ترجمة معاني سورة الشعراء باللغة الطاجيكية من كتاب الترجمة الطاجيكية

آية رقم 1

ﭑ ﭒ ​

1. То, Син,
Мим.(1)
____________________
1. Дар бораи ин ҳарфҳои муқаттаъа дар аввали сураи Бақара гуфта шуд.

آية رقم 2

ﭓﭔﭕﭖ ﭗ ​

2. Ин оёт китоби равшан аст.

آية رقم 3

ﭘﭙﭚﭛﭜﭝ ﭞ ​

3. Шояд аз ин ки онҳо имон намеоваранд, худро ҳалок созӣ.(1)
____________________
1. Яъне, набояд худро ҳалок созӣ, зеро ҳидояти онҳо аз тарафи Аллоҳ аст ва вазифаи ту танҳо расонидани паёми Парвардигорат аст. Тафсири Саъдӣ 1 \ 589

آية رقم 4

ﭟﭠﭡﭢﭣﭤﭥﭦﭧﭨﭩ ﭪ ​

4. Агар бихоҳем, аз осмон барояшон ояте (мӯъҷизае) нозил мекунем, ки гарданҳояшон дар баробари он таслим гардад, лекин инро намехоҳем, зеро имони судманд, ихтиёран ба ғайб бовар кардан аст.

آية رقم 5

ﭫﭬﭭﭮﭯﭰﭱﭲﭳﭴﭵ ﭶ ​

5. Барояшон ҳеҷ сухане тоза аз Аллоҳи меҳрубон нозил намешавад, магар он ки аз он бо дилу ҷисмашон рӯй мегардонанд ва онро қабул намекунанд.(1)
____________________
1. Тафсири Саъдӣ 1\589

آية رقم 6

ﭷﭸﭹﭺﭻﭼﭽﭾ ﭿ ​

6. Пас ҳамоно Қуръонро дурӯғ бароварданд. Ба зудӣ хабари он чизҳое, ки масхарааш мекарданд, ба онҳо ҳатман бирасад.

آية رقم 7

ﮀﮁﮂﮃﮄﮅﮆﮇﮈﮉﮊ ﮋ ​

7. Оё ба замин нанигаристаанд, ки чӣ қадар аз ҳар гуна гиёҳони некӯ ва фоидаовар дар он рӯёнидаем, ки ҳеҷ кас ба рӯёндани он тавоноӣ надорад, ба ҷуз Парвардигори ҷаҳониён.

آية رقم 8

ﮌﮍﮎﮏﮐﮑﮒﮓﮔ ﮕ ​

8. Дар ин нишонаҳо ибратест, вале аксари онҳо мӯъмин набудаанд.

آية رقم 9

ﮖﮗﮘﮙﮚ ﮛ ​

9. Ба ростӣ, Парвардигори ту пирӯзманд аст, ки қудрату тавоноӣ бар ҳама дорад ва меҳрубон аст, ки раҳматаш ҳама чизро фаро гирифтааст!(1)
____________________
1. Тафсири Саъдӣ 1\589

آية رقم 10

ﮜﮝﮞﮟﮠﮡﮢﮣ ﮤ ​

10. Ва ба ёд ор эй Расул барои қавмат, ки Парвардигорат Мӯсоро нидо дод, ки эй Мӯсо, ба сӯи он мардуми ситамкор бирав,

آية رقم 11

ﮥﮦﮧﮨﮩ ﮪ ​

11. қавми Фиръавн ва барояшон бигӯ: Оё намехоҳанд парҳезгор шаванд?(1)
____________________
1. Яъне, аз азоби Аллоҳ наметарсед ва аз куфру гумроҳиатон даст намекашед? Тафсири Саъдӣ 1\589

آية رقم 12

ﮫﮬﮭﮮﮯﮰ ﮱ ​

12.   Мӯсо гуфт: «Эй Парвардигори ман, метарсам, ки дурӯғгӯям хонанд.

آية رقم 13

ﯓﯔﯕﯖﯗﯘﯙﯚ ﯛ ​

13.   Ва дили ман танг гардад ва забонам кушода нашавад, пас бародарам Ҳорунро низ пайғамбарӣ деҳ, то маро ёрӣ кунад.

آية رقم 14

ﯜﯝﯞﯟﯠﯡ ﯢ ​

14.   Ва онҳо бар гардани ман гуноҳе (даъво)(1) доранд, пас метарсам, ки маро бикушанд».
____________________
1. Яъне, ба сабаби ман марде аз онҳо кушта шуд.

