ترجمة معاني سورة الحجر باللغة ماراناو من كتاب Maranao - Maranao translation

آية رقم 1

ﭑﭒﭓﭔﭕﭖﭗ ﭘ ​

Alif, Lam, Ra. (so Allah i Matao ko paka-aantapan Iyan on.) Giyaya na manga ayat ko kitab, go Qor´an a miyakapayag (ko ontol).

آية رقم 2

ﭙﭚﭛﭜﭝﭞﭟ ﭠ ​

Madakl a kapndingandingana o siran a da pamaratiyaya, sa oba siran bo miyabaloy a manga Moslim.

آية رقم 3

ﭡﭢﭣﭤﭥﭦﭧﭨ ﭩ ​

Botawaning ka siran, ka an siran pphakakan, go an iran pkhasawiti (so doniya): Go so kattmbanga kiran o inam: Ka katokawan iran bo.

آية رقم 4

ﭪﭫﭬﭭﭮﭯﭰﭱ ﭲ ​

Na da a bininasa Mi a phagingd a ba da a kitab iyan a mappnto.

آية رقم 5

ﭳﭴﭵﭶﭷﭸﭹ ﭺ ​

Di kapngagaanan o pagtaw so adial iyan, go di iran khisndod.

آية رقم 6

ﭻﭼﭽﭾﭿﮀﮁﮂ ﮃ ​

Na pitharo iran: "Hay tiyoronan ko ndao, mataang ka a titho a pmbthangn!"

آية رقم 7

ﮄﮅﮆﮇﮈﮉﮊﮋ ﮌ ​

"Ino kaming ka di khawiti sa malaikat o ska na pd ko khipmamataan?"

آية رقم 8

ﮍﮎﮏﮐﮑﮒﮓﮔﮕ ﮖ ​

(Pitharo o Allah:) A di Ami phakatoronn so malaikat inonta o rakhs o bnar: Na samawto na di siran dn makanggowamay!.

آية رقم 9

ﮗﮘﮙﮚﮛﮜﮝ ﮞ ​

Mataan! a Skami na Skami i tomiyoron ko (Qor´an a) ndao; go mataan! a Skami i titho a somisiyap on.

آية رقم 10

ﮟﮠﮡﮢﮣﮤﮥ ﮦ ​

Na sabnsabnar a siyogoan Ami so miyaonaan ka sii ko pithanggisa ka tindg ko miyangaoona:

آية رقم 11

ﮧﮨﮩﮪﮫﮬﮭﮮ ﮯ ​

Na da a miyakatalingoma kiran a sogo a ba iran da pamagrgi skaniyan.

آية رقم 12

ﮰﮱﯓﯔﯕ ﯖ ​

Lagid aya man i kipzanipn Ami ron ko manga poso o manga baradosa,

آية رقم 13

ﯗﯘﯙﯚﯛﯜﯝ ﯞ ​

A di siran on pharatiyaya; oba di sabnar a somiyagad so miyasowa o miyangaoona.

آية رقم 14

ﯟﯠﯡﯢﯣﯤﯥﯦﯧ ﯨ ​

Na apiya pn lomka Kami kiran sa pinto ko langit, na mabaloy siran a makapanik siran on,

آية رقم 15

ﯩﯪﯫﯬﯭﯮﯯﯰ ﯱ ​

Na tharoon iran dn a: "Mataan! a birg so manga kaylay tano: Kna, ka sktano na pagtaw a miyangababalik a mata niyan."

آية رقم 16

ﭑﭒﭓﭔﭕﭖﭗ ﭘ ​

Na sabnsabnar a tiyagoan Ami so langit sa manga darpa o manga bitoon, go inipharas Ami ron oto a rk o pphamakaylay ron;

آية رقم 17

ﭙﭚﭛﭜﭝ ﭞ ​

Na siniyap Ami oto phoon ko langowan a shaytan a pradiyamn:

آية رقم 18

ﭟﭠﭡﭢﭣﭤﭥ ﭦ ​

Ogaid na so miyamankhaw sa kan´g, na siyaloba skaniyan a kadg, a mapayag.

آية رقم 19

ﭧﭨﭩﭪﭫﭬﭭﭮﭯﭰﭱ ﭲ ​

So lopa na kiyayat Ami oto; go piyamakatindgan Ami oto sa manga palaw; go piyamakathoan Ami oto sa mbarambarang a didiyangkaan.

