ترجمة معاني سورة الشعراء باللغة اليورباوية من كتاب الترجمة اليورباوية

أبو رحيمة ميكائيل أيكوييني

الترجمة اليورباوية

أبو رحيمة ميكائيل أيكوييني

الذهاب لصفحة الكتاب

ﰡ

آية رقم 1

ﭑ ﭒ

Tọ̄ sīn mīm.

آية رقم 2

ﭓﭔﭕﭖ ﭗ

Ìwọ̀nyí ni àwọn āyah Tírà t’ó ń yanjú ọ̀rọ̀ ẹ̀dá.

آية رقم 3

ﭘﭙﭚﭛﭜﭝ ﭞ

Nítorí kí ni o ṣe máa para rẹ pé wọn kò jẹ́ onígbàgbọ́ òdodo.

آية رقم 4

ﭟﭠﭡﭢﭣﭤﭥﭦﭧﭨﭩ ﭪ

Tí A bá fẹ́, A máa sọ àmì kan kalẹ̀ fún wọn láti sánmọ̀. Àwọn ọrùn wọn kò sì níí yé tẹríba fún un.

آية رقم 5

ﭫﭬﭭﭮﭯﭰﭱﭲﭳﭴﭵ ﭶ

Kò sí ìrántí kan tí ó máa dé bá wọn ní titun láti ọ̀dọ̀ Àjọkẹ́-ayé àfi kí wọ́n jẹ́ olùgbúnrí kúrò níbẹ̀.

آية رقم 6

ﭷﭸﭹﭺﭻﭼﭽﭾ ﭿ

Dájúdájú wọ́n ti pe (āyah Wa) nírọ́. Nítorí náà, àwọn ìró ohun tí wọ́n ń fi ṣe yẹ̀yẹ́ ń bọ̀ wá bá wọn.

آية رقم 7

ﮀﮁﮂﮃﮄﮅﮆﮇﮈﮉﮊ ﮋ

Ṣé wọn kò rí ilẹ̀ pé mélòó mélòó nínú gbogbo oríṣiríṣi n̄ǹkan alápọ̀n-ọ́nlé tí A mú hù jáde láti inú rẹ̀?

آية رقم 8

ﮌﮍﮎﮏﮐﮑﮒﮓﮔ ﮕ

Dájúdájú àmì wà nínú ìyẹn. Síbẹ̀síbẹ̀ ọ̀pọ̀lọ́pọ̀ wọn kò jẹ́ onígbàgbọ́ òdodo.

آية رقم 9

ﮖﮗﮘﮙﮚ ﮛ

Dájúdájú Olúwa rẹ, Òun mà ni Alágbára, Àṣàkẹ́-ọ̀run.

آية رقم 10

ﮜﮝﮞﮟﮠﮡﮢﮣ ﮤ

(Rántí) nígbà tí Olúwa rẹ pe (Ànábì) Mūsā pé: "Lọ bá ìjọ alábòsí,

آية رقم 11

ﮥﮦﮧﮨﮩ ﮪ

ìjọ Fir‘aon (kí o sì sọ̱ fún wọn) pé 'Ṣé wọn kò níí bẹ̀rù (Allāhu) ni.'"

آية رقم 12

ﮫﮬﮭﮮﮯﮰ ﮱ

Ó sọ pé: "Olúwa mi, dájúdájú èmi ń bẹ̀rù pé wọ́n máa pè mí ní òpùrọ́.

آية رقم 13

ﯓﯔﯕﯖﯗﯘﯙﯚ ﯛ

Ó sì máa jẹ́ ìnira fún mi (tí wọ́n bá pè mí ní òpùrọ́). Ahọ́n mi kò sì já gaaraga. Nítorí náà, ránṣẹ́ sí Hārūn.

آية رقم 14

ﯜﯝﯞﯟﯠﯡ ﯢ

Àti pé mo ní ẹ̀ṣẹ̀ kan lọ́rùn lọ́dọ̀ wọn. Nítorí náà, mò ń bẹ̀rù pé wọ́n máa pa mí."

آية رقم 15

ﯣﯤﯥﯦﯧﯨﯩﯪﯫ ﯬ

(Allāhu) sọ pé: "Rárá (wọn kò lè pa ọ́). Nítorí náà, kí ẹ̀yin méjèèjì mú àwọn àmì (iṣẹ́ ìyanu) Wa lọ (bá wọn). Dájúdájú Àwa ń bẹ pẹ̀lú yín; À ń gbọ́ (ọ̀rọ̀ yín).

آية رقم 16

ﯭﯮﯯﯰﯱﯲﯳ ﯴ

Ẹ̀yin méjèèjì, ẹ lọ bá Fir‘aon. Kí ẹ sọ fún un pé: 'Dájúdájú àwa ni Òjíṣẹ́ Olúwa gbogbo ẹ̀dá.

آية رقم 17

ﯵﯶﯷﯸﯹ ﯺ

(À ń sọ fún ọ) pé kí o jẹ́ kí àwọn ọmọ ’Isrọ̄’īl máa bá wa lọ.'"

آية رقم 18

ﯻﯼﯽﯾﯿﰀﰁﰂﰃﰄ ﰅ

(Fir‘aon) wí pé: “Ṣé kì í ṣe ní ààrin wa ni a ti tọ́ ọ ní kékeré ni, tí o sì gbé ní ọ̀dọ̀ wa fún ọdún púpọ̀ nínú ìṣẹ̀mí ayé rẹ?

آية رقم 19

ﰆﰇﰈﰉﰊﰋﰌ ﰍ

O sì ṣe iṣẹ́ ọwọ́ rẹ tí o ṣe (sí wa). Ìwọ sì wà nínú àwọn aláìmoore.”

آية رقم 20

ﭑﭒﭓﭔﭕﭖ ﭗ

(Ànábì Mūsā) sọ pé: "Mo ṣe é nígbà náà nígbà tí mo wà nínú àwọn aláìmọ̀kan ni.

آية رقم 21

ﭘﭙﭚﭛﭜﭝﭞﭟﭠﭡﭢ ﭣ

Mo sì sá fun yín nígbà tí mo bẹ̀rù yín. Nítorí náà, Allāhu ti ta mí lọ́rẹ ipò Ànábì. Ó sì ṣe mí ní (ọ̀kan) nínú àwọn Òjíṣẹ́.

آية رقم 22

ﭤﭥﭦﭧﭨﭩﭪﭫ ﭬ

Àti pé ìyẹn ni ìdẹ̀ra tí ò ń ṣe ìrègún rẹ̀ lé mi lórí. Pé ó sọ àwọn ọmọ ’Isrọ̄’īl di ẹrú (ńkọ́?).
____________________
Ànábì Mūsā ('alaehi-ssọlātu wa-ssalām) ń fọ èsì fún Fir ‘aon pé, tí o bá sọ pé o ṣoore alágbàtọ́ fún mi, ṣebí o tún sọ àwọn ènìyàn mi di ẹrú rẹ?! Ìyẹn ni pé, tí Fir ‘aon bá mọ ìrègún oore síṣe alágbàtọ́ òun í ṣe, kó rántí aburú ńlá t’ó wà nínú bí ó ṣe sọ àwọn ènìyàn t’òun náà di ẹrú rẹ̀. Nítorí náà, kí Fir ‘aon má ṣe lérò pé gbígba ẹnì kan wò tẹ̀wọ̀n ju sísọ àwọn yòókù rẹ̀ di ẹrú. Fir‘aon sì mẹ́nu kúrò níbẹ̀. Ó bọ́ sórí ọ̀rọ̀ mìíràn.

