്‍ക്കവിടെ പലയിനം പഴങ്ങളുമുണ്ടായിരിക്കും.

آية رقم 21

ﭦﭧﭨﭩ ﭪ ​

അവരാഗ്രഹിക്കുന്ന പക്ഷിമാംസങ്ങളും.

آية رقم 22

ﭫﭬ ﭭ ​

വിശാലാക്ഷികളായ സുന്ദരിമാരും.

آية رقم 23

ﭮﭯﭰ ﭱ ​

അവരോ ശ്രദ്ധയോടെ സൂക്ഷിക്കപ്പെട്ട മുത്തുപോലുള്ളവര്‍.

آية رقم 24

ﭲﭳﭴﭵ ﭶ ​

ഇതൊക്കെയും അവര്‍ പ്രവര്‍ത്തിച്ചതിന്റെ പ്രതിഫലമായാണ് അവര്‍ക്കു ലഭിക്കുക.

آية رقم 25

ﭷﭸﭹﭺﭻﭼ ﭽ ​

അവരവിടെ അപശബ്ദങ്ങളോ പാപവാക്കുകളോ കേള്‍ക്കുകയില്ല.

آية رقم 26

ﭾﭿﮀﮁ ﮂ ​

സമാധാനം! സമാധാനം! എന്ന അഭിവാദ്യമല്ലാതെ.

آية رقم 27

ﮃﮄﮅﮆﮇ ﮈ ​

വലതുപക്ഷം! ആഹാ; എന്താണ് ഈ വലതുപക്ഷക്കാരുടെ അവസ്ഥ?

آية رقم 28

ﮉﮊﮋ ﮌ ​

അവര്‍ക്കുള്ളതാണ് മുള്ളില്ലാത്ത ഇലന്തമരത്തോട്ടം.

آية رقم 29

ﮍﮎ ﮏ ​

പടലകളുള്ള കുലകളോടു കൂടിയ വാഴ.

آية رقم 30

ﮐﮑ ﮒ ​

പടര്‍ന്നു പരന്നു കിടക്കുന്ന നിഴല്‍.

آية رقم 31

ﮓﮔ ﮕ ​

അവിരാമം ഒഴുകിക്കൊണ്ടിരിക്കുന്ന തെളിനീര്‍.

آية رقم 32

ﮖﮗ ﮘ ​

ധാരാളം പഴങ്ങള്‍;

آية رقم 33

ﮙﮚﮛﮜ ﮝ ​

അവയോ ഒരിക്കലും ഒടുക്കമില്ലാത്തവയും തീരേ തടയപ്പെടാത്തവയുമത്രെ.

آية رقم 34

ﮞﮟ ﮠ ​

ഉന്നതമായ മെത്തകളും.

آية رقم 35

ﮡﮢﮣ ﮤ ​

അവര്‍ക്കുള്ള ഇണകള്‍ നാം പ്രത്യേക ശ്രദ്ധയോടെ സൃഷ്ടിച്ചവരാണ്.

آية رقم 36

ﮥﮦ ﮧ ​

അവരെ നാം നിത്യ കന്യകകളാക്കിയിരിക്കുന്നു.

آية رقم 37

ﮨﮩ ﮪ ​

ഒപ്പം സ്നേഹസമ്പന്നരും സമപ്രായക്കാരും.

آية رقم 38

ﮫﮬ ﮭ ​

ഇതൊക്കെയും വലതുപക്ഷക്കാര്‍ക്കുള്ളതാണ്.

آية رقم 39

ﮮﮯﮰ ﮱ ​

അവരോ പൂര്‍വികരില്‍ നിന്ന് ധാരാളമുണ്ട്.

آية رقم 40

ﯓﯔﯕ ﯖ ​

പിന്‍മുറക്കാരില്‍നിന്നും ധാരാളമുണ്ട്.

آية رقم 41

ﯗﯘﯙﯚﯛ ﯜ ​

ഇടതു പക്ഷക്കാര്‍! എന്താണ് ഇടതുപക്ഷത്തിന്റെ അവസ്ഥ?

آية رقم 42

ﯝﯞﯟ ﯠ ​

അവര്‍ തീക്കാറ്റിലായിരിക്കും. തിളച്ചു തുള്ളുന്ന വെള്ളത്തിലും!

آية رقم 43

ﯡﯢﯣ ﯤ ​

കരിമ്പുകയുടെ ഇരുണ്ട നിഴലിലും.