آية رقم 20

ﭳﭴﭵﭶﭷﭸﭹﭺ ﭻ ​

Go singgayan Ami skano ron sa manga kawiyagan ago so kna a ba skano i pphamagpr on.

آية رقم 21

ﭼﭽﭾﭿﮀﮁﮂﮃﮄﮅﮆ ﮇ ​

Na da a nganin a ba Ami di mipapaar so khitatagoan on; go da a phakatoronn Ami ron a ba di madidiyangka a mappnto.

آية رقم 22

ﮈﮉﮊﮋﮌﮍﮎﮏﮐﮑﮒﮓ ﮔ ​

Go pphakasambrn Ami so manga undo a pphamakatago sa ig ko gabon, na piyakatoron Ami a phoon ko kawang so ig, na piyakainom Ami skano ron, na kna a ba skano i makakhakapaar on.

آية رقم 23

ﮕﮖﮗﮘﮙﮚ ﮛ ​

Go mataan! a titho a Skami i pphangoyag, go pphangimatay: Go Skami i manga waris (a phamaapaar).

آية رقم 24

ﮜﮝﮞﮟﮠﮡﮢ ﮣ ​

Na sabnsabnar a katawan Ami so miyangaoona rkano, go sabnsabnar a katawan Ami so phangaoori rkano.

آية رقم 25

ﮤﮥﮦﮧﮨﮩﮪﮫ ﮬ ​

Mataan! ka so Kadnan ka na plimodn Iyan siran, Skaniyan na Mawngangn a Matao.

آية رقم 26

ﮭﮮﮯﮰﮱﯓﯔﯕ ﯖ ​

Na sabnsabnar a inadn Ami so manosiya a phoon ko lopa a gango, a phoon ko lipaw a miyarmbis;

آية رقم 27

ﯗﯘﯙﯚﯛﯜﯝ ﯞ ​

Go so jinn na inadn Ami mona a phoon ko apoy a mararas.

آية رقم 28

ﯟﯠﯡﯢﯣﯤﯥﯦﯧﯨﯩﯪ ﯫ ​

Na gowani na pitharo o Kadnan ka ko manga malaikat a: "Mataan! a Sakn na magadn Ako sa manosiya, a phoon ko lopa a gango, a phoon ko lipaw a miyarmbis;"

آية رقم 29

ﯬﯭﯮﯯﯰﯱﯲﯳﯴ ﯵ ​

"Na anda i kaymasada Ko ron go masokan Ko skaniyan sa niyawa, na sondong kano ron sa pangangalimbabaan kano."

آية رقم 30

ﯶﯷﯸﯹ ﯺ ​

Na miyangalimbabaan on so manga malaikat, sa tanan siran, langon:

آية رقم 31

ﯻﯼﯽﯾﯿﰀﰁ ﰂ ​

Inonta so iblis: Ka somiyangka oba mabaloy a pd ko miyamangalimbabaan.

آية رقم 32

ﭑﭒﭓﭔﭕﭖﭗﭘ ﭙ ​

Pitharo (o Allah): "Hay iblis! antonaa i miyakarn rka sa dang ka kapangpd ko miyamangalimbabaan?"

آية رقم 33

ﭚﭛﭜﭝﭞﭟﭠﭡﭢﭣﭤ ﭥ ​

Pitharo iyan a: "Di rakn patot oba ako pangalimbabaan ko manosiya, a inadn Ka a phoon ko lopa a gango, a phoon ko lipaw a miyarmbis."

آية رقم 34

ﭦﭧﭨﭩﭪ ﭫ ​

Pitharo (o Allah): "Na awa ka phoon ko langit; ka mataan! a ska na inibowang;"

آية رقم 35

ﭬﭭﭮﭯﭰﭱ ﭲ ​

"Go mataan! a zisii rka so morka sa dayon ko alongan a kambabadala."

آية رقم 36

ﭳﭴﭵﭶﭷﭸ ﭹ ​

Pitharo iyan: "Kadnan ko, na pakanayawa kong Ka sa dayon ko alongan a kaoyaga kiran."