آية رقم 23

ﭭﭮﭯﭰﭱ ﭲ

Fir‘aon wí pé: “Kí ni Olúwa gbogbo ẹ̀dá?”

آية رقم 24

ﭳﭴﭵﭶﭷﭸﭹﭺﭻﭼ ﭽ

(Ànábì Mūsā) sọ pé: “(Allāhu ni)
Olúwa àwọn sánmọ̀, ilẹ̀ àti ohunkóhun t’ó ń bẹ láààrin àwọn méjèèjì, tí ẹ̀yin bá jẹ́ alámọ̀dájú.”

آية رقم 25

ﭾﭿﮀﮁﮂ ﮃ

(Fir‘aon) wí fún àwọn t’ó wà ní àyíká rẹ̀ pé: “Ṣé ẹ ẹ̀ gbọ́ ọ̀rọ̀ (t’ó ń sọ ni)?”

آية رقم 26

ﮄﮅﮆﮇﮈ ﮉ

(Ànábì Mūsā) sọ pé: “(Allāhu ni) Olúwa yín àti Olúwa àwọn bàbá yín, àwọn ẹni àkọ́kọ́.”

آية رقم 27

ﮊﮋﮌﮍﮎﮏﮐ ﮑ

(Fir‘aon) wí pé: “Dájúdájú Òjíṣẹ́ yín èyí tí wọ́n rán si yín, wèrè mà ni.”

آية رقم 28

ﮒﮓﮔﮕﮖﮗﮘﮙﮚﮛ ﮜ

(Ànábì Mūsā) sọ pé: “(Allāhu ni) Olúwa ibùyọ òòrùn, ibùwọ̀ òòrùn àti ohunkóhun t’ó ń bẹ láààrin àwọn méjèèjì, tí ẹ bá máa ń ṣe làákàyè.”

آية رقم 29

ﮝﮞﮟﮠﮡﮢﮣﮤ ﮥ

(Fir‘aon) wí pé: “Dájúdájú tí o bá fi lè jọ́sìn fún ọlọ́hun kan yàtọ̀ sí mi, dájúdájú mo máa sọ ọ́ di ara àwọn ẹlẹ́wọ̀n.”

آية رقم 30

ﮦﮧﮨﮩﮪ ﮫ

(Ànábì Mūsā) sọ pé: “Tí ó bá jẹ́ pé mo mú kiní kan t’ó yanjú wá fún ọ ńkọ́?”

آية رقم 31

ﮬﮭﮮﮯﮰﮱﯓ ﯔ

(Fir‘aon) wí pé: “Mú un wá nígbà náà tí ìwọ bá wà nínú àwọn olódodo.”

آية رقم 32

ﯕﯖﯗﯘﯙﯚ ﯛ

Nítorí náà, ó ju ọ̀pá rẹ̀ sílẹ̀, ó sì di ejò pọ́nńbélé.

آية رقم 33

ﯜﯝﯞﯟﯠﯡ ﯢ

Ó tún fa ọwọ́ rẹ̀ yọ síta, ó sì di funfun fún àwọn olùwòran.

آية رقم 34

ﯣﯤﯥﯦﯧﯨﯩ ﯪ

(Fir‘aon) wí fún àwọn ìjòyè tí wọ́n wà ní àyíká rẹ̀ pé: “Dájúdájú èyí ni onímọ̀ nípa idán pípa.

آية رقم 35

ﯫﯬﯭﯮﯯﯰﯱﯲ ﯳ

Ó fẹ́ ko yín kúrò lórí ilẹ̀ yín ni. Kí ni ohun tí ẹ máa mú wá ní ìmọ̀ràn?”
____________________
Nínú sūrah Al-’a‘rọ̄f; 7:109- 110, gbólóhùn "Dájúdájú èyí ni onímọ̀ nípa idán pípa. Ó fẹ́ ko yín kúrò lórí ilẹ̀ yín ni.", ó jáde láti ẹnu àwọn ìjòyè Fir‘aon. Àmọ́ nínú sūrah yìí, sūrah aṣ-Ṣu‘arọ̄’; 26: 34-35, gbólóhùn yẹn jáde láti ẹnu Fir‘aon. Ìtúmọ̀ èyí ni pé, Fir‘aon sọ gbólóhùn náà, àwọn ìjòyè rẹ̀ náà gbè é lẹ́sẹ̀. Ọ̀rọ̀ náà sì di àgbàsọ láààrin wọn.

آية رقم 36

ﯴﯵﯶﯷﯸﯹﯺ ﯻ

Wọ́n wí pé: "Dá òun àti arákùnrin rẹ̀ dúró ná, kí o sì rán àwọn akónijọ sí àwọn ìlú

آية رقم 37

ﯼﯽﯾﯿ ﰀ

(pé) kí gbogbo onímọ̀ nípa idán pípa wá bá ọ."

آية رقم 38

ﰁﰂﰃﰄﰅ ﰆ

Wọ́n sì kó àwọn òpìdán jọ ní àsìkò tí wọ́n fi àdéhùn sí ní ọjọ́ tí (gbogbo ìlú) ti mọ̀.

آية رقم 39

ﰇﰈﰉﰊﰋ ﰌ

Wọ́n sì wí fún àwọn ènìyàn pé: "Ṣé ẹ̀yin máa kó jọ (síbẹ̀) bí?

آية رقم 40

ﭑﭒﭓﭔﭕﭖﭗ ﭘ

Nítorí kí á lè tẹ̀lé àwọn òpìdán tí ó bá jẹ́ pé àwọn ni olùborí."

آية رقم 41

ﭙﭚﭛﭜﭝﭞﭟﭠﭡﭢﭣﭤ ﭥ

Nígbà tí àwọn òpìdán dé, wọ́n wí fún Fir‘aon pé: “Ǹjẹ́ owó-ọ̀yà kan wà fún wa, tí ó bá jẹ́ pé àwa gan-an la jẹ́ olùborí?”

آية رقم 42

ﭦﭧﭨﭩﭪﭫ ﭬ

(Fir‘aon) wí pé: “Bẹ́ẹ̀ ni, dájúdájú nígbà náà ẹ máa wà nínú àwọn alásùn-únmọ́ (mi).”

آية رقم 43

ﭭﭮﭯﭰﭱﭲﭳ ﭴ

(Ànábì) Mūsā sọ fún wọn pé: “Ẹ ju ohun tí ẹ fẹ́ jù sílẹ̀.”

آية رقم 44

ﭵﭶﭷﭸﭹﭺﭻﭼﭽ ﭾ

Wọ́n sì ju àwọn okùn wọn àti ọ̀pá wọn sílẹ̀. Wọ́n wí pé: “Pẹ̀lú ògo Fir‘aon, dájúdájú àwa, àwa ni olùborí.”

