ترجمة معاني سورة الواقعة باللغة الأوزبكية من كتاب الترجمة الأوزبكية - علاء الدين منصور

آية رقم 1

ﮃﮄﮅ ﮆ ​

1. Қачон Воқеа — Қиёмат воқеъ бўлса,
____________________
И з о ҳ. Яъни, аниқ тушгувчи бўлган Қиёмат соати келганида, ҳаёти дунёда Аллоҳ таоло шаънига ёлғон тўқиб юрган кимсалардан биронтаси ёлғон сўзлай олмай қолади.

آية رقم 2

ﮇﮈﮉ ﮊ ​

2. У воқеъ бўлган чоғда бирон ёлғон сўзлагувчи бўлмас.

آية رقم 3

ﮋﮌ ﮍ ​

3. (Қиёмат кофирларни дўзахга дучор этиш билан) паст қилгувчи, (мўминларни эса жаннатга киритиш билан) баланд қилгувчидир.
____________________
И з о ҳ. Яъни, бу дунёда нафслари истаган хирсу ҳавасларга муккадан кетиб, мол-давлат ва салтанатлари билан ҳаволаниб юрган динсиз-иймонсиз кимсаларни Қиёматда энг тубан дўзахга ташлаш билан паст қилиб қўяр, аммо бу ҳаёти дунёда мудом рўй бериб турадиган зулму ситам ва ҳақсизлик азобидан эзилиб юрсалар-да, ўз иймон-эътиқодларида устивор бўлган мўмин-мусулмонларни эса жаннатлардаги баланд мақомларга кўтарур.

آية رقم 4

ﮎﮏﮐﮑ ﮒ ​

4. (У кунда) Ер (қаттиқ) ларзага келди;

آية رقم 5

ﮓﮔﮕ ﮖ ​

5. Тоғлар титилди;

آية رقم 6

ﮗﮘﮙ ﮚ ​

6. Ва чанг-тўзонга айланди.

آية رقم 7

ﮛﮜﮝ ﮞ ​

7. Ва сизлар уч синф-тоифа бўлиб қолдингизлар.

آية رقم 8

ﮟﮠﮡﮢﮣ ﮤ ​

8. Бас, (у уч тоифадан биринчиси) ўнг томон эгаларидир. Ўнг томон эгалари (бўлмоқ) не (саодат)дир!
____________________
И з о ҳ. Ўнг томон эгалари ҳаёти дунёдан иймон-эътиқод билан ўтганлари сабабли Қиёмат Кунида номаи-аъмоллари ўнг томонларидан берилиб, жаннат неъматларига сазовор бўлган саодатманд кишилардир. Чап томон эгалари эса ҳаёти дунёдан куфру исён билан ўтганлари сабабли Қиёмат Кунида номаи-аъмоллари чап томонларидан берилиб, дўзахга гирифтор бўлган бадбахт кимсалардир.

آية رقم 9

ﮥﮦﮧﮨﮩ ﮪ ​

9. (Иккинчи тоифа) шум-чап томон эгаларидир. Шум-чап томон эгалари (бўлмоқ) не (бахтсизлик)дир!

آية رقم 10

ﮫﮬ ﮭ ​

10. (Учинчи тоифа бўлмиш барча яхши амалларга) пешқадам бўлгувчи зотлар (жаннат неъматларига эришишида ҳам) пешқадам бўлгувчи зотлардир!

آية رقم 11

ﮮﮯ ﮰ ​

11. Ана ўшалар (Аллоҳ таолога) яқин қилингувчилардир.

آية رقم 12

ﮱﯓﯔ ﯕ ​

12. (Улар) ноз-неъмат боғларидадирлар.

آية رقم 13

ﯖﯗﯘ ﯙ ​

13. (У пешқадамлар) аввалги (уммат)лардан кўпчилик,

آية رقم 14

ﯚﯛﯜ ﯝ ​

14. кейингилардан (яъни, Муҳаммад алайҳис-салоту вас-салом умматларидан) эса оздир.
____________________
И з о ҳ. Яъни, Одам алайҳиссаломдан тортиб, то Муҳаммад алайҳис-салоту вас-саломгача, ўтган барча пайғамбарларга иймон келтирган ва уларнинг ёнларида туриб Аллоҳ таоло буюрган динга даъват қилишда ёрдамчи бўлган аввалги умматлар орасидаги пешқадам зотларнинг саноқларига нисбатан Муҳаммад алайҳис-салоту вас-салом умматлари ўртасидаги пешқадам зотларнинг сонлари оздир.