آية رقم 44

ﯥﯦﯧﯨ ﯩ ​

അത് തണുപ്പോ സുഖമോ നല്‍കുകയില്ല.

آية رقم 45

ﯪﯫﯬﯭﯮ ﯯ ​

കാരണമവര്‍ അതിന് മുമ്പ് സുഖഭോഗങ്ങളില്‍ മുഴുകിയവരായിരുന്നു.

آية رقم 46

ﯰﯱﯲﯳﯴ ﯵ ​

കൊടും പാപങ്ങളില്‍ ആണ്ടു പൂണ്ടവരും.

آية رقم 47

ﯶﯷﯸﯹﯺﯻﯼﯽﯾ ﯿ ​

അവര്‍ ചോദിക്കാറുണ്ടായിരുന്നു; "ഞങ്ങള്‍ മരിച്ച് മണ്ണും എല്ലുമായി മാറിയാല്‍ പിന്നെ വീണ്ടും ഉയിര്‍ത്തെഴുന്നേല്‍പിക്കപ്പെടുമെന്നോ?

آية رقم 48

ﰀﰁ ﰂ ​

ഞങ്ങളുടെ പൂര്‍വ പിതാക്കളും?”

آية رقم 49

ﰃﰄﰅﰆ ﰇ ​

പറയുക: ഉറപ്പായും മുന്‍ഗാമികളും പിന്‍ഗാമികളും.

آية رقم 50

ﰈﰉﰊﰋﰌ ﰍ ​

ഒരു നിര്‍ണിത നാളിലെ നിശ്ചിത സമയത്ത് ഒരുമിച്ചു ചേര്‍ക്കപ്പെടുക തന്നെ ചെയ്യും.

آية رقم 51

ﭑﭒﭓﭔﭕ ﭖ ​

പിന്നെ, അല്ലയോ സത്യനിഷേധികളായ ദുര്‍മാര്‍ഗികളേ,

آية رقم 52

ﭗﭘﭙﭚﭛ ﭜ ​

നിശ്ചയമായും നിങ്ങള്‍ സഖൂം വൃക്ഷത്തില്‍നിന്നാണ് തിന്നേണ്ടി വരിക.

آية رقم 53

ﭝﭞﭟ ﭠ ​

അങ്ങനെ നിങ്ങളതുകൊണ്ട് വയറു നിറയ്ക്കും.

آية رقم 54

ﭡﭢﭣﭤ ﭥ ​

അതിനു മേലെ തിളച്ചുമറിയുന്ന വെള്ളം കുടിക്കുകയും ചെയ്യും.

آية رقم 55

ﭦﭧﭨ ﭩ ​

ദാഹിച്ചു വലഞ്ഞ ഒട്ടകത്തെപ്പോലെ നിങ്ങളത് മോന്തും.

آية رقم 56

ﭪﭫﭬﭭ ﭮ ​

പ്രതിഫല നാളില്‍ അവര്‍ക്കുള്ള സല്‍ക്കാരമതായിരിക്കും.

آية رقم 57

ﭯﭰﭱﭲ ﭳ ​

നാമാണ് നിങ്ങളെ സൃഷ്ടിച്ചത്. എന്നിട്ടും നിങ്ങളിതിനെ സത്യമായംഗീകരിക്കാത്തതെന്ത്?

آية رقم 58

ﭴﭵﭶ ﭷ ​

നിങ്ങള്‍ സ്രവിക്കുന്ന ശുക്ളത്തെ സംബന്ധിച്ച് ആലോചിച്ചുവോ?

آية رقم 59

ﭸﭹﭺﭻﭼ ﭽ ​

നിങ്ങളാണോ അതിനെ സൃഷ്ടിക്കുന്നത്? അതോ നാമോ സൃഷ്ടികര്‍മം നിര്‍വഹിക്കുന്നത്?

آية رقم 60

ﭾﭿﮀﮁﮂﮃﮄ ﮅ ​

നിങ്ങള്‍ക്കിടയില്‍ മരണം നിശ്ചയിച്ചതും നാം തന്നെ. നമ്മെ മറികടക്കാനാരുമില്ല.

آية رقم 61

ﮆﮇﮈﮉﮊﮋﮌﮍﮎ ﮏ ​

നിങ്ങള്‍ക്കുപകരം നിങ്ങളെപ്പോലുള്ളവരെ ഉണ്ടാക്കാനും നിങ്ങള്‍ക്കറിയാത്ത വിധം നിങ്ങളെ വീണ്ടും സൃഷ്ടിക്കാനും നമുക്കു കഴിയും.

