ترجمة معاني سورة النجم باللغة ماراناو من كتاب Maranao - Maranao translation

آية رقم 1

ﭑﭒﭓ ﭔ ​

Ibt ko bitoon igira a minigaib,

آية رقم 2

ﭕﭖﭗﭘﭙ ﭚ ​

Ka da makasilay so (Mohammad a) pd iyo, go da maribat,

آية رقم 3

ﭛﭜﭝﭞ ﭟ ​

Go di ptharo sa phoon sa kabaya iyan;

آية رقم 4

ﭠﭡﭢﭣﭤ ﭥ ​

Da ko skaniyan inonta na ilaham a iphagilaham on:

آية رقم 5

ﭦﭧﭨ ﭩ ​

Inindao rkaniyan (o Jibril a) tanto a mabagr,

آية رقم 6

ﭪﭫﭬ ﭭ ​

A miyakabagbagr; na mimbatang,

آية رقم 7

ﭮﭯﭰ ﭱ ​

A skaniyan na sii ko sindadan o kaylay a maporo.

آية رقم 8

ﭲﭳﭴ ﭵ ​

Oriyan iyan na miyakarani (so Jibril ko Mohammad), go domiyazg,

آية رقم 9

ﭶﭷﭸﭹﭺ ﭻ ​

Na miyabaloy a lagid o dowa poro o bosogan (a pana), odi na lawan on sa kadasg;

آية رقم 10

ﭼﭽﭾﭿﮀ ﮁ ​

Na iniilaham Iyan ko oripn o Allah so iniilaham Iyan.

آية رقم 11

ﮂﮃﮄﮅﮆ ﮇ ​

Da zangka so poso (o Mohammad) ko miyailay niyan.

آية رقم 12

ﮈﮉﮊﮋ ﮌ ​

Ino niyo pphamawala skaniyan ko miyailay niyan?

آية رقم 13

ﮍﮎﮏﮐ ﮑ ​

A sabnsabnar a miyailay niyan so Jibril ko miyakaysa a salakaw,

آية رقم 14

ﮒﮓﮔ ﮕ ​

Sii ko Sidratil Montaha (a giyoto so kayo a pmbthowan sa nabk a matatago ko ika pito lapis a langit)

آية رقم 15

ﮖﮗﮘ ﮙ ​

Mipagoobay skaniyan o sorga a Jannatol Ma´wa!

آية رقم 16

ﮚﮛﮜﮝﮞ ﮟ ​

Gowani a pkhikolob ko Sidrat (El Montaha) so pkhikolob (a pakammsa),

آية رقم 17

ﮠﮡﮢﮣﮤ ﮥ ​

Na da mapaling so kaylay (o Mohammad) go da makalpas!

آية رقم 18

ﮦﮧﮨﮩﮪﮫ ﮬ ​

Sabnsabnar a miyakaylay, ko manga tanda o Kadnan iyan, a lbi a mala!

آية رقم 19

ﮭﮮﮯ ﮰ ​

Ay gda iyo ko (barahala) Lat, go so Ozza,

آية رقم 20

ﮱﯓﯔ ﯕ ​

Go so Manat, a so ika tlo, a salakaw (ba adn a khagaga iran)?

آية رقم 21

ﯖﯗﯘﯙ ﯚ ​

Ati rk iyo so mama, na rk Iyan so babay?

آية رقم 22

ﯛﯜﯝﯞ ﯟ ​

Giyoto man na samawto na kambagibagi a kazoramig!

آية رقم 23

ﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺ ﯻ ​

Da ko skaniyan inonta na manga ngaran a inipamtho niyo skaniyan, - skano go so manga loks iyo - a da a initoron on o Allah a katantowan. Da a phagonotan iran a rowar ko arangan, go so kabaya o manga ginawa! Na sabnsabnar a miyakaoma kiran a phoon ko Kadnan iran so toroan!

آية رقم 24

ﯼﯽﯾﯿ ﰀ ​

Ba khakowa o manosiya so nganin a ongaya iyan?

آية رقم 25

ﰁﰂﰃ ﰄ ​

Na rk o Allah so khawri, ago so khawna.

آية رقم 26

ﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕﰖﰗ ﰘ ​

Na madakl a malaikat ko manga langit, na da a khibgay a gona o pangongogopan iran a mayto bo inonta ko oriyan o kaidin o Allah sii ko taw a kabaya Iyan go masosoat on.

آية رقم 27

ﭑﭒﭓﭔﭕﭖﭗﭘﭙ ﭚ ​

Mataan! a so di iran paparatiyayaan so akhirat, na sabnar a pmbthowan iran so manga malaikat sa ngaran, a babay.

آية رقم 28

ﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬ ﭭ ​

A da a rk iran on a katao; da a phagonotan iran a rowar ko arangan; na mataan! a so arangan na di phakanggay a gona ko bnar sa mayto bo.

آية رقم 29

ﭮﭯﭰﭱﭲﭳﭴﭵﭶﭷﭸ ﭹ ​

Na talikhoding ka so taw a tiyalikhodan iyan so pananadm Ami, go da a kabaya iyan a rowar ko kawyagoyag ko doniya.

آية رقم 30

ﭺﭻﭼﭽﭾﭿﮀﮁﮂﮃﮄﮅﮆﮇﮈﮉﮊ ﮋ ​

Giyoto man i riyaot iran a katao. Mataan! a so Kadnan ka na Skaniyan i Matao ko taw a sominilay phoon ko lalan Iyan, go Skaniyan i Matao ko taw a komidg ko ontol.

آية رقم 31

ﮌﮍﮎﮏﮐﮑﮒﮓﮔﮕﮖﮗﮘﮙﮚﮛ ﮜ ​

Na rk o Allah so zisii ko manga langit go so zisii ko lopa: ka an iyan mibalas ko siran a minggolawla sa marata, so pinggolawla iran, go an iyan mibalas ko siran a miphipiyapiya so mapiya.

آية رقم 32

ﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠ ﯡ ​

Siran na panananggilaan iran so manga ala a dosa, go so manga pakasisingay, inonta so maroni a dosa, - mataan! a so Kadnan ka na mawlad i napi. Skaniyan i lbi a Matao rkano, gowani a adnn kano Niyan a phoon ko lopa, go gowani a skano na manga bodi ko manga tiyan o manga ina iyo. Na di niyo pmbantogann i kasosoti o manga ginawa niyo: Skaniyan i lbi a Matao ko taw a miyananggila.

آية رقم 33

ﯢﯣﯤ ﯥ ​

Ay gda a ka ko skaniyan a tomiyalikhod,

آية رقم 34

ﯦﯧﯨ ﯩ ​

Go migay sa mayto, na tiphd iyan bo?

آية رقم 35

ﯪﯫﯬﯭﯮ ﯯ ​

Ba zisii rkaniyan so katawi ko migagaib, na skaniyan na pkhaylay niyan?

آية رقم 36

ﯰﯱﯲﯳﯴﯵﯶ ﯷ ​

Ba on da mapanothol so zisii ko manga kitab o Mosa,

آية رقم 37

ﯸﯹﯺ ﯻ ​

Go so Ibrahim a so tomiyarotop:

آية رقم 38

ﯼﯽﯾﯿﰀ ﰁ ​

A di khaawidan o baradosa so dosa o salakaw,

آية رقم 39

ﰂﰃﰄﰅﰆﰇ ﰈ ​

Go da a khatangkd ko manosiya inonta so miyanggalbk iyan,

آية رقم 40

ﰉﰊﰋﰌ ﰍ ​

Go mataan! a so galbk iyan na khaylay dn,

آية رقم 41

ﰎﰏﰐﰑ ﰒ ​

Oriyan iyan na khabalasan on sa balas a tarotop;

آية رقم 42

ﰓﰔﰕﰖ ﰗ ​

Na mataan! a sii bo ko Kadnan ka so khadansalan;

آية رقم 43

ﰘﰙﰚﰛ ﰜ ​

Go mataan! a Skaniyan na Skaniyan so pzabap ko kapakakhala, go so kapakasgad,

آية رقم 44

ﰝﰞﰟﰠ ﰡ ​

Go mataan! a Skaniyan na Skaniyan so miyangimatay, go miyangoyag,

آية رقم 45

ﭑﭒﭓﭔﭕ ﭖ ​

Go mataan! a Skaniyan i miyadn ko ngganapa: mama, go babay, -

آية رقم 46

ﭗﭘﭙﭚ ﭛ ​

Phoon sa mani igira a pkhipantos;

آية رقم 47

ﭜﭝﭞﭟ ﭠ ​

Go mataan! a matatangkd Rkaniyan so kaphangadn pharoman (ko alongan a qiyamah);

آية رقم 48

ﭡﭢﭣﭤ ﭥ ​

Go mataan! a Skaniyan na Skaniyan i pphamgay sa kakawasaan, go pmbgay sa kamiskin;

آية رقم 49

ﭦﭧﭨﭩ ﭪ ​

Go mataan! a Skaniyan na Skaniyan i Kadnan o bitoon a Sha´rah;

آية رقم 50

ﭫﭬﭭﭮ ﭯ ​

Go mataan! a Skaniyan i mininasa ko pagtaw a Ad a paganay,

آية رقم 51

ﭰﭱﭲ ﭳ ​

Go so pagtaw a Samod, na da a liyamba Iyan (kiran),

آية رقم 52

ﭴﭵﭶﭷﭸﭹﭺﭻﭼﭽ ﭾ ​

Go so pagtaw o Noh gowani. Mataan! a siran na miyabaloy siran a siran i lbi a darowaka, go lbi a malawani;

آية رقم 53

ﭿﮀ ﮁ ​

Go giya ingd a Mo´tafika a piyozang Iyan,

آية رقم 54

ﮂﮃﮄ ﮅ ​

Na inikolob Iyan on so inikolob Iyan (a siksa).

آية رقم 55

ﮆﮇﮈﮉ ﮊ ​

Na anda ko manga limo o Kadnan ka i zangkaan ka?

آية رقم 56

ﮋﮌﮍﮎﮏ ﮐ ​

(So Mohammad) Giyaya na pphamakaiktiyar, a pd ko pphamakaiktiyar a paganay!

آية رقم 57

ﮑﮒ ﮓ ​

Miyakarani so pakatatalingomaan (a bangkit):

آية رقم 58

ﮔﮕﮖﮗﮘﮙ ﮚ ​

Daa salakaw ko Allah a phakapayag on.

آية رقم 59

ﮛﮜﮝﮞ ﮟ ​

Antonaa i sabap a giya ungkai a tothol (a Qor´an) na ipphammsa niyo?

آية رقم 60

ﮠﮡﮢ ﮣ ​

Go gii kano khakala a dikano phaman´gad,

آية رقم 61

ﮤﮥ ﮦ ​

Go skano na khikattmbang kano?

آية رقم 62

ﮧﮨﮩﮪ ﮫ ​

Na sojiod kano ko Allah go zoasoata niyo!