آية رقم 15

ﯞﯟﯠ ﯡ ​

15. (Улар олтиндан) тўқилган сўриларда

آية رقم 16

ﯢﯣﯤ ﯥ ​

16. ястанган ҳолларида бир-бирларига рўбарў бўлиб (ўлтирурлар).

آية رقم 17

ﭑﭒﭓﭔ ﭕ ​

17. Устларида эса мангу ёш (яъни, ҳеч қаримайдиган) болалар (қадаҳларни) айлантириб турурлар.

آية رقم 18

ﭖﭗﭘﭙﭚ ﭛ ​

18. Оқар чашмадан (майли) қадаҳларни, кўзаларни ва косаларни (айлантириб турурлар).

آية رقم 19

ﭜﭝﭞﭟﭠ ﭡ ​

19. У (май)лардан уларнинг бошлари ҳам оғримас, маст ҳам бўлмаслар.

آية رقم 20

ﭢﭣﭤ ﭥ ​

20. Яна ўзлари танлаб оладиган мева-чева;

آية رقم 21

ﭦﭧﭨﭩ ﭪ ​

21. Ҳамда иштаҳалари тортган қуш гўштлари ҳам (айлантириб турилур).

آية رقم 22

ﭫﭬ ﭭ ​

22. Яна (улар учун) оҳу кўз ҳурлар бордир.

آية رقم 23

ﭮﭯﭰ ﭱ ​

23. Худди яшириб қўйилган марварид мисол (оҳу кўз ҳурлар бордир).

آية رقم 24

ﭲﭳﭴﭵ ﭶ ​

24. (Бу) улар (ҳаёти дунёда) қилиб ўтган амалларининг мукофотидир.

آية رقم 25

ﭷﭸﭹﭺﭻﭼ ﭽ ​

25. Улар у жойда бирон беҳуда ва гуноҳ-ёлғон (сўз)ни эшитмаслар,

آية رقم 26

ﭾﭿﮀﮁ ﮂ ​

26. фақат «Салом-салом», дейилганинигина (эшитурлар).

آية رقم 27

ﮃﮄﮅﮆﮇ ﮈ ​

27. Ўнг томон эгалари... Ўнг томон эгалари (бўлмоқ) не (саодат)дир!

آية رقم 28

ﮉﮊﮋ ﮌ ​

28. (Улар) тикансиз бутазорларда.

آية رقم 29

ﮍﮎ ﮏ ​

29. Тизилган бананзорларда.

آية رقم 30

ﮐﮑ ﮒ ​

30. Ёйилган соя (ости)да.

آية رقم 31

ﮓﮔ ﮕ ​

31. Оқизиб қўйилган сув (усти)да.

آية رقم 32

ﮖﮗ ﮘ ​

32. Кўпдан-кўп (турли туман) мева-чева (ости)да.

آية رقم 33

ﮙﮚﮛﮜ ﮝ ​

33. (У мевалар) тугаб қолмайди ва манъ ҳам этилмайди.

آية رقم 34

ﮞﮟ ﮠ ​

34. Баланд кўтарилган кўрпачалар (усти)дадирлар.

آية رقم 35

ﮡﮢﮣ ﮤ ​

35. Дарвоқеъ, Биз уларни (оху кўз ҳурларни) дафъатан пайдо қилдик (яъни, улар онадан туғилмадилар, балки Аллоҳнинг қудрати билан дафъатан пайдо бўлдилар).

آية رقم 36

ﮥﮦ ﮧ ​

36. Сўнг (уларни ўнг томон эгалари учун) бокира қизлар қилиб қўйдик.

آية رقم 37

ﮨﮩ ﮪ ​

37. (Улар ёшда ҳам, ҳусну жамол ва қадду қоматда ҳам) бири-бирига тенг, эҳтиросли (ҳурлардир).

آية رقم 38

ﮫﮬ ﮭ ​

38. (Уларни) ўнг томон эгалари учун (қилдик).

آية رقم 39

ﮮﮯﮰ ﮱ ​

39. (Ўнг томон эгалари бўлмиш саодатманд кишилар) аввалги (уммат)лардан ҳам кўпчилик,

آية رقم 40

ﯓﯔﯕ ﯖ ​

40. кейингилардан (яъни, Муҳаммад алайҳис-салоту вас-салом умматларидан) ҳам кўпчилиқдир.

آية رقم 41

ﯗﯘﯙﯚﯛ ﯜ ​

41. Чап томон эгалари... Чап томон эгалари (бўлмоқ) не (бахтсизлик)дир!