آية رقم 45

ﭿﮀﮁﮂﮃﮄﮅﮆ ﮇ

Nígbà náà, (Ànábì) Mūsā ju ọ̀pá rẹ̀ sílẹ̀. Ó sì ń gbé ohun tí wọ́n pa nírọ́ kalẹ̀ mì kálókáló.

آية رقم 46

ﮈﮉﮊ ﮋ

Nítorí náà, iṣẹ́ ìyanu (Ànábì Mūsā) mú àwọn òpìdán wó lulẹ̀, tí wọ́n forí kanlẹ̀ (fún Allāhu).

آية رقم 47

ﮌﮍﮎﮏ ﮐ

Wọ́n sọ pé: "A gbàgbọ́ nínú Olúwa gbogbo ẹ̀dá,

آية رقم 48

ﮑﮒﮓ ﮔ

Olúwa (Ànábì) Mūsā àti Hārūn."

آية رقم 49

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﮬ

Fir‘aon wí pé: “Ẹ gbà Á gbọ́ ṣíwájú kí n̄g tó yọ̀ǹda fun yín! Dájúdájú òun ni àgbà yín tí ó kọ yín ní idán pípa. Láìpẹ́ ẹ̀ ń bọ̀ wá mọ̀. Dájúdájú mo máa gé ọwọ́ yín àti ẹsẹ̀ yín ní ìpasípayọ. Lẹ́yìn náà, dájúdájú mo máa kan gbogbo yín mọ́gi.”

آية رقم 50

ﮭﮮﮯﮰﮱﯓﯔﯕ ﯖ

(Àwọn òpìdán) sọ pé: “Kò sí ìnira fún wa! Dájúdájú àwa yó sì fàbọ̀ sí ọ̀dọ̀ Olúwa wa.

آية رقم 51

ﯗﯘﯙﯚﯛﯜﯝﯞﯟﯠﯡ ﯢ

Dájúdájú àwa n retí pé Olúwa wa yóò ṣe àforíjìn àwọn àṣìṣe wa fún wa nítorí pé àwa jẹ́ ẹni àkọ́kọ́ (tí ó jẹ́) onígbàgbọ́ òdodo.”
____________________
Ìyẹn ni pé, wọ́n jẹ́ ẹni àkọ́kọ́ t’ó gba Allāhu gbọ́ nínú ìjọ Fir‘aon. Kì í ṣe pé wọ́n jẹ́ ẹni àkọ́kọ t’ó gba Allāhu gbọ́ nínú àwọn ènìyàn. Ṣebí ìjọ-ìjọ onígbàgbọ́ òdodo ti ré kọjá ṣíwájú wọn.

آية رقم 52

ﯣﯤﯥﯦﯧﯨﯩﯪﯫ ﯬ

A fi ìmísí ránṣẹ́ sí (Ànábì) Mūsā pé: “Mú àwọn ẹrúsìn Mi rìn ní òru (nítorí pé) dájúdájú wọn yóò lépa yín.”

آية رقم 53

ﯭﯮﯯﯰﯱ ﯲ

Fir‘aon sì rán àwọn akónijọ sínú àwọn ìlú (láti sọ pé):

آية رقم 54

ﯳﯴﯵﯶ ﯷ

"Dájúdájú àwọn (ọmọ ’Isrọ̄’īl) wọ̀nyí, ìjọ péréte díẹ̀ ni wọ́n.

آية رقم 55

ﯸﯹﯺ ﯻ

Àti pé dájúdájú wọ́n ti ṣe ohun t’ó ń bí wa nínú.

آية رقم 56

ﯼﯽﯾ ﯿ

Dájúdájú gbogbo wa ni kí á sì wà tìfura-tìfura."

آية رقم 57

ﰀﰁﰂﰃ ﰄ

Nítorí náà, A mú (ìjọ Fir‘aon) jáde kúrò nínú àwọn ọgbà oko àti ìṣẹ́lẹ̀rú omi,

آية رقم 58

ﰅﰆﰇ ﰈ

àti àwọn àpótí-ọrọ̀ àti ibùjókòó àpọ́nlé.

آية رقم 59

ﰉﰊﰋﰌﰍ ﰎ

Báyẹn (lọ̀rọ̀ rí). A sì jogún rẹ̀ fún àwọn ọmọ ’Isrọ̄’īl.

آية رقم 60

ﰏﰐ ﰑ

Wọ́n sì lépa wọn ní àsìkò tí òòrùn yọ.

آية رقم 61

ﭑﭒﭓﭔﭕﭖﭗﭘ ﭙ

Nígbà tí ìjọ méjèèjì ríra wọn, àwọn ìjọ (Ànábì) Mūsā sọ pé: “Dájúdájú wọn yóò lé wa bá.”

آية رقم 62

ﭚﭛﭜﭝﭞﭟﭠ ﭡ

(Ànábì) Mūsā sọ pé: “Rárá, dájúdájú Olúwa mi ń bẹ pẹ̀lú mi. Ó sì máa fi ọ̀nà mọ̀ mí.”

آية رقم 63

ﭢﭣﭤﭥﭦﭧﭨﭩﭪﭫﭬﭭﭮﭯ ﭰ

A sì fi ìmísí ránṣẹ́ sí (Ànábì) Mūsā pé: “Fi ọ̀pá rẹ na agbami òkun.” (Ó fi nà á). Ó sì pín (sí ọ̀nà méjìlá). Ìpín kọ̀ọ̀kan sì dà bí àpáta ńlá.

آية رقم 64

ﭱﭲﭳ ﭴ

A sì mú ìjọ kejì (ìyẹn, ìjọ Fir‘aon) súnmọ́ ibẹ̀ yẹn.

آية رقم 65

ﭵﭶﭷﭸﭹ ﭺ

A gba (Ànábì) Mūsā àti gbogbo àwọn t’ó ń bẹ pẹ̀lú rẹ̀ là pátápátá.

آية رقم 66

ﭻﭼﭽ ﭾ

Lẹ́yìn náà, A tẹ ìjọ kejì rì (sínú agbami).

آية رقم 67

ﭿﮀﮁﮂﮃﮄﮅﮆﮇ ﮈ

Dájúdájú àmì wà nínú ìyẹn. Síbẹ̀síbẹ̀ ọ̀pọ̀lọ́pọ̀ wọn kò jẹ́ onígbàgbọ́ òdodo.

آية رقم 68

ﮉﮊﮋﮌﮍ ﮎ

Dájúdájú Olúwa rẹ, Òun mà ni Alágbára, Àṣàkẹ́-ọ̀run.

آية رقم 69

ﮏﮐﮑﮒ ﮓ

Ka ìròyìn (Ànábì) ’Ibrọ̄hīm fún wọn.

آية رقم 70

ﮔﮕﮖﮗﮘﮙ ﮚ

Nígbà tí ó sọ fún bàbá rẹ̀ àti àwọn ènìyàn rẹ̀ pé: “Kí ni n̄ǹkan tí ẹ̀ ń jọ́sìn fún ná?”

