ترجمة معاني سورة النبأ باللغة ماراناو من كتاب Maranao - Maranao translation

آية رقم 1

ﭑﭒ ﭓ ​

Antonaa so gi iran pamagizai yan?

آية رقم 2

ﭔﭕﭖ ﭗ ​

A tothol a mala,

آية رقم 3

ﭘﭙﭚﭛ ﭜ ​

A so siran na di siran on phagayonayon?

آية رقم 4

ﭝﭞ ﭟ ​

Na gnki ran, ka khatokawan iran bo!

آية رقم 5

ﭠﭡﭢ ﭣ ​

Oriyan iyan, na sabnar a katokawan iran bo!

آية رقم 6

ﭤﭥﭦﭧ ﭨ ​

Ba Ami da baloya so lopa a miyadmpas?

آية رقم 7

ﭩﭪ ﭫ ​

Go so manga palaw a manga pask?

آية رقم 8

ﭬﭭ ﭮ ​

Go inadn Ami skano a nggaganapa,

آية رقم 9

ﭯﭰﭱ ﭲ ​

Go biyaloy Ami so torog iyo a kadkha,

آية رقم 10

ﭳﭴﭵ ﭶ ​

Go biyaloy Ami so gagawii a nditarn,

آية رقم 11

ﭷﭸﭹ ﭺ ​

Go biyaloy Ami so dawndaw a ipphaningkawyagn;.

آية رقم 12

ﭻﭼﭽﭾ ﭿ ​

Go pimbalayan Ami so kaporoan iyo sa pito a manga babagr (a manga langit),

آية رقم 13

ﮀﮁﮂ ﮃ ​

Go miyadn Kami sa palitaan a masindaw (a alongan),

آية رقم 14

ﮄﮅﮆﮇﮈ ﮉ ​

Go piyakatoron Ami a phoon ko manga gabon so ig a madakl,

آية رقم 15

ﮊﮋﮌﮍ ﮎ ​

Ka an Ami mapakagmaw sa sabap rkaniyan so prpran ago mangngto,

آية رقم 16

ﮏﮐ ﮑ ​

A go manga pamomolan a milapilapis.

آية رقم 17

ﮒﮓﮔﮕﮖ ﮗ ​

Mataan! a so alongan a kokoman na miyabaloy a wakto a kapthatalabokan,

آية رقم 18

ﮘﮙﮚﮛﮜﮝ ﮞ ​

Sii ko alongan a kaiyopa ko sanggakala, na makatalingoma kano a pizagorompong,

آية رقم 19

ﮟﮠﮡﮢ ﮣ ​

Go kalkaan so langit na mabaloy a manga paytaw,

آية رقم 20

ﮤﮥﮦﮧ ﮨ ​

Go mikayontong so manga palaw na mabaloy a lopapk.

آية رقم 21

ﮩﮪﮫﮬ ﮭ ​

Mataan! a so naraka Jahannam na aya btad iyan na mibbkn a ayan,

آية رقم 22

ﮮﮯ ﮰ ​

A khandodan o miyamangakowala,

آية رقم 23

ﮱﯓﯔ ﯕ ​

Matatap siran on sa tanitiyasa;

آية رقم 24

ﯖﯗﯘﯙﯚﯛ ﯜ ​

Daa khataam iran on a pakadnggaw, go da a khaynom on,

آية رقم 25

ﯝﯞﯟ ﯠ ​

A rowar ko phlikabo a ig go dana,

آية رقم 26

ﯡﯢ ﯣ ​

Balas a pindait (ko galbk iran a marata).

آية رقم 27

ﯤﯥﯦﯧﯨ ﯩ ​

Mataan! a siran na aya btad iran na di iran ikhalk so itongan,

آية رقم 28

ﯪﯫﯬ ﯭ ​

Go piyakambokhag iran so manga ayat Ami sa tanto a kapakambokhag.

آية رقم 29

ﯮﯯﯰﯱ ﯲ ​

Na langowan taman na inisorat Ami skaniyan ko daptar;

آية رقم 30

ﯳﯴﯵﯶﯷ ﯸ ​

"Na taami niyo, ka da dn a ipagoman Ami rkano a rowar ko siksa."

آية رقم 31

ﭑﭒﭓ ﭔ ​

Mataan! a adn a bagian o miyamananggila a darpa a kapakadaya,

آية رقم 32

ﭕﭖ ﭗ ​

A manga pamomolan, ago manga anggor,

آية رقم 33

ﭘﭙ ﭚ ​

Go manga raga a mrzarza,

آية رقم 34

ﭛﭜ ﭝ ​

Go tagoay sa inomn a tthbira.

آية رقم 35

ﭞﭟﭠﭡﭢﭣ ﭤ ​

Daa khan´g iran on a ilang go da a kabokhag;

آية رقم 36

ﭥﭦﭧﭨﭩ ﭪ ​

Balas a phoon ko Kadnan ka, a pammgayan a tarotop, -

آية رقم 37

ﭫﭬﭭﭮﭯﭰﭱﭲﭳﭴﭵ ﭶ ​

Kadnan o manga langit, ago so lopa, ago so nganin a pagltan a dowa nan, a Masalinggagaw; da a phakagaga kiran on mbitiyarai.

آية رقم 38

ﭷﭸﭹﭺﭻﭼﭽﭾﭿﮀﮁﮂﮃﮄﮅ ﮆ ​

Sii ko alongan a tomindg so Roh ago so manga malaikat a zasaasaap, da a makaptharo kiran, a rowar sa idinan (o Allah a) Masalinggagaw, ago ptharo sa ontol.

آية رقم 39

ﮇﮈﮉﮊﮋﮌﮍﮎﮏﮐ ﮑ ​

Giyoto man so alongan a bnar; na sadn sa khabaya na mbaal sa darpa a khandodan sii ko Kadnan iyan.

آية رقم 40

ﮒﮓﮔﮕﮖﮗﮘﮙﮚﮛﮜﮝﮞﮟﮠ ﮡ ​

Mataan! a Skami na piyakiiktiyaran Ami rkano so siksa a marani, sii ko alongan a kasandngan o taw so miyanggalbk o mbala a lima niyan, na matharo o miyongkir: "Hay oba ako bo mimbaloy a botha."