ترجمة معاني سورة القلم باللغة السواحلية من كتاب Ali Muhsin Al - Swahili translation

آية رقم 1

ﮉﮊﮋﮌﮍ ﮎ ​

Al-Kalam

Nuun. Naapa kwa kalamu na yale wayaandikayo,

آية رقم 2

ﮏﮐﮑﮒﮓ ﮔ ​

Kwa neema ya Mola wako Mlezi wewe si mwendawazimu.

آية رقم 3

ﮕﮖﮗﮘﮙ ﮚ ​

Na kwa hakika wewe una malipo yasiyo katika.

آية رقم 4

ﮛﮜﮝﮞ ﮟ ​

Na hakika wewe una tabia tukufu.

آية رقم 5

ﮠﮡ ﮢ ​

Karibu utaona, na wao wataona,

آية رقم 6

ﮣﮤ ﮥ ​

Ni nani kati yenu aliye pandwa na wazimu.

آية رقم 7

ﮦﮧﮨﮩﮪﮫﮬﮭﮮﮯﮰ ﮱ ​

Hakika Mola wako Mlezi ndiye Yeye ajuaye zaidi nani aliye ipotea Njia yake, na Yeye ndiye anaye wajua zaidi walio ongoka.

آية رقم 8

ﯓﯔﯕ ﯖ ​

Basi usiwat'ii wanao kadhibisha.

آية رقم 9

ﯗﯘﯙﯚ ﯛ ​

Wanatamani lau unge lainisha ili nao wakulainishie.

آية رقم 10

ﯜﯝﯞﯟﯠ ﯡ ​

Wala usimt'ii kila mwingi wa kuapa wa kudharauliwa,

آية رقم 11

ﯢﯣﯤ ﯥ ​

Mtapitapi, apitaye akifitini,

آية رقم 12

ﯦﯧﯨﯩ ﯪ ​

Mwenye kuzuia kheri, dhaalimu, mwingi wa madhambi,

آية رقم 13

ﯫﯬﯭﯮ ﯯ ​

Mkavu, na juu ya hayo, mshari, amejipachika tu.

آية رقم 14

ﯰﯱﯲﯳﯴ ﯵ ​

Ati kwa kuwa ana mali na watoto!

آية رقم 15

ﯶﯷﯸﯹﯺﯻﯼ ﯽ ​

Anapo somewa Aya zetu, husema: Hizi ni simulizi za uwongo za watu wa zamani!

آية رقم 16

ﯾﯿﰀ ﰁ ​

Tutamtia kovu juu ya pua yake.

آية رقم 17

ﭑﭒﭓﭔﭕﭖﭗﭘﭙﭚ ﭛ ​

Hakika tumewajaribu hawa kama tulivyo wajaribu wale wenye shamba, walipo apa kwamba watayavuna mazao yake itakapo kuwa asubuhi.

آية رقم 18

ﭜﭝ ﭞ ​

Wala hawakusema: Mungu akipenda!

آية رقم 19

ﭟﭠﭡﭢﭣﭤﭥ ﭦ ​

Basi lilitokea tukio juu yake kutoka kwa Mola wako Mlezi, nao wamelala!

آية رقم 20

ﭧﭨ ﭩ ​

Likawa kama usiku wa giza.

آية رقم 21

ﭪﭫ ﭬ ​

Asubuhi wakaitana.

آية رقم 22

ﭭﭮﭯﭰﭱﭲﭳ ﭴ ​

Ya kwamba nendeni kondeni mwenu ikiwa mnataka kuvuna.

آية رقم 23

ﭵﭶﭷ ﭸ ​

Basi walikwenda na huku wakinong'onezana,

آية رقم 24

ﭹﭺﭻﭼﭽﭾ ﭿ ​

Ya kuwa leo hata masikini mmoja asikuingilieni.

آية رقم 25

ﮀﮁﮂﮃ ﮄ ​

Na walikwenda asubuhi, nao wameshikilia azimio hilo.

آية رقم 26

ﮅﮆﮇﮈﮉ ﮊ ​

Basi walipo liona, wakasema: Hakika tumepotea!

آية رقم 27

ﮋﮌﮍ ﮎ ​

Bali tumenyimwa!

آية رقم 28

ﮏﮐﮑﮒﮓﮔﮕ ﮖ ​

Mbora wao akasema: Sikukwambieni, kwa nini hamumtakasi Mwenyezi Mungu?

آية رقم 29

ﮗﮘﮙﮚﮛﮜ ﮝ ​

Wakasema: Ametakasika Mola wetu Mlezi! Hakika sisi tulikuwa wenye kudhulumu.