آية رقم 71

ﮛﮜﮝﮞﮟﮠ ﮡ

Wọ́n wí pé: “À ń jọ́sìn fún àwọn ère kan ni. A ò sì níí yé takú tì wọ́n lọ́rùn.”

آية رقم 72

ﮢﮣﮤﮥﮦ ﮧ

(Ànábì ’Ibrọ̄hīm) sọ pé: “Ǹjẹ́ wọ́n ń gbọ́ ọ̀rọ̀ yín nígbà tí ẹ bá ń pè wọ́n?

آية رقم 73

ﮨﮩﮪﮫ ﮬ

Tàbí (ṣé) wọ́n lè ṣe yín ní oore tàbí wọ́n lè fi ìnira kàn yín?”

آية رقم 74

ﮭﮮﮯﮰﮱﯓ ﯔ

Wọ́n wí pé: “Rárá o! A bá àwọn bàbá wa, tí wọ́n ń ṣe bẹ́ẹ̀ ni”

آية رقم 75

ﯕﯖﯗﯘﯙ ﯚ

(Ànábì ’Ibrọ̄hīm) sọ pé: " Ẹ sọ fún mi, kí ni n̄ǹkan tí ẹ̀ ń jọ́sìn fún,

آية رقم 76

ﯛﯜﯝ ﯞ

ẹ̀yin àti àwọn bàbá yín ìṣaájú?

آية رقم 77

ﯟﯠﯡﯢﯣﯤ ﯥ

Dájúdájú àwọn ni ọ̀tá fún mi àyàfi Olúwa gbogbo ẹ̀dá.

آية رقم 78

ﯦﯧﯨﯩ ﯪ

(Òun ni) Ẹni tí Ó ṣẹ̀dá mi. Nítorí náà, Ó máa fi ọ̀nà mọ̀ mí;

آية رقم 79

ﯫﯬﯭﯮ ﯯ

Ẹni t’Ó ń fún mi ní jíjẹ, t’Ó ń fún mi ní mímu;

آية رقم 80

ﯰﯱﯲﯳ ﯴ

Àti pé nígbà tí ara mi kò bá yá, Òun l’Ó ń wò mí sàn;

آية رقم 81

ﯵﯶﯷﯸ ﯹ

Ẹni tí Ó máa pa mí, lẹ́yìn náà, Ó máa sọ mí di alààyè;

آية رقم 82

ﯺﯻﯼﯽﯾﯿﰀﰁ ﰂ

Ẹni tí mo ní ìrètí sí pé Ó máa forí àwọn àṣìṣe mi jìn mí ní Ọjọ́ Ẹ̀san.

آية رقم 83

ﰃﰄﰅﰆﰇﰈ ﰉ

Olúwa mi, ta mí ní ọrẹ ipò Ànábì. Dà mí pọ̀ mọ́ àwọn ẹni rere.

آية رقم 84

ﭑﭒﭓﭔﭕﭖ ﭗ

Jẹ́ kí àwọn t’ó ń bọ̀ lẹ́yìn (mi) máa sọ̀rọ̀ mi pẹ̀lú dáadáa.

آية رقم 85

ﭘﭙﭚﭛﭜ ﭝ

Ṣe mí ní ọ̀kan nínú àwọn olùjogún Ọgbà Ìdẹ̀ra.

آية رقم 86

ﭞﭟﭠﭡﭢﭣ ﭤ

Kí O sì foríjin bàbá mi. Dájúdájú ó jẹ́ ọ̀kan nínú àwọn olùṣìnà.

آية رقم 87

ﭥﭦﭧﭨ ﭩ

Má ṣe dójú tì mí ní ọjọ́ tí wọn yóò gbé ẹ̀dá dìde.

آية رقم 88

ﭪﭫﭬﭭﭮﭯ ﭰ

Ọjọ́ tí dúkìá kan tàbí àwọn ọmọ kò níí ṣàǹfààní.

آية رقم 89

ﭱﭲﭳﭴﭵﭶ ﭷ

Àyàfi ẹni tí ó bá dé ọ̀dọ̀ Allāhu pẹ̀lú ọkàn mímọ́."
____________________
Ọkàn mímọ́ ni ọkàn tí ó là kúrò nínú ẹbọ ṣíṣe, àìgbàgbọ́ àti ìṣọ̀bẹ-ṣèlu nínú ẹ̀sìn.

آية رقم 90

ﭸﭹﭺ ﭻ

A máa mú Ọgbà Ìdẹ̀ra súnmọ́ àwọn olùbẹ̀rù (Allāhu).

آية رقم 91

ﭼﭽﭾ ﭿ

Wọ́n sì máa fi iná Jẹhīm han àwọn olùṣìnà,

آية رقم 92

ﮀﮁﮂﮃﮄﮅ ﮆ

wọn yó sì sọ fún wọn pé: “Níbo ni n̄ǹkan tí ẹ̀ ń jọ́sìn fún wà?”

آية رقم 93

ﮇﮈﮉﮊﮋﮌﮍ ﮎ

(N̄ǹkan tí ẹ̀ ń jọ́sìn fún) lẹ́yìn Allāhu, ṣé wọ́n lè ràn yín lọ́wọ́ tàbí ṣé wọ́n lè ran ara wọn lọ́wọ́?

آية رقم 94

ﮏﮐﮑﮒ ﮓ

Wọ́n sì máa taari gbogbo wọn sínú Iná; àwọn àti èṣù wọn,

آية رقم 95

ﮔﮕﮖ ﮗ

àti àwọn ọmọ ogun ’Iblīs pátápátá.

آية رقم 96

ﮘﮙﮚﮛ ﮜ

(Àwọn aláìgbàgbọ́), nígbà tí wọ́n bá ń bá ara wọn jiyàn nínú Iná, wọ́n á wí pé:

آية رقم 97

ﮝﮞﮟﮠﮡﮢ ﮣ

"A fi Allāhu búra, dájúdájú àwa kúkú ti wà nínú ìṣìnà pọ́nńbélé

آية رقم 98

ﮤﮥﮦﮧ ﮨ

nígbà tí a fi yín ṣe akẹgbẹ́ fún Olúwa gbogbo ẹ̀dá.

آية رقم 99

ﮩﮪﮫﮬ ﮭ

Kò sí ohun tí ó ṣì wá lọ́nà bí kò ṣe àwọn (èṣù) ẹlẹ́ṣẹ̀.

آية رقم 100

ﮮﮯﮰﮱ ﯓ

Kò sì sí àwọn olùṣìpẹ̀ kan fún wa.

آية رقم 101

ﯔﯕﯖ ﯗ

Kò tún sí ọ̀rẹ́ ìmùlẹ̀ kan (fún wa.)

آية رقم 102

ﯘﯙﯚﯛﯜﯝﯞ ﯟ

Tí ó bá jẹ́ pé ìpadà sí ilé ayé wà fún wa ni, nígbà náà àwa ìbá wà nínú àwọn onígbàgbọ́ òdodo."