آية رقم 62

ﮐﮑﮒﮓﮔﮕ ﮖ ​

ആദ്യത്തെ സൃഷ്ടിയെ സംബന്ധിച്ച് നിശ്ചയമായും നിങ്ങള്‍ക്കറിയാമല്ലോ. എന്നിട്ടും നിങ്ങള്‍ ചിന്തിച്ചറിയാത്തതെന്ത്?

آية رقم 63

ﮗﮘﮙ ﮚ ​

നിങ്ങള്‍ വിളയിറക്കുന്നതിനെക്കുറിച്ച് ചിന്തിച്ചുവോ?

آية رقم 64

ﮛﮜﮝﮞﮟ ﮠ ​

നിങ്ങളാണോ അതിനെ മുളപ്പിക്കുന്നത്? അതോ നാമോ മുളപ്പിക്കുന്നവന്‍?

آية رقم 65

ﮡﮢﮣﮤﮥﮦ ﮧ ​

നാം ഉദ്ദേശിച്ചിരുന്നെങ്കില്‍ അതിനെ തുരുമ്പാക്കി മാറ്റുമായിരുന്നു. അപ്പോള്‍ നിങ്ങള്‍ നിരാശയോടെ പറയുമായിരുന്നു:

آية رقم 66

ﮨﮩ ﮪ ​

"ഞങ്ങള്‍ കടക്കെണിയിലായല്ലോ.

آية رقم 67

ﮫﮬﮭ ﮮ ​

"എന്നല്ല; ഞങ്ങള്‍ ഉപജീവനം വിലക്കപ്പെട്ടവരായിപ്പോയല്ലോ.”

آية رقم 68

ﮯﮰﮱﯓ ﯔ ​

നിങ്ങള്‍ കുടിക്കുന്ന വെള്ളത്തെക്കുറിച്ച് ചിന്തിച്ചുവോ?

آية رقم 69

ﯕﯖﯗﯘﯙﯚﯛ ﯜ ​

നിങ്ങളാണോ കാര്‍മുകിലില്‍നിന്ന് വെള്ളമിറക്കിയത്? അതോ നാമോ അതിറക്കിയവന്‍!

آية رقم 70

ﯝﯞﯟﯠﯡﯢ ﯣ ​

നാം ഉദ്ദേശിച്ചിരുന്നെങ്കില്‍ അതിനെ ഉപ്പുവെള്ളമാക്കി മാറ്റുമായിരുന്നു. എന്നിട്ടും നിങ്ങള്‍ നന്ദി കാണിക്കാത്തതെന്ത്?

آية رقم 71

ﯤﯥﯦﯧ ﯨ ​

നിങ്ങള്‍ കത്തിക്കുന്ന തീയിനെക്കുറിച്ച് ചിന്തിച്ചുവോ?

آية رقم 72

ﯩﯪﯫﯬﯭﯮ ﯯ ​

നിങ്ങളാണോ അതിനുള്ള മരമുണ്ടാക്കിയത്? അതോ നാമോ അത് പടച്ചുണ്ടാക്കിയത്?

آية رقم 73

ﯰﯱﯲﯳﯴ ﯵ ​

നാമതിനെ ഒരു പാഠമാക്കിയിരിക്കുന്നു. വഴിപോക്കര്‍ക്ക് ജീവിത വിഭവവും.

آية رقم 74

ﯶﯷﯸﯹ ﯺ ​

അതിനാല്‍ നീ നിന്റെ മഹാനായ നാഥന്റെ നാമം വാഴ്ത്തുക.

آية رقم 75

ﯻﯼﯽﯾﯿ ﰀ ​

അല്ല; ഞാനിതാ നക്ഷത്ര സ്ഥാനങ്ങളെക്കൊണ്ട് സത്യം ചെയ്യുന്നു.

آية رقم 76

ﰁﰂﰃﰄﰅ ﰆ ​

ഇത് മഹത്തായ ശപഥം തന്നെ; തീര്‍ച്ച. നിങ്ങള്‍ അറിയുന്നുവെങ്കില്‍!

آية رقم 77

ﭑﭒﭓ ﭔ ​

ഉറപ്പായും ഇത് ആദരണീയമായ ഖുര്‍ആന്‍ തന്നെ.

آية رقم 78

ﭕﭖﭗ ﭘ ​

സുരക്ഷിതമായ ഗ്രന്ഥത്തില്‍.