آية رقم 42

ﯝﯞﯟ ﯠ ​

42. (Улар дўзахдан тинимсиз эсиб турадиган, баданларни илма-тешик қилиб юборувчи) Самум (шамоли) ва қайноқ сув ичида;

آية رقم 43

ﯡﯢﯣ ﯤ ​

43. Bа қора тутундан иборат «соя» (ости)дадирлар.

آية رقم 44

ﯥﯦﯧﯨ ﯩ ​

44. (У «соя») на салқин, на фойдалидир.

آية رقم 45

ﯪﯫﯬﯭﯮ ﯯ ​

45. Дарвоқеъ, улар бундан илгари (яъни, ҳаёти дунёда хирсу ҳавасга муккадан кетган) боёнлар эдилар.

آية رقم 46

ﯰﯱﯲﯳﯴ ﯵ ​

46. Улар улуғ гуноҳ (яъни, ширк) устида оёқ тираб турар эдилар.

آية رقم 47

ﯶﯷﯸﯹﯺﯻﯼﯽﯾ ﯿ ​

47. Ва: «Бизлар ўлиб, тупроқ ва суякларга айлангач, ростдан ҳам қайта тирилгувчимизми,

آية رقم 48

ﰀﰁ ﰂ ​

48. аввалги ота-боболаримиз ҳам-а?!», деб (масхара қилар) эдилар.

آية رقم 49

ﰃﰄﰅﰆ ﰇ ​

49. (Эй Муҳаммад алайҳис-салоту вас-салом, сиз уларга) айтинг: «Албатта аввалгилар ҳам, кейингилар ҳам

آية رقم 50

ﰈﰉﰊﰋﰌ ﰍ ​

50. Маълум Кундаги белгиланган вақтга шак-шубҳасиз, тўплангувчидирлар.

آية رقم 51

ﭑﭒﭓﭔﭕ ﭖ ​

51. Сўнгра албатта сизлар, эй (қайта тирилишни) ёлғон дегувчи гумроҳлар,

آية رقم 52

ﭗﭘﭙﭚﭛ ﭜ ​

52. Шак-шубҳасиз, (жаҳаннамнинг ўртасида ўсадиган) Заққум дарахтидан егувчи

آية رقم 53

ﭝﭞﭟ ﭠ ​

53. — ундан қоринларингизни тўлдиргувчидирсизлар.

آية رقم 54

ﭡﭢﭣﭤ ﭥ ​

54. Сўнг унинг устига қайноқ сувдан ичгувчи, (ичганда ҳам)

آية رقم 55

ﭦﭧﭨ ﭩ ​

55. — Ташна-тўймас туялар каби ичгувчидирсизлар!

آية رقم 56

ﭪﭫﭬﭭ ﭮ ​

56. Мана шу уларнинг жазо (Қиёмат) Кунидаги «зиёфатларидир»!

آية رقم 57

ﭯﭰﭱﭲ ﭳ ​

57. (Эй инсонлар), сизларни Биз Ўзимиз яратдик-ку! Энди сизлар (Охиратда яна қайта яратишга қодир эканлигимизни) тасдиқ этмайсизларми?!
____________________
И з о ҳ. Яъни, йўқдан бор қилишга қодир бўлган Зот қайта яратишга ҳам шак-шубҳасиз, қодирдир. Энди қуйидаги оятларда Аллоҳ таоло Ўзининг қайта яратишга қодир эканлигига тўрт нарсани, яъни инсонни яратганини, наботот (экин-ўсимликлар)ни яратганини, сувни яратганини ва ўт-оловни яратганини далил қилиб келтиради.

آية رقم 58

ﭴﭵﭶ ﭷ ​

58. Сизлар (хотинларингизнинг бачадонига) тўкадиган маний-уруғ ҳақида ҳеч ўйлаб кўрдингларми?