آية رقم 103

ﯠﯡﯢﯣﯤﯥﯦﯧﯨ ﯩ

Dájúdájú àmì wà nínú ìyẹn. Síbẹ̀síbẹ̀ ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

آية رقم 104

ﯪﯫﯬﯭﯮ ﯯ

Dájúdájú Olúwa rẹ, Òun mà ni Alágbára, Àṣàkẹ́-ọ̀run.

آية رقم 105

ﯰﯱﯲﯳ ﯴ

Ìjọ (Ànábì) Nūh pe àwọn Òjíṣẹ́ ní òpùrọ́.

آية رقم 106

ﯵﯶﯷﯸﯹﯺﯻ ﯼ

Nígbà tí arákùnrin wọn, (Ànábì) Nūh, sọ pé: “Ṣé ẹ ò níí bẹ̀rù (Allāhu) ni?

آية رقم 107

ﯽﯾﯿﰀ ﰁ

Dájúdájú èmi ni Òjíṣẹ́ olùfọkàntán fun yín.

آية رقم 108

ﰂﰃﰄ ﰅ

Nítorí náà, ẹ bẹ̀rù Allāhu, kí ẹ sì tẹ̀lé mi.

آية رقم 109

ﰆﰇﰈﰉﰊﰋﰌﰍﰎﰏﰐﰑ ﰒ

Èmi kò sì bèèrè owó-ọ̀yà kan ní ọwọ́ yín lórí rẹ̀. Kò sí ẹ̀san mi lọ́dọ̀ ẹnì kan àfi lọ́dọ̀ Olúwa gbogbo ẹ̀dá.

آية رقم 110

ﰓﰔﰕ ﰖ

Nítorí náà, ẹ bẹ̀rù Allāhu, kí ẹ sì tẹ̀lé mi.”

آية رقم 111

ﰗﰘﰙﰚﰛﰜ ﰝ

Wọ́n wí pé: “Ṣé kí á gbà ọ́ gbọ́ nígbà tí ó jẹ́ pé àwọn ènìyàn yẹpẹrẹ l’ó ń tẹ̀lé ọ!?”

آية رقم 112

ﭑﭒﭓﭔﭕﭖ ﭗ

Ó sọ pé: “Èmi kò nímọ̀ sí ohun tí wọ́n ń ṣe (lẹ́yìn mi).

آية رقم 113

ﭘﭙﭚﭛﭜﭝﭞﭟ ﭠ

Kò sí ìṣírò-iṣẹ́ wọn lọ́dọ̀ ẹnì kan bí kò ṣe lọ́dọ̀ Olúwa mi, tí ó bá jẹ́ pé ẹ bá fura.

آية رقم 114

ﭡﭢﭣﭤ ﭥ

Èmi kò sì níí lé àwọn onígbàgbọ́ òdodo dànù.

آية رقم 115

ﭦﭧﭨﭩﭪ ﭫ

Èmi kò sì jẹ́ kiní kan bí kò ṣe olùkìlọ̀ pọ́nńbélé.”

آية رقم 116

ﭬﭭﭮﭯﭰﭱﭲﭳ ﭴ

Wọ́n wí pé: “Dájúdájú tí ìwọ Nūh kò bá jáwọ́ (nibí ìpèpè rẹ) dájúdájú o máa wà nínú àwọn tí a máa jù lókò.”

آية رقم 117

ﭵﭶﭷﭸﭹ ﭺ

Ó sọ pé: “Olúwa mi, dájúdájú àwọn ènìyàn mi ti pè mí ní òpùrọ́.

آية رقم 118

ﭻﭼﭽﭾﭿﮀﮁﮂﮃ ﮄ

Nítorí náà, ṣèdájọ́ tààrà láààrin èmi àti àwọn. Kí o sì la èmi àti àwọn t’ó wà pẹ̀lú mi nínú àwọn onígbàgbọ́ òdodo.”

آية رقم 119

ﮅﮆﮇﮈﮉﮊ ﮋ

A la òun àti àwọn t’ó wà pẹ̀lú rẹ̀ nínú ọkọ̀ ojú-omi t’ó kún kẹ́kẹ́.

آية رقم 120

ﮌﮍﮎﮏ ﮐ

Lẹ́yìn náà, A tẹ àwọn t’ó ṣẹ́kù rì sínú omi.

آية رقم 121

ﮑﮒﮓﮔﮕﮖﮗﮘﮙ ﮚ

Dájúdájú àmì wà nínú ìyẹn. Ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

آية رقم 122

ﮛﮜﮝﮞﮟ ﮠ

Dájúdájú Olúwa rẹ, Òun mà ni Alágbára, Àṣàkẹ́-ọ̀run.

آية رقم 123

ﮡﮢﮣ ﮤ

Àwọn ìran ‘Ād pe àwọn Òjíṣẹ́ ní òpùrọ́.

آية رقم 124

ﮥﮦﮧﮨﮩﮪﮫ ﮬ

Nígbà tí arákùnrin wọn, (Ànábì) Hūd, sọ pé: “Ṣé ẹ ò níí bẹ̀rù (Allāhu) ni?

آية رقم 125

ﮭﮮﮯﮰ ﮱ

Dájúdájú èmi ni Òjíṣẹ́ olùfọkàntán fun yín.

آية رقم 126

ﯓﯔﯕ ﯖ

Nítorí náà, ẹ bẹ̀rù Allāhu, kí ẹ sì tẹ̀lé mi.

آية رقم 127

ﯗﯘﯙﯚﯛﯜﯝﯞﯟﯠﯡﯢ ﯣ

Èmi kò sì bèèrè owó-ọ̀yà kan ní ọwọ́ yín lórí rẹ̀. Kò sí ẹ̀san mi lọ́dọ̀ ẹnì kan àfi lọ́dọ̀ Olúwa gbogbo ẹ̀dá.

آية رقم 128

ﯤﯥﯦﯧﯨ ﯩ

Ṣé ẹ óò máa kọ́ ilé ńlá ńlá sí àwọn àyè gíga (kí ẹ lè) máa fi àwọn olùrékọjá ṣẹ̀fẹ̀?

آية رقم 129

ﯪﯫﯬﯭ ﯮ

Ẹ sì ń kọ́ àwọn ilé ńlá ńlá bí ẹni pé ẹ máa ṣe gbére (nílé ayé yìí).

آية رقم 130

ﯯﯰﯱﯲ ﯳ

Nígbà tí ẹ bá sì gbá (ènìyàn mú láti fìyà jẹ wọ́n), ẹ̀ ń gbá wọn mú ní ìgbámú aláìlójú-àánú.

آية رقم 131

ﯴﯵﯶ ﯷ

Nítorí náà, ẹ bẹ̀rù Allāhu, kí ẹ sì tẹ̀lé mi.

آية رقم 132

ﯸﯹﯺﯻﯼ ﯽ

Ẹ bẹ̀rù Ẹni tí Ó ràn yín lọ́wọ́ pẹ̀lú ohun tí ẹ mọ̀;

آية رقم 133

ﯾﯿﰀ ﰁ

Ó ràn yín lọ́wọ́ pẹ̀lú àwọn ẹran-ọ̀sìn àti àwọn ọmọ,

آية رقم 134

ﰂﰃ ﰄ

àti àwọn ọgbà oko pẹ̀lú àwọn ìṣẹ́lẹ̀rú omi.