آية رقم 79

ﭙﭚﭛﭜ ﭝ ​

വിശുദ്ധരല്ലാത്ത ആര്‍ക്കും ഇതിനെ സ്പര്‍ശിക്കാനാവില്ല.

آية رقم 80

ﭞﭟﭠﭡ ﭢ ​

മുഴുലോകരുടെയും നാഥനില്‍ നിന്ന് അവതീര്‍ണമായതാണിത്.

آية رقم 81

ﭣﭤﭥﭦ ﭧ ​

എന്നിട്ടും ഈ വചനങ്ങളോടാണോ നിങ്ങള്‍ നിസ്സംഗത പുലര്‍ത്തുന്നത്.

آية رقم 82

ﭨﭩﭪﭫ ﭬ ​

നിങ്ങളുടെ വിഹിതം അതിനെ കള്ളമാക്കി തള്ളലാണോ?

آية رقم 83

ﭭﭮﭯﭰ ﭱ ​

ജീവന്‍ തൊണ്ടക്കുഴിയിലെത്തുമ്പോള്‍ നിങ്ങള്‍ക്ക് എന്തുകൊണ്ട് അതിനെ പിടിച്ചു നിര്‍ത്താനാവുന്നില്ല?

آية رقم 84

ﭲﭳﭴ ﭵ ​

മരണം വരിക്കുന്നവനെ നിങ്ങള്‍ നോക്കി നില്‍ക്കാറുണ്ടല്ലോ.

آية رقم 85

ﭶﭷﭸﭹﭺﭻﭼ ﭽ ​

അപ്പോള്‍ നിങ്ങളെക്കാള്‍ അവനോട് ഏറെ അടുത്തവന്‍ നാമാകുന്നു. എന്നാല്‍ നിങ്ങളത് കണ്ടറിയുന്നില്ല.

آية رقم 86

ﭾﭿﮀﮁﮂ ﮃ ​

അഥവാ, നിങ്ങള്‍ ദൈവിക നിയമത്തിന് വിധേയരല്ലെങ്കില്‍.

آية رقم 87

ﮄﮅﮆﮇ ﮈ ​

നിങ്ങളെന്തുകൊണ്ട് ആ ജീവനെ തിരിച്ചുകൊണ്ടുവരുന്നില്ല. നിങ്ങള്‍ സത്യവാന്മാരെങ്കില്‍!

آية رقم 88

ﮉﮊﮋﮌﮍ ﮎ ​

മരിക്കുന്നവന്‍ ദൈവസാമീപ്യം സിദ്ധിച്ചവനാണെങ്കില്‍.

آية رقم 89

ﮏﮐﮑﮒ ﮓ ​

അവന് അവിടെ ആശ്വാസവും വിശിഷ്ട വിഭവവും അനുഗൃഹീതമായ സ്വര്‍ഗീയാരാമവുമുണ്ടായിരിക്കും.

آية رقم 90

ﮔﮕﮖﮗﮘﮙ ﮚ ​

അഥവാ, അവന്‍ വലതുപക്ഷക്കാരില്‍ പെട്ടവനെങ്കില്‍.

آية رقم 91

ﮛﮜﮝﮞﮟ ﮠ ​

“വലതുപക്ഷക്കാരില്‍ പെട്ട നിനക്കു സമാധാനം” എന്ന് സ്വാഗതം ചെയ്യപ്പെടും.

آية رقم 92

ﮡﮢﮣﮤﮥﮦ ﮧ ​

മറിച്ച്, ദുര്‍മാര്‍ഗികളായ സത്യനിഷേധികളില്‍പെട്ടവനെങ്കിലോ.

آية رقم 93

ﮨﮩﮪ ﮫ ​

അവന്നുണ്ടാവുക തിളച്ചുമറിയുന്ന വെള്ളംകൊണ്ടുള്ള സല്‍ക്കാരമായിരിക്കും.

آية رقم 94

ﮬﮭ ﮮ ​

നരകത്തിലെ കത്തിയെരിയലും.

آية رقم 95

ﮯﮰﮱﯓﯔ ﯕ ​

തീര്‍ച്ചയായും ഇതൊക്കെയും സുദൃഢമായ സത്യം തന്നെ.

آية رقم 96

ﯖﯗﯘﯙ ﯚ ​

അതിനാല്‍ നീ നിന്റെ മഹാനായ നാഥന്റെ നാമം വാഴ്ത്തുക.