آية رقم 59

ﭸﭹﭺﭻﭼ ﭽ ​

59. Уни сизлар (комил инсон қилиб) яратурмисизлар ёки Биз яратгувчимизми?!
____________________
И з о ҳ. Дарҳақиқат, бу инсон кўз ўнгида доимо такрорланиб турганлиги сабабли эътибор берилмайдиган буюк бир мўъжизадир: наҳотки киши баданидан ажралиб чиқиб турадиган тер, кўз ёши каби бўлган бир томчи сувдан — манийдан — озгина муддат ўтгач, ўз-ўзидан эркак ё аёл жинсига мансуб, эшитгувчи, кўргувчи бир инсон пайдо бўлиб қолса. Тасаввур ҳам қилиб бўлмайдиган бу иш қандай содир бўлди? Ахир бу инсон ўзининг суяклари, гўшти ва териси билан томирлари-ю, тук ва тирноқлари билан ҳамда фақат ўзигагина хос бўлган хулқи-табиати билан қаерга яшириниб олган эди?! Қайси бир доно одам бир томчи сув ўз-ўзидан мана шундай инсонга айланган дея олади? Ҳеч ким! Чунки маний она бачадонига тушиши биланоқ эр-хотиннинг иш-амали битган: улар ўша бир томчи сувдан ҳомила пайдо бўладими-йўқми билишга қодир эмаслар, энди бу ёғи ёлғиз Яратганнинг хоҳишига ҳавола. Агар У зот хоҳласа, Ўз қудрати билан бир хил ҳужайрадан иборат бўлган ўша манийдан инсоннинг жамийки аъзоларининг ҳар бири ўзига хос бўлган минг-минглаб ҳужайраларини пайдо қилади ва ҳар бир аъзонинг ҳужайрасига ўз вазифасини пайдо қилади ва унга жон киритади... Дарҳақиқат, бу илоҳий мўъжизада ақл юритгувчи кишилар учун етарли ибрат бордир.

آية رقم 60

ﭾﭿﮀﮁﮂﮃﮄ ﮅ ​

60. Сизларнинг ўртангиздаги ўлимни ҳам Биз белгилаб қўйгандирмиз (яъни, сизларга ҳаётни ҳам, ўлимни ҳам Биз берурмиз) ва Биз ожиз эмасдирмиз.

آية رقم 61

ﮆﮇﮈﮉﮊﮋﮌﮍﮎ ﮏ ​

61. (Сизларни вафот топдириб, ўрнингларга) сизларга ўхшаганларни алмаштириб қўйишга ҳамда сизларни ўзларингиз билмайдиган ҳолат-суратда қайта пайдо қилишга ҳам (ожиз эмасдирмиз).

آية رقم 62

ﮐﮑﮒﮓﮔﮕ ﮖ ​

62. Дарвоқеъ, сизлар дастлабки пайдо бўлишларингиз (қандай бўлгани)ни билдинглар-ку! Бас, эслатма-ибрат олмайсизларми?!

آية رقم 63

ﮗﮘﮙ ﮚ ​

63. Сизлар экаётган зироатларингиз ҳақида ҳеч ўйлаб кўрдингларми?

آية رقم 64

ﮛﮜﮝﮞﮟ ﮠ ​

64. Уни сизлар ундириб-ўстирурмисизлар ёки Биз ундиргувчимизми?!

آية رقم 65

ﮡﮢﮣﮤﮥﮦ ﮧ ​

65. Агар Биз хоҳласак, албатта уни қуруқ чўп қилиб қўйган бўлур эдик, бас, сизлар ажабланган ҳолларингизда:

آية رقم 66

ﮨﮩ ﮪ ​

66. «Шак-шубҳасиз, бизлар зиён кўргувчилармиз.

آية رقم 67

ﮫﮬﮭ ﮮ ​

67. Йўқ, бизлар (барча ризқу рўздан) маҳрум бўлгувчилармиз», (деб надомат қилиб қолган бўлур эдингазлар).

آية رقم 68

ﮯﮰﮱﯓ ﯔ ​

68. Сизлар ўзларингиз ичадиган сув ҳақида ҳеч ўйлаб кўрдингларми?

آية رقم 69

ﯕﯖﯗﯘﯙﯚﯛ ﯜ ​

69. Уни булутлардан сизлар ёғдирдингларми ёки Биз ёғдиргувчимизми?!

آية رقم 70

ﯝﯞﯟﯠﯡﯢ ﯣ ​

70. Агар Биз хоҳласак, уни шўр қилиб қўйган бўлур эдик. Бас, шукр қилмайсизларми?!

آية رقم 71

ﯤﯥﯦﯧ ﯨ ​

71. Сизлар ёқадиган ўт-олов ҳақида ҳеч ўйлаб кўрдингларми?

آية رقم 72

ﯩﯪﯫﯬﯭﯮ ﯯ ​

72. Унинг дарахтини сизлар пайдо қилдингларми ёки Биз пайдо қилгувчимизми?!

آية رقم 73

ﯰﯱﯲﯳﯴ ﯵ ​

73. Биз уни (жаҳаннам ўтидан) бир эслатма ва (саҳроларда юрадиган) мусофир-йўловчилар учун фойдаланадиган нарса қилиб қўйдик.