آية رقم 135

ﰅﰆﰇﰈﰉﰊ ﰋ

Dájúdájú èmi ń páyà ìyà ọjọ́ ńlá fun yín.”

آية رقم 136

ﰌﰍﰎﰏﰐﰑﰒﰓﰔ ﰕ

Wọ́n wí pé: “Bákan náà ni fún wa; yálà o kìlọ̀ fún wa tàbí o ò sí nínú àwọn olùkìlọ̀.

آية رقم 137

ﭑﭒﭓﭔﭕ ﭖ

Èyí kò jẹ́ kiní kan bí kò ṣe ìwà àwọn ẹni àkọ́kọ́.

آية رقم 138

ﭗﭘﭙ ﭚ

Wọn kò sì níí jẹ wá níyà.”

آية رقم 139

ﭛﭜﭝﭞﭟﭠﭡﭢﭣﭤﭥﭦ ﭧ

Nítorí náà, wọ́n pè é ní òpùrọ́. A sì pa wọ́n run. Dájúdájú àmì wà nínú ìyẹn. Ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

آية رقم 140

ﭨﭩﭪﭫﭬ ﭭ

Dájúdájú Olúwa rẹ, Òun mà ni Alágbára, Àṣàkẹ́-ọ̀run.

آية رقم 141

ﭮﭯﭰ ﭱ

Àwọn ìran Thamūd pe àwọn Òjíṣẹ́ ní òpùrọ́.

آية رقم 142

ﭲﭳﭴﭵﭶﭷﭸ ﭹ

Nígbà tí arákùnrin wọn, (Ànábì) Sọ̄lih, sọ pé: “Ṣé ẹ ò níí bẹ̀rù (Allāhu) ni?

آية رقم 143

ﭺﭻﭼﭽ ﭾ

Dájúdájú emi ni Òjíṣẹ́ olùfọkàntán fun yín.

آية رقم 144

ﭿﮀﮁ ﮂ

Nítorí náà, ẹ bẹ̀rù Allāhu, kí ẹ sì tẹ̀lé mi.

آية رقم 145

ﮃﮄﮅﮆﮇﮈﮉﮊﮋﮌﮍﮎ ﮏ

Èmi kò sì bèèrè owó-ọ̀yà kan ní ọwọ́ yín lórí rẹ̀. Kò sí ẹ̀san mi lọ́dọ̀ ẹnì kan àfi lọ́dọ̀ Olúwa gbogbo ẹ̀dá.

آية رقم 146

ﮐﮑﮒﮓﮔ ﮕ

Ṣé kí wọ́n fi yín sílẹ̀ síbi n̄ǹkan tí ó wà (nílé ayé) níbí yìí (nínú ìgbádùn ayé, kí ẹ jẹ́) olùfọkànbalẹ̀

آية رقم 147

ﮖﮗﮘ ﮙ

nínú àwọn ọgbà oko àti ìṣẹ́lẹ̀rú omi.

آية رقم 148

ﮚﮛﮜﮝ ﮞ

àti oko irúgbìn pẹ̀lú igi dàbínù tí ọ̀gọ́mọ̀ rẹ̀ tutù?

آية رقم 149

ﮟﮠﮡﮢﮣ ﮤ

Ẹ sì ń gbẹ́ àwọn ilé sínú àwọn àpáta (gẹ́gẹ́ bí) akọ́ṣẹ́-mọṣẹ́!

آية رقم 150

ﮥﮦﮧ ﮨ

Nítorí náà, ẹ bẹ̀rù Allāhu, kí ẹ sì tẹ̀lé mi.

آية رقم 151

ﮩﮪﮫﮬ ﮭ

Kí ẹ sì má ṣe tẹ̀lé àṣẹ àwọn aláṣejù,

آية رقم 152

ﮮﮯﮰﮱﯓﯔ ﯕ

àwọn t’ó ń ṣèbàjẹ́ lórí ilẹ̀, tí wọn kò sì ṣe rere.”

آية رقم 153

ﯖﯗﯘﯙﯚ ﯛ

Wọ́n wí pé: “Ìwọ kúkú wà nínú àwọn eléèdì.

آية رقم 154

ﯜﯝﯞﯟﯠﯡﯢﯣﯤﯥﯦ ﯧ

Ìwọ kò sì jẹ́ kiní kan bí kò ṣe abara bí irú wa. Nítorí náà, mú àmì kan wá tí o bá wà nínú àwọn olódodo.”

آية رقم 155

ﯨﯩﯪﯫﯬﯭﯮﯯﯰ ﯱ

Ó sọ pé: “Èyí ni abo ràkúnmí kan. Omi wà fún òhun, omi sì wà fún ẹ̀yin náà ní ọjọ́ tí a ti mọ̀.

آية رقم 156

ﯲﯳﯴﯵﯶﯷﯸ ﯹ

Ẹ má ṣe fi aburú kan kàn án nítorí kí ìyà ọjọ́ ńlá má baà jẹ yín.”

آية رقم 157

ﯺﯻﯼ ﯽ

Wọ́n sì gún un pa. Nítorí náà, wọ́n sì di alábàámọ̀.

آية رقم 158

ﯾﯿﰀﰁﰂﰃﰄﰅﰆﰇﰈﰉ ﰊ

Ìyà náà jẹ wọ́n. Dájúdájú àmì wà nínú ìyẹn. Ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

آية رقم 159

ﰋﰌﰍﰎﰏ ﰐ

Dájúdájú Olúwa rẹ, Òun mà ni Alágbára, Àṣàkẹ́-ọ̀run.

آية رقم 160

ﭑﭒﭓﭔ ﭕ

Ìjọ Lūt pe àwọn Òjíṣẹ́ ní òpùrọ́.

آية رقم 161

ﭖﭗﭘﭙﭚﭛﭜ ﭝ

Nígbà tí arákùnrin wọn, (Ànábì) Lūt, sọ pé: “Ṣé ẹ ò níí bẹ̀rù (Allāhu) ni?

آية رقم 162

ﭞﭟﭠﭡ ﭢ

Dájúdájú èmi ni Òjíṣẹ́ olùfọkàntán fun yín.

آية رقم 163

ﭣﭤﭥ ﭦ

Nítorí náà, ẹ bẹ̀rù Allāhu, kí ẹ sì tẹ̀lé mi.

آية رقم 164

ﭧﭨﭩﭪﭫﭬﭭﭮﭯﭰﭱﭲ ﭳ

Èmi kò sì bèèrè owó-ọ̀yà kan ní ọwọ́ yín lórí rẹ̀. Kò sí ẹ̀san mi lọ́dọ̀ ẹnì kan àfi lọ́dọ̀ Olúwa gbogbo ẹ̀dá.

آية رقم 165

ﭴﭵﭶﭷ ﭸ

Ṣé àwọn ọkùnrin nínú ẹ̀dá ni ẹ̀yin ọkùnrin yóò lọ máa bá (fún adùn ìbálòpọ̀)?