آية رقم 15

ﯣﯤﯥﯦﯧﯨﯩﯪﯫ ﯬ ​

15.   Аллоҳ таоло гуфт: Ҳаргиз, туро натавонанд кушт, пас оёти Маро ки далолат бар ҳақиқати паёмбарии шумо мекунад, ҳарду назди онҳо биравед, Мо низ ба илм ва ҳифз ва нусрати худ бо шумо ҳастем ва мешунавем.

آية رقم 16

ﯭﯮﯯﯰﯱﯲﯳ ﯴ ​

16.   Пас, назди Фиръавн равед ва бигӯед: «Мо расули (фиристодаи) Парвардигори ҷаҳониён ҳастем,

آية رقم 17

ﯵﯶﯷﯸﯹ ﯺ ​

17.   ки банӣ Исроилро бо мо бифиристӣ, то Парвардигорашонро парастиш намоянд.(1)
____________________
1. Тафсири Саъдӣ 1\590

آية رقم 18

ﯻﯼﯽﯾﯿﰀﰁﰂﰃﰄ ﰅ ​

18. Фиръавн ба Мӯсо миннат карда гуфт: «Оё ба ҳангоми кӯдакӣ назди худ парваришат надодем ва ту чанд сол аз умратро дар миёни мо нагузаронидӣ?

آية رقم 19

ﰆﰇﰈﰉﰊﰋﰌ ﰍ ​

19. Ва он кори кардаатро, кардӣ? Пас, ту аз носипосонӣ».(1)
____________________
1. Мӯсо алайиҳиссалом ҳангоме, ки дар қасри Фираъвн зиндагӣ мекард, марди Қибтиеро ба хатогӣ кушт. Тафсири Саъдӣ 1 / 589

آية رقم 20

ﭑﭒﭓﭔﭕﭖ ﭗ ​

20.   Мӯсо гуфт: Он вақт ки чунон кардам, аз саргаштагон будам. Ва он кор аз рӯи нодонӣ ва иштибоҳ буд, на қасдан.(1)
____________________
1. Тафсири Саъдӣ 1\590

آية رقم 21

ﭘﭙﭚﭛﭜﭝﭞﭟﭠﭡﭢ ﭣ ​

21.   Ва чун аз шумо тарсидам, ба тарафи Мадян гурехтам. Вале Парвардигори ман ба ман пайғамбарӣ дод ва маро дар шумори паёмбарон овард.

آية رقم 22

ﭤﭥﭦﭧﭨﭩﭪﭫ ﭬ ​

22.   Ва миннати ин неъматро бар ман мениҳӣ, ҳол он ки банӣ Исроилро ғуломи худ сохтаӣ?

آية رقم 23

ﭭﭮﭯﭰﭱ ﭲ ​

23.   Фиръавн гуфт: «Парвардигори ҷаҳониён кист, ки ту даъвои паёмбарӣ мекунӣ?»

آية رقم 24

ﭳﭴﭵﭶﭷﭸﭹﭺﭻﭼ ﭽ ​

24.   Мӯсо гуфт: «Агар ахли яқин ҳастед, пас имон оваред, ки Ӯ Парвардигори осмонҳову
замин ва ҳар чи миёни онҳост».

آية رقم 25

ﭾﭿﮀﮁﮂ ﮃ ​

25.   Фиръавн ба онон, ки дар атрофаш буданд, гуфт: «Оё намешунавед, ки ин мард чӣ мегӯяд?»

آية رقم 26

ﮄﮅﮆﮇﮈ ﮉ ​

26.   Мӯсо гуфт: Парвардигоре, ки ман шуморо ба сӯи он даъват менамоям, «Парвардигори шумо ва Парвардигори ниёгони шумост».

آية رقم 27

ﮊﮋﮌﮍﮎﮏﮐ ﮑ ​

27.   Фиръавн гуфт: «Ба дурустӣ, ки ин паёмбаре, ки бар шумо фиристода шуда, девона аст».

آية رقم 28

ﮒﮓﮔﮕﮖﮗﮘﮙﮚﮛ ﮜ ​

28.   Мӯсо гуфт: «Ӯст Парвардигори машриқу мағриб ва ҳар чи миёни он ду аст, агар оқилона биандешед».

آية رقم 29

ﮝﮞﮟﮠﮡﮢﮣﮤ ﮥ ​

29.   Фиръавн ба Мӯсо таҳдид карда гуфт: «Агар ҷуз ман каси дигареро ба маъбудӣ гирӣ, ба зиндонат меафканам».

آية رقم 30

ﮦﮧﮨﮩﮪ ﮫ ​

30.   Мӯсо гуфт: «Ҳатто агар мӯъҷизаи равшане барои ту оварда бошам, ки далолат кунад бар сиҳатии он чи овардаам, боз ҳам маро зиндонӣ мекунй?»(1)
____________________
1. Тафсири Саъдӣ 1\590

آية رقم 31

ﮬﮭﮮﮯﮰﮱﯓ ﯔ ​

31.   Фиръавн гуфт: «Пас агар аз роспӯёнӣ онро биёвар».

آية رقم 32

ﯕﯖﯗﯘﯙﯚ ﯛ ​

32. Пас, Мӯсо асои худро биандохт, ки ногаҳон вай аждаҳои ошкоро шуд.

آية رقم 33

ﯜﯝﯞﯟﯠﯡ ﯢ ​

33. Ва дасташро берун овард, ки ногаҳон дар назари бинандагон сафед ва равшан менамуд.

آية رقم 34

ﯣﯤﯥﯦﯧﯨﯩ ﯪ ​

34. Фиръавн аз тарсе, ки қавмаш имон наоранд, ба бузургони қавмаш, ки дар атрофи ӯ буданд, гуфт: «Бегумон ин мард ҷодугари доноест, ки

آية رقم 35

ﯫﯬﯭﯮﯯﯰﯱﯲ ﯳ ​

35. мехоҳад ба ҷодуи худ шуморо аз сарзаминатон берун кунад. Пас, маро чӣ мефармоед?»

آية رقم 36

ﯴﯵﯶﯷﯸﯹﯺ ﯻ ​

36. Қавмаш ба ӯ гуфтанд: «Ӯ ва бародарашро мӯхлат бидеҳ ва ҷамъкунандагонро дар шаҳрҳо бифирист,

آية رقم 37

ﯼﯽﯾﯿ ﰀ ​

37. то ҳар ҷодугари моҳир ва доноеро, ки ҳаст, назди ту биёранд».

آية رقم 38

ﰁﰂﰃﰄﰅ ﰆ ​

38. Пас ҷодугаронро дар рӯзи муайяне(1) ба ваъдагоҳ оварданд.
____________________
1. Ва он рӯз, рӯзи зиннат ва хушию шоди буд, ки ҳама ба вақти чоштгоҳ ҳозир шуданд.

آية رقم 39

ﰇﰈﰉﰊﰋ ﰌ ​

39. Ва ба мардум гуфта шуд: «Оё шумо низ ҷамъ мешавед?

آية رقم 40

ﭑﭒﭓﭔﭕﭖﭗ ﭘ ​

40. Агар ҷодугарон ғолиб шаванд, бувад, ки пайравии онҳо кунем ва дар динамон устувор истем!»

آية رقم 41

ﭙﭚﭛﭜﭝﭞﭟﭠﭡﭢﭣﭤ ﭥ ​

41.   Чун ҷодугарон омаданд, ба Фиръавн гуфтанд: «Оё агар мо бар Мӯсо пирӯз шавем, барои мо музде ҳаст?»

آية رقم 42

ﭦﭧﭨﭩﭪﭫ ﭬ ​

42.   Фиръавн гуфт: «Оре, ба дурустӣ, ки шумо ҳама аз наздикони ман хоҳед буд».

آية رقم 43

ﭭﭮﭯﭰﭱﭲﭳ ﭴ ​

43.   Мӯсо барои ботил сохтани ҷодуи онҳо ба онҳо гуфт: «Ҳар чи мехоҳед, аз ҷодуи худ бияфканед!»

آية رقم 44

ﭵﭶﭷﭸﭹﭺﭻﭼﭽ ﭾ ​

44.   Онон ресмонҳову асоҳои худ бияфканданд ва гуфтанд:
«Ба иззати Фиръавн, ки мо албатта, ғолибем!»

آية رقم 45

ﭿﮀﮁﮂﮃﮄﮅﮆ ﮇ ​

45.   Пас, Мӯсо асояшро афканд. Ногоҳ ба сурати аждаҳое гашт ва ҳамаи он дурӯғҳоеро, ки сохта буданд, фурӯ бурд.

آية رقم 46

ﮈﮉﮊ ﮋ ​

46.   Ҷодугарон ҳақро дида ва донистанд, ки ин аз амалиёти ҷодугарон нест, пас саҷдакунон ба замин афтоданд.

آية رقم 47

ﮌﮍﮎﮏ ﮐ ​

47.   Гуфтанд: «Ба Парвардигори ҷаҳониён имон овардем,

آية رقم 48

ﮑﮒﮓ ﮔ ​

48.   Парвардигори Мӯсо ва
Ҳорун!»

آية رقم 49

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﮬ ​

49.    Фиръавн гуфт: «Оё пеш аз он ки шуморо рухсат диҳам, ба Мӯсо имон овардед? Албатта, ин мард (яъне, Мӯсо) бузурги шумост, ки шуморо ҷоду омӯхтааст. Ҳатман азоби маро хоҳед дид. Акнун дастҳову пойҳоятонро аз чапу рост(1) хоҳам бурид ва албатта, ҳамаатонро бар дор хоҳам кард!»
____________________
1. Яъне, дасти рост ва пои чапи шуморо хоҳам бурид.

آية رقم 50

ﮭﮮﮯﮰﮱﯓﯔﯕ ﯖ ​

50.    Ҷодугарон ба Фиръавн гуфтанд: «Аз он чи ки моро метарсонӣ боке нест, ба дурустӣ, ки мо назди Парвардигорамон бозмегардем.

آية رقم 51

ﯗﯘﯙﯚﯛﯜﯝﯞﯟﯠﯡ ﯢ ​

51.    Мо умед дорем, ки Парвардигорамон хатоҳои моро аз куфру ҷодугарӣ бубахшад, ки мо нахустин касоне ҳастем, ки имон овардем».

آية رقم 52

ﯣﯤﯥﯦﯧﯨﯩﯪﯫ ﯬ ​

52.    Ва ба Мӯсо ваҳй кардем, ки ҳангоми шаб бандагони Маро аз Миср берун бибар, ба дурустӣ, ки аз паи шумо биёянд.

آية رقم 53

ﯭﯮﯯﯰﯱ ﯲ ​

53.    Пас, Фиръавн аз берун рафтани онҳо огоҳ гардида гирдоварандагони сипоҳро ба шаҳрҳо фиристод.

آية رقم 54

ﯳﯴﯵﯶ ﯷ ​

54.   Ва гуфт: ҳароина, ки инҳо (банӣ Исроил) гурӯҳе андак ва ночиз ҳастанд

آية رقم 55

ﯸﯹﯺ ﯻ ​

55.   ва инҳо моро ба таҳқиқ, ба хашм овардаанд,

آية رقم 56

ﯼﯽﯾ ﯿ ​

56.   ҳароина, ҳамаи мо бояд аз онҳо барҳазар бошем, зеро душмани мо ҳастанд.(1)
____________________
1. Тафсири Саъдӣ 1\591

آية رقم 57

ﰀﰁﰂﰃ ﰄ ​

57.   Пас, онҳо (Фиръавн ва қавмаш)-ро аз боғҳову чашмасорҳои Миср берун кардем

آية رقم 58

ﰅﰆﰇ ﰈ ​

58.   ва низ аз ганҷҳову хонаҳои некӯ ва қасрҳои бузург берун рондем.

آية رقم 59

ﰉﰊﰋﰌﰍ ﰎ ​

59.   Оре, инчунин кардем ва банӣ Исроилро вориси онҳо сохтем.

آية رقم 60

ﰏﰐ ﰑ ​

60.   Фиръавниён ба ҳангоми баромадани офтоб аз паи онҳо рафтанд.

آية رقم 61

ﭑﭒﭓﭔﭕﭖﭗﭘ ﭙ ​

61.   Чун он ду гурӯҳ якдигарро диданд, ёрони Мӯсо гуфтанд: «Ҳароина, мо дар чанголи фиръавниён гирифтор шудем!»

آية رقم 62

ﭚﭛﭜﭝﭞﭟﭠ ﭡ ​

62.   Мӯсо барояшон гуфт: «Ҳаргиз, чунин нест, он чи ки шумо мегӯед Парвардигори ман ҳароина, бо ман аст ва маро роҳнамоӣ хоҳад кард».

آية رقم 63

ﭢﭣﭤﭥﭦﭧﭨﭩﭪﭫﭬﭭﭮﭯ ﭰ ​

63. Пас, ба Мӯсо ваҳй кардем, ки асоятро ба баҳр бизан. Баҳр аз ҳам бишикофт ва ба адади қабилаҳои банӣ Исроил дувоздаҳ роҳ дар он боз шуд ва ҳар бахше монанди кӯҳи бузурге буд.

آية رقم 64

ﭱﭲﭳ ﭴ ​

64. Ва он гурӯҳи дигар (яъне, Фиръавн ва қавмаш)-ро низ ба баҳр расонидем.

آية رقم 65

ﭵﭶﭷﭸﭹ ﭺ ​

65. Мӯсо ва ҳамаи ҳамроҳонашро наҷот додем.

آية رقم 66

ﭻﭼﭽ ﭾ ​

66. Сипас он дигар (яъне, Фиръавн ва қавмаш)-ро ғарқ сохтем.

آية رقم 67

ﭿﮀﮁﮂﮃﮄﮅﮆﮇ ﮈ ​

67. Албатта, дар ин ҳодисаи ғарқ шудани Фиръавн ва қавмаш ибратест, вале