آية رقم 74

ﯶﯷﯸﯹ ﯺ ​

74. Бас, (эй Муҳаммад алайҳис-салоту вас-салом), улуғ Парвардигорингизнинг номини (ҳар қандай айб-нуқсондан) поклаб-тасбеҳ айтинг!

آية رقم 75

ﯻﯼﯽﯾﯿ ﰀ ​

75. Мен юлдузларнинг ботар жойларига қасам ичурманки,

آية رقم 76

ﰁﰂﰃﰄﰅ ﰆ ​

76. — Ҳолбуки, бу (қасам) агар билсангизлар, шак-шубҳасиз, улуғ-катта қасамдир,

آية رقم 77

ﭑﭒﭓ ﭔ ​

77. — албатта у Улуғ Қуръондир!

آية رقم 78

ﭕﭖﭗ ﭘ ​

78. (Қуръон сеҳр ёки уйдирма эмас, балки) асралган Китобдаги (Лавҳул-Маҳфуздаги Улуғ Қуръондир).

آية رقم 79

ﭙﭚﭛﭜ ﭝ ​

79. Уни фақат таҳоратли — пок кишиларгина ушларлар.

آية رقم 80

ﭞﭟﭠﭡ ﭢ ​

80. (У) барча оламлар Парвардигори томонидан нозил қилингандир.

آية رقم 81

ﭣﭤﭥﭦ ﭧ ​

81. Бас, (эй кофирлар), сизлар мана шу Сўз — Қуръонга бепарволик қилурмисизлар (яъни, сизлар шундай улуғ Китобни назарларингизга илмасдан инкор қилмоқдасизларми)?!

آية رقم 82

ﭨﭩﭪﭫ ﭬ ​

82. Ва сизлар (Қуръонни) ёлғон дейиш(дек бадбахтлик)ни ўзларингизнинг ризқ-насибаларингиз қилиб олурсизларми?!

آية رقم 83

ﭭﭮﭯﭰ ﭱ ​

83. Бас, қачон (вафот қилаётган кишининг жони) халқумига етганида;

آية رقم 84

ﭲﭳﭴ ﭵ ​

84. — Ҳолбуки, ўша вақтда сизлар қараб турурсизлар;

آية رقم 85

ﭶﭷﭸﭹﭺﭻﭼ ﭽ ​

85. Ва Биз унга сизлардан кўра яқинроқ булурмиз, лекин сизлар (буни) курмайсизлар (билмайсизлар).

آية رقم 86

ﭾﭿﮀﮁﮂ ﮃ ​

86. Бас, агар сизлар эгасиз бўлсангизлар;

آية رقم 87

ﮄﮅﮆﮇ ﮈ ​

87. (Ва ўзларингизнинг: «Ҳеч қандай Эга — Парвардигор ҳам, қайта тирилиш ҳам йуқ», деган сўзларингизда) ростгўй булсангизлар ўша (жонни яна жасадга) қайтара олсангизлар эди! (Йуқ, ҳеч қачон қайтара олмассизлар).

آية رقم 88

ﮉﮊﮋﮌﮍ ﮎ ​

88. Энди агар ўша (вафот қилгувчи киши Аллоҳга) яқин қилинган (пешқадам)лардан булса,

آية رقم 89

ﮏﮐﮑﮒ ﮓ ​

89. у ҳолда (унинг учун) роҳат-фароғат, гўзал ризқ ва ноз-неъматли жаннат бордир!

آية رقم 90

ﮔﮕﮖﮗﮘﮙ ﮚ ​

90. Энди агар у ўнг томон эгаларидан бўлса,

آية رقم 91

ﮛﮜﮝﮞﮟ ﮠ ​

91. у ҳолда (эй саодатманд бандам), сенга ўнг томон эгаларидан салом бўлгай!

آية رقم 92

ﮡﮢﮣﮤﮥﮦ ﮧ ​

92. Энди агар у (қайта тирилишни) ёлғон дегувчи гумроҳлардан (яъни, чап томон эгаларидан) бўлса,

آية رقم 93

ﮨﮩﮪ ﮫ ​

93. у ҳолда қайноқ сувдан иборат «зиёфат»,

آية رقم 94

ﮬﮭ ﮮ ​

94. ва дўзахга киритилиш бордир!

آية رقم 95

ﮯﮰﮱﯓﯔ ﯕ ​

95. Шак-шубҳасиз, (ушбу сурада зикр қилинган нарсалар) айни ҳақиқатнинг ўзидир!

آية رقم 96

ﯖﯗﯘﯙ ﯚ ​

96. Бас, улуғ Парвардигорингизнинг номини (ҳар қандай айб-нуқсондан) поклаб-тасбеҳ айтинг!