آية رقم 37

ﭺﭻﭼﭽ ﭾ ​

Pitharo (o Allah): "Na mataan! a ska na pd ko phamakanayawn"

آية رقم 38

ﭿﮀﮁﮂ ﮃ ​

"Taman ko alongan a masa a mappnto."

آية رقم 39

ﮄﮅﮆﮇﮈﮉﮊﮋﮌﮍ ﮎ ​

Pitharo iyan: "Kadnan ko, ibt ko kiyabaloyang Ka rakn a dadag, na mataan! a barayatn ko siran dn (ko kandarowaka) ko lopa, go mataan! a dadagn ko siran dn langon,"

آية رقم 40

ﮏﮐﮑﮒ ﮓ ​

"Inonta so manga oripn ka, a pd kiran a miyangatotolabos (Rka)."

آية رقم 41

ﮔﮕﮖﮗﮘ ﮙ ​

Pitharo (o Allah) a: "Katii so lalan Rakn a makaoontol (a di Ko ipndaraynon)."

آية رقم 42

ﮚﮛﮜﮝﮞﮟﮠﮡﮢﮣﮤ ﮥ ​

"Mataan! a so manga oripn Ko na da a mapkhapaar ka kiran, a rowar ko taw a inonotan ka niyan a pd ko miyangadadadag."

آية رقم 43

ﮦﮧﮨﮩ ﮪ ​

Go mataan! a so naraka Jahannam na diyandi kiran dn langon!

آية رقم 44

ﮫﮬﮭﮮﮯﮰﮱﯓ ﯔ ​

Pito a pinto iyan: Oman i isa pinto na adn a bagian iyan kiran a sabaad a missnggay.

آية رقم 45

ﯕﯖﯗﯘﯙ ﯚ ​

Mataan! a so miyamananggila na makaphagingd ko manga pamomolan go manga bowalan.

آية رقم 46

ﯛﯜﯝ ﯞ ​

(Tharoon kiran a:) "Sold kano ron sa kalilintad a somasarig kano."

آية رقم 47

ﯟﯠﯡﯢﯣﯤﯥﯦﯧﯨ ﯩ ​

Na ilangn Ami so matatago ko manga rarb iran a siig a: Phapagariya siran, a zisii ko manga kantir a khipagaadapadapa.

آية رقم 48

ﯪﯫﯬﯭﯮﯯﯰﯱ ﯲ ​

Daa phakatalingoma kiran roo a dokaw, go di siran on dn maphamakaawa.

آية رقم 49

ﯳﯴﯵﯶﯷﯸﯹ ﯺ ​

Pamanotholang ka ko manga oripn ko a: Mataan! a Sakn na Sakn so Manapi, a Makalimoon;

آية رقم 50

ﯻﯼﯽﯾﯿ ﰀ ​

Go mataan! a so iphaniksa Akn na giyoto so siksa a malipds.

آية رقم 51

ﰁﰂﰃﰄ ﰅ ​

Go pamanotholang ka kiran so manga banto o Ibrahim:

آية رقم 52

ﭑﭒﭓﭔﭕﭖﭗﭘﭙ ﭚ ​

Gowani na somiyold siran on, na mitharo siran sa: "Salaam!" Pitharo o Ibrahim a: "Mataan! a Skami na ipkhalk ami skano!"

آية رقم 53

ﭛﭜﭝﭞﭟﭠﭡ ﭢ ​

Pitharo iran a: "Di ka khalk! ka mataan! a skami na phanotholan ami ska sa (ipmbawata aka a) wata a matao."

آية رقم 54

ﭣﭤﭥﭦﭧﭨﭩﭪ ﭫ ​

Pitharo iyan: "Ino niyo rakn phanothola (a kapmbawata akn) a riyaot ako a kaloks? Na antonaa i sabap a kaphanothola niyo rakn (saya)?"

آية رقم 55

ﭬﭭﭮﭯﭰﭱﭲ ﭳ ​

Pitharo iran a: "Piyanothol ami rka so bnar: Na di ka phangpd ko piyangaadaan sa panginam!"

آية رقم 56

ﭴﭵﭶﭷﭸﭹﭺﭻ ﭼ ​

Pitharo iyan: "Na ba adn a taw a khadaan sa panginam ko limo o Kadnan iyan, a rowar ko mithataridadag?"

آية رقم 57

ﭽﭾﭿﮀﮁ ﮂ ​

Pitharo iyan: "Na antonaa i zowaan iyo, hay manga sogo (o Allah)?"