آية رقم 166

ﭹﭺﭻﭼﭽﭾﭿﮀﮁﮂﮃﮄ ﮅ

Ẹ sì ń pa ohun tí Olúwa yín dá fun yín tì nínú àwọn ìyàwó yín! Àní sẹ́, ìjọ alákọyọ ni ẹ̀yin.”

آية رقم 167

ﮆﮇﮈﮉﮊﮋﮌﮍ ﮎ

Wọ́n wí pé: “Tí ìwọ Lūt kò bá jáwọ́ (nibí ìpèpè rẹ) dájúdájú o máa wà nínú àwọn tí a máa lé jáde kúrò nínú ìlú.”

آية رقم 168

ﮏﮐﮑﮒﮓ ﮔ

Ó sọ pé: "Dájúdájú èmi wà nínú àwọn olùbínú sí iṣẹ́ (aburú) ọwọ́ yín.

آية رقم 169

ﮕﮖﮗﮘﮙ ﮚ

Olúwa mi, la èmi àti àwọn ènìyàn mi níbí ohun tí wọ́n ń ṣe níṣẹ́ (aburú)."

آية رقم 170

ﮛﮜﮝ ﮞ

Nítorí náà, A la òun àti àwọn ènìyàn rẹ̀ pátápátá.

آية رقم 171

ﮟﮠﮡﮢ ﮣ

Àfi arúgbóbìnrin kan tí ó wà nínú àwọn t’ó ṣẹ́ kù lẹ́yìn (láààrin àwọn tí A parẹ́).
____________________
Arúgbóbìnrin yẹn ni ìyàwó Ànábì Lūt ('alaehi-ssọlātu wa-ssalām) nítorí pé, nínú sūrah Hūd; 11:81, Allāhu (subhānahu wa ta'ālā) lo “àyàfi ìyàwó rẹ”.

آية رقم 172

ﮤﮥﮦ ﮧ

Lẹ́yìn náà, A pa àwọn yòókù run.

آية رقم 173

ﮨﮩﮪﮫﮬﮭﮮ ﮯ

A rọ òjò lé wọn lórí tààrà. Òjò àwọn tí A kìlọ̀ fún sì burú.

آية رقم 174

ﮰﮱﯓﯔﯕﯖﯗﯘﯙ ﯚ

Dájúdájú àmì wà nínú ìyẹn. Ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

آية رقم 175

ﯛﯜﯝﯞﯟ ﯠ

Dájúdájú Olúwa rẹ, Òun mà ni Alágbára, Àṣàkẹ́-ọ̀run.

آية رقم 176

ﯡﯢﯣﯤ ﯥ

Àwọn ará ’Aekah pe àwọn Òjíṣẹ́ ní òpùrọ́.

آية رقم 177

ﯦﯧﯨﯩﯪﯫ ﯬ

Nígbà tí arákùnrin wọn, (Ànábì) Ṣu‘aeb, sọ pé: “Ṣé ẹ̀yin kò níí bẹ̀rù (Allāhu) ni?

آية رقم 178

ﯭﯮﯯﯰ ﯱ

Dájúdájú èmi ni Òjíṣẹ́ olùfọkàntán fun yín.

آية رقم 179

ﯲﯳﯴ ﯵ

Nítorí náà, ẹ bẹ̀rù Allāhu, kí ẹ sì tẹ̀lé mi.

آية رقم 180

ﯶﯷﯸﯹﯺﯻﯼﯽﯾﯿﰀﰁ ﰂ

Èmi kò sì bèèrè owó-ọ̀yà kan ní ọwọ́ yín lórí rẹ̀. Kò sí ẹ̀san mi lọ́dọ̀ ẹnì kan àfi lọ́dọ̀ Olúwa gbogbo ẹ̀dá.

آية رقم 181

ﰃﰄﰅﰆﰇﰈﰉ ﰊ

Ẹ wọn òṣùwọ̀n kún. Kí ẹ sì má ṣe wà nínú àwọn olùdóṣùwọ̀nkù.

آية رقم 182

ﰋﰌﰍ ﰎ

Ẹ fi ìwọ̀n t’ó tọ́ wọn n̄ǹkan.

آية رقم 183

ﰏﰐﰑﰒﰓﰔﰕﰖﰗ ﰘ

Ẹ má ṣe dín n̄ǹkan àwọn ènìyàn kù. Kí ẹ sì má ṣe hùwà aburú lórí ilẹ̀ ní ti òbìlẹ̀jẹ́.

آية رقم 184

ﭑﭒﭓﭔﭕ ﭖ

Kí ẹ sì bẹ̀rù Ẹni tí Ó dá yín àti àwọn ìran àkọ́kọ́.”

آية رقم 185

ﭗﭘﭙﭚﭛ ﭜ

Wọ́n wí pé: “Ìwọ kúkú wà nínú àwọn eléèdì.

آية رقم 186

ﭝﭞﭟﭠﭡﭢﭣﭤﭥ ﭦ

Ìwọ kò sì jẹ́ kiní kan bí kò ṣe abara bí irú wa. Àti pé a ò rò ọ́ sí kiní kan bí kò ṣe pé ó wà nínú àwọn òpùrọ́.

آية رقم 187

ﭧﭨﭩﭪﭫﭬﭭﭮﭯ ﭰ

Nítorí náà, jẹ́ kí apá kan nínú sánmọ̀ ya lù wá mọ́lẹ̀, tí o bá wà nínú àwọn olódodo.”

آية رقم 188

ﭱﭲﭳﭴﭵ ﭶ

Ó sọ pé: “Olúwa mi nímọ̀ jùlọ nípa ohun tí ẹ̀ ń ṣe níṣẹ́.

آية رقم 189

ﭷﭸﭹﭺﭻﭼﭽﭾﭿﮀﮁ ﮂ

Wọ́n sì pè é ní òpùrọ́. Nítorí náà, ìyà ọjọ́ ẹ̀ṣújò sì jẹ wọ́n. Dájúdájú ó jẹ́ ìyà ọjọ́ ńlá.

آية رقم 190

ﮃﮄﮅﮆﮇﮈﮉﮊﮋ ﮌ

Dájúdájú àmì wà nínú ìyẹn. Ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

آية رقم 191

ﮍﮎﮏﮐﮑ ﮒ

Dájúdájú Olúwa rẹ, Òun mà ni Alágbára, Àṣàkẹ́-ọ̀run.

آية رقم 192

ﮓﮔﮕﮖ ﮗ

Dájúdájú al-Ƙur’ān, wọ́n sọ̀ ọ́ kalẹ̀ ni láti ọ̀dọ̀ Olúwa gbogbo ẹ̀dá.

آية رقم 193

ﮘﮙﮚﮛ ﮜ

Mọlāika Jibrīl, olùfọkàntán l’ó sọ̀ ọ́ kalẹ̀

آية رقم 194

ﮝﮞﮟﮠﮡ ﮢ

sínú ọkàn rẹ nítorí kí o lè wà nínú àwọn olùkìlọ̀

آية رقم 195

ﮣﮤﮥ ﮦ

pẹ̀lú èdè Lárúbáwá pọ́nńbélé.

آية رقم 196

ﮧﮨﮩﮪ ﮫ

Dájúdájú (ọ̀rọ̀ nípa rẹ̀) ti wà nínú ìpín-ìpín Tírà àwọn ẹni àkọ́kọ́.

آية رقم 197

ﮬﮭﮮﮯﮰﮱﯓﯔﯕ ﯖ

Ṣé kò jẹ́ àmì kan fún wọn pé àwọn onímọ̀ (nínú) àwọn ọmọ ’Isrọ̄’īl nímọ̀ (sí àsọọ́lẹ̀ nípa) rẹ̀ (nínú tírà ọwọ́ wọn)?

آية رقم 198

ﯗﯘﯙﯚﯛ ﯜ

Tí ó bá jẹ́ pé A sọ̀ ọ́ kalẹ̀ fún apá kan àwọn elédè mìíràn ni,

آية رقم 199

ﯝﯞﯟﯠﯡﯢ ﯣ

199. tí ó sì ké e fún wọn, wọn kò níí gbà á gbọ́ ní òdodo.

آية رقم 200

ﯤﯥﯦﯧﯨ ﯩ

Báyẹn ni A ṣe mú (àtakò) wọ inú ọkàn àwọn ẹlẹ́ṣẹ̀.

آية رقم 201

ﯪﯫﯬﯭﯮﯯﯰ ﯱ

Wọn kò níí gbà á gbọ́ ní òdodo títí wọn yóò fi rí ìyà ẹlẹ́ta-eléro.

آية رقم 202

ﯲﯳﯴﯵﯶ ﯷ

(Ìyà náà) yóò dé bá wọn ní òjijì; wọn kò sì níí fura.

آية رقم 203

ﯸﯹﯺﯻ ﯼ

Nígbà náà ni wọn yóò wí pé: "Ǹjẹ́ wọ́n lè lọ́ wa lára bí?"

آية رقم 204

ﯽﯾ ﯿ

Ṣé ìyà Wa ni wọ́n ń wá pẹ̀lú ìkánjú?

آية رقم 205

ﰀﰁﰂﰃ ﰄ

Sọ fún Mi tí A bá fún wọn ní ìgbádùn ayé fún ọdún gbọọrọ!

آية رقم 206

ﰅﰆﰇﰈﰉ ﰊ

Lẹ́yìn náà, kí ohun tí À ń ṣe ní àdéhùn fún wọn dé bá wọn.

آية رقم 207

ﭑﭒﭓﭔﭕﭖ ﭗ

Ohun tí A ṣe ní ìgbádùn fún wọn kò sì níí rọ̀ wọ́n lọ́rọ̀.

آية رقم 208

ﭘﭙﭚﭛﭜﭝﭞ ﭟ

A ò sì pa ìlú kan run àfi kí wọ́n ti ní àwọn olùkìlọ̀.

آية رقم 209

ﭠﭡﭢﭣ ﭤ

Ìrántí (dé fún wọn sẹ́). Àti pé Àwa kì í ṣe alábòsí.

آية رقم 210

ﭥﭦﭧﭨ ﭩ

Kì í ṣe àwọn èṣù ni wọ́n sọ (al-Ƙur’ān) kalẹ̀.

آية رقم 211

ﭪﭫﭬﭭﭮ ﭯ

Kò yẹ fún wọn. Wọn kò sì lágbára rẹ̀.

آية رقم 212

ﭰﭱﭲﭳ ﭴ

Dájúdájú A ti mú wọn takété sí gbígbọ́ rẹ̀ (láti ojú sánmọ̀).

آية رقم 213

ﭵﭶﭷﭸﭹﭺﭻﭼﭽ ﭾ

Nítorí náà, má ṣe pe ọlọ́hun mìíràn mọ́ Allāhu, nítorí kí ìwọ má baà wà nínú àwọn tí A máa jẹ níyà.

آية رقم 214

ﭿﮀﮁ ﮂ

Kí o sì kìlọ̀ fún àwọn ẹbí rẹ, t’ó súnmọ́ jùlọ.

آية رقم 215

ﮃﮄﮅﮆﮇﮈ ﮉ

Kí o sì rẹ apá rẹ nílẹ̀ fún àwọn t’ó tẹ̀lé ọ nínú àwọn onígbàgbọ́ òdodo.

آية رقم 216

ﮊﮋﮌﮍﮎﮏﮐ ﮑ

Tí wọ́n bá sì yapa (àṣẹ) rẹ, sọ pé: “Dájúdájú èmi yọwọ́ yọsẹ̀ nínú ohun tí ẹ̀ ń ṣe (níṣẹ́ aburú).”

آية رقم 217

ﮒﮓﮔﮕ ﮖ

Kí o sì gbáralé Alágbára, Àṣàkẹ́-ọ̀run;

آية رقم 218

ﮗﮘﮙﮚ ﮛ

Ẹni t’Ó ń rí ọ nígbà tí ò ń dìde nàró (fún ìrun kíkí)

آية رقم 219

ﮜﮝﮞ ﮟ

àti ìyírapadà rẹ (fún rukuu àti ìforíkanlẹ̀) láààrin àwọn olùforíkanlẹ̀.

آية رقم 220

ﮠﮡﮢﮣ ﮤ

Dájúdájú Òun mà ni Olùgbọ́, Onímọ̀.

آية رقم 221

ﮥﮦﮧﮨﮩﮪ ﮫ

Ṣé kí n̄g sọ ẹni tí àwọn èṣù ń sọ̀kalẹ̀ wá bá?

آية رقم 222

ﮬﮭﮮﮯﮰ ﮱ

Wọ́n ń sọ̀kalẹ̀ wá bá gbogbo àwọn òpùrọ́, ẹlẹ́ṣẹ̀.

آية رقم 223

ﯓﯔﯕﯖ ﯗ

(Àwọn èṣù) ń dẹtí (sí ìró sánmọ̀). Ọ̀pọ̀lọ́pọ̀ wọn sì ni òpùrọ́.

آية رقم 224

ﯘﯙﯚ ﯛ

Àwọn eléwì, àwọn olùṣìnà l’ó ń tẹ̀lé wọn.

آية رقم 225

ﯜﯝﯞﯟﯠﯡﯢ ﯣ

Ṣé o ò rí i pé gbogbo ọ̀gbun ọ̀rọ̀ ni wọ́n ń tẹnu bọ̀ ni?

آية رقم 226

ﯤﯥﯦﯧﯨ ﯩ

Àti pé dájúdájú wọ́n ń sọ ohun tí wọn kò níí ṣe.

آية رقم 227

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﯾ

Àfi àwọn t’ó gbàgbọ́ ní òdodo, tí wọ́n ṣe iṣẹ́ rere, tí wọ́n rántí Allāhu ní ọ̀pọ̀lọ́pọ̀, tí wọ́n sì jàjà gbara lẹ́yìn tí wọ́n ti ṣàbòsí sí wọn. Àwọn t’ó ṣàbòsí sì máa mọ irú ìkángun tí wọ́n máa gúnlẹ̀ sí.

تقدم القراءة