آية رقم 30

ﮞﮟﮠﮡﮢ ﮣ ​

Basi wakakabiliana kulaumiana wao kwa wao.

آية رقم 31

ﮤﮥﮦﮧﮨ ﮩ ​

Wakasema: Ole wetu! Tulikuwa tumeikiuka mipaka!

آية رقم 32

ﮪﮫﮬﮭﮮﮯﮰﮱﯓﯔ ﯕ ​

Asaa Mola wetu Mlezi akatubadilishia lilio bora kuliko hili. Hakika sisi ni wenye kurejea kwa Mola wetu Mlezi.

آية رقم 33

ﯖﯗﯘﯙﯚﯛﯜﯝﯞﯟ ﯠ ​

Namna hivi yanakuwa mateso, na bila ya shaka mateso ya Akhera ni makubwa zaidi, laiti wangeli jua!

آية رقم 34

ﯡﯢﯣﯤﯥﯦ ﯧ ​

Hakika wachamngu watakuwa na Bustani za neema kwa Mola wao Mlezi.

آية رقم 35

ﯨﯩﯪ ﯫ ​

Kwani tutawafanya Waislamu kama wakosefu?

آية رقم 36

ﯬﯭﯮﯯ ﯰ ​

Mna nini? Mnahukumu vipi?

آية رقم 37

ﯱﯲﯳﯴﯵ ﯶ ​

Au mnacho kitabu ambacho ndani yake mnasoma?

آية رقم 38

ﯷﯸﯹﯺﯻ ﯼ ​

Kuwa mtapata humo mnayo yapenda?

آية رقم 39

ﯽﯾﯿﰀﰁﰂﰃﰄﰅﰆﰇﰈ ﰉ ​

Au mnazo ahadi za viapo juu yetu za kufika Siku ya Kiyama ya kuwa hakika mtapata kila mnayo jihukumia?

آية رقم 40

ﰊﰋﰌﰍ ﰎ ​

Waulize: Ni nani miongoni mwao dhamini wa haya?

آية رقم 41

ﰏﰐﰑﰒﰓﰔﰕﰖ ﰗ ​

Au wanao washirika? Basi wawalete washirika wao wakiwa wanasema kweli.

آية رقم 42

ﰘﰙﰚﰛﰜﰝﰞﰟﰠ ﰡ ​

Siku utakapo wekwa wazi mundi, na wataitwa kusujudu, lakini hawataweza,

آية رقم 43

ﭑﭒﭓﭔﭕﭖﭗﭘﭙﭚﭛﭜ ﭝ ​

Macho yao yatainama chini, fedheha itawafunika. Na hakika walikuwa wakiitwa wasujudu walipo kuwa wazima -

آية رقم 44

ﭞﭟﭠﭡﭢﭣﭤﭥﭦﭧﭨ ﭩ ​

Basi niache na wanao kadhibisha maneno haya! Tutawavutia kidogo kidogo kwa mahali wasipo pajua.

آية رقم 45

ﭪﭫﭬﭭﭮﭯ ﭰ ​

Na ninawapururia muhula; hakika hila zangu ni imara.

آية رقم 46

ﭱﭲﭳﭴﭵﭶﭷ ﭸ ​

Au unawaomba ujira, na wao wanaemewa na gharama hiyo?

آية رقم 47

ﭹﭺﭻﭼﭽ ﭾ ​

Au iko kwao siri, basi wao wanaiandika?

آية رقم 48

ﭿﮀﮁﮂﮃﮄﮅﮆﮇﮈﮉ ﮊ ​

Basi ingojee hukumu ya Mola wako Mlezi, wala usiwe kama mmezwa na samaki, alipo nadi naye kazongwa.

آية رقم 49

ﮋﮌﮍﮎﮏﮐﮑﮒﮓﮔ ﮕ ​

Kama isingeli mfikia neema kutoka kwa Mola wake Mlezi, bila ya shaka angeli tupwa ufukweni naye ni mwenye kulaumiwa.

آية رقم 50

ﮖﮗﮘﮙﮚ ﮛ ​

Lakini Mola wake Mlezi alimteua na akamfanya miongoni mwa watu wema.

آية رقم 51

ﮜﮝﮞﮟﮠﮡﮢﮣﮤﮥﮦﮧ ﮨ ​

Na walio kufuru hukaribia kukutelezesha kwa macho yao, wanapo sikia mawaidha, na wanasema: Hakika yeye ni mwendawazimu.

آية رقم 52

ﮩﮪﮫﮬﮭ ﮮ ​

Na hayakuwa haya, ila ni ukumbusho kwa walimwengu wote.