آية رقم 58

ﮃﮄﮅﮆﮇﮈ ﮉ ​

Pitharo iran a: "Mataan! a skami na siyogo kami ko pagtaw a manga baradosa (a pagtaw o Lot),"

آية رقم 59

ﮊﮋﮌﮍﮎﮏ ﮐ ​

"Inonta so taalok ko Lot: Mataan! a skami na zabtn ami siran dn langon,"

آية رقم 60

ﮑﮒﮓﮔﮕﮖ ﮗ ​

"Inonta so karoma niyan, ka kiyokom ami a mataan! a skaniyan na pd dn ko phangakakal (ko siksa)."

آية رقم 61

ﮘﮙﮚﮛﮜ ﮝ ​

Na kagiya a makawma ko Lot so manga sogo (a manga malaikat),

آية رقم 62

ﮞﮟﮠﮡ ﮢ ​

Na pitharo iyan a: "Mataan! a skano na pagtaw a di makikilala."

آية رقم 63

ﮣﮤﮥﮦﮧﮨﮩ ﮪ ​

Pitharo iran a: "Kna, ka inowit ami rka so (siksa a) siran na zasangka on so pamikiran iran;"

آية رقم 64

ﮫﮬﮭﮮ ﮯ ​

"Go minitalingoma mi rka so bnar, go mataan! a skami na titho kami a mmamataan."

آية رقم 65

ﮰﮱﯓﯔﯕﯖﯗﯘﯙﯚﯛﯜﯝﯞ ﯟ ​

"Na panglmn ka so taalok rka, ko sabaad ko kagagawii, go tondogang ka siran sa talikhodan: Na oba adn a domingil rkano a isa bo, go taros kano sa sadn sa sogoan rkano."

آية رقم 66

ﯠﯡﯢﯣﯤﯥﯦﯧﯨ ﯩ ​

Na piyakitokawan Ami ron angkoto a khasowa, a mataan! a khathiphad so siran aya ko kapitai kiran.

آية رقم 67

ﯪﯫﯬﯭ ﯮ ​

Na miyakaoma so taw ko bandar a ingd a pkhababaya siran.

آية رقم 68

ﯯﯰﯱﯲﯳﯴ ﯵ ​

Pitharo (o Lot) a: "Mataan! a siran nai na khibobolos rakn: Na di ako niyo ndiyamana: "

آية رقم 69

ﯶﯷﯸﯹ ﯺ ​

"Go kalkn iyo so Allah, go di ako niyo phakaytoa."

آية رقم 70

ﯻﯼﯽﯾﯿ ﰀ ​

Pitharo iran a: "Ba ami rka da saparn, so (kapakabolosa ko) khi pananangga?"

آية رقم 71

ﭑﭒﭓﭔﭕﭖ ﭗ ​

Pitharo iyan: "Katii so manga wata akn a manga babay, (na pamangaroma kano ron) oba adn a pnggolawlaan iyo."

آية رقم 72

ﭘﭙﭚﭛﭜ ﭝ ​

Ibt ko kawyagoyag ka (ya Mohammad), ka mataan! a siran na matatago siran dn ko kabbrg iran a pphromparompak siran,

آية رقم 73

ﭞﭟﭠ ﭡ ​

Na miyadansal siran o lalis ko kiyasbangi kiran o alongan.

آية رقم 74

ﭢﭣﭤﭥﭦﭧﭨﭩ ﭪ ​

Na biyaloy Ami so liyawaw (o ingd iran) a didalm, go piyakawranan Ami siran sa ator a phoon ko lopa a kiyomba.

آية رقم 75

ﭫﭬﭭﭮﭯ ﭰ ​

Mataan! a adn a matatago roo man a titho a manga tanda a bagian o pphamangilay sa piratas.

آية رقم 76

ﭱﭲﭳ ﭴ ​

Go mataan aya! a titho a matatago ko lalan a da maawg.

آية رقم 77

ﭵﭶﭷﭸﭹ ﭺ ​

Mataan! a adn a matatago roo man a titho a tanda a bagian o miyamaratiyaya!

آية رقم 78

ﭻﭼﭽﭾﭿ ﮀ ​

Na mataan aya! a miyabaloy so manga taw sa Ayka (a pagtaw o Shoayb) a titho a manga darowaka;

آية رقم 79

ﮁﮂﮃﮄﮅ ﮆ ​

Na siniksa Ami siran. Na mataan! a giya dowaya (a ingd) na sabnar a matatago ko mala a lalan, a mapapayag.

آية رقم 80

ﮇﮈﮉﮊﮋ ﮌ ​

Na sabnsabnar a piyakambokhag o manga taw sa Hijr (a pagtaw o Salih) so manga sogo (o Allah):

آية رقم 81

ﮍﮎﮏﮐﮑ ﮒ ​

Go inibgay Ami kiran so manga tanda Ami, na tiyalikhodan iran skaniyan.

آية رقم 82

ﮓﮔﮕﮖﮗﮘ ﮙ ​

Go miyanonggirb siran ko manga palaw sa manga walay, a khisasarig siran.

آية رقم 83

ﮚﮛﮜ ﮝ ​

Na miyadansal siran o lalis ko kiyapitai kiran,

آية رقم 84

ﮞﮟﮠﮡﮢﮣ ﮤ ​

Na da kiran makalinding so pinggalbk iran!

آية رقم 85

ﮥﮦﮧﮨﮩﮪﮫﮬﮭﮮﮯﮰﮱﯓﯔﯕ ﯖ ​

Na da ko kiyaadna Mi ko manga langit, ago so lopa, go so nganin a pagltan a dowa nan, inonta na sii ko bnar. Na mataan! a so bangkit na phakatalingoma dn. Na dapayangka (kiran) sa kadapay a maliwanag.

آية رقم 86

ﯗﯘﯙﯚﯛ ﯜ ​

Mataan! a so Kadnan ka na Skaniyan so Pphangadn, a Matao.

آية رقم 87

ﯝﯞﯟﯠﯡﯢﯣ ﯤ ​

Na sabnsabnar a bigan Ami ska sa pito a manga ayat (a so Fatiha) a gii makhasokasoy, go so Qor´an a Sslaan.

آية رقم 88

ﯥﯦﯧﯨﯩﯪﯫﯬﯭﯮﯯﯰﯱﯲﯳ ﯴ ​

Ding ka phakaotnga so (kaylay o) dowa matang ka ko nganin a piyakisawitan Ami oto a pizoson, ko sabaad kiran, go ding ka siran pmbokoon: Go pakainayang ka so gowagowaing ka ko miyamaratiyaya.

آية رقم 89

ﯵﯶﯷﯸﯹ ﯺ ​

Go tharoang ka a: Mataan! a sakn so pphamakaiktiyar, a mapayag,

آية رقم 90

ﯻﯼﯽﯾ ﯿ ​

Lagid o initoron Ami ko mimbabagibagi,

آية رقم 91

ﭑﭒﭓﭔ ﭕ ​

Siran na biyaloy iran so Qor´an a di bo dn pira baad.

آية رقم 92

ﭖﭗﭘ ﭙ ​

Na ibt ko Kadnan ka, ka mataan! a iiza Ami kiran dn langon,

آية رقم 93

ﭚﭛﭜ ﭝ ​

So pinggolawla iran.

آية رقم 94

ﭞﭟﭠﭡﭢﭣ ﭤ ​

Na payagang ka so sogoan rka, go talikhoding ka so manga pananakoto;

آية رقم 95

ﭥﭦﭧ ﭨ ​

Mataan! a Skami na lininding Ami ska ko gii rka zosodi,

آية رقم 96

ﭩﭪﭫﭬﭭﭮﭯﭰﭱ ﭲ ​

A siran so pphangmbaal sa rimbang o Allah a tohan a salakaw: Na katokawan iran bo

آية رقم 97

ﭳﭴﭵﭶﭷﭸﭹ ﭺ ​

Na sabnsabnar a katawan Ami a mataan! a ska na ipnggagt a rarb ka so gi iran tharoon.

آية رقم 98

ﭻﭼﭽﭾﭿﮀ ﮁ ​

Na pthasbikn ka so podi ko Kadnan ka, go pangpd ka ko pphamanojiod;

آية رقم 99

ﮂﮃﮄﮅﮆ ﮇ ​

Go zoasoatang ka so Kadnan ka taman sa kapakatalingoma rka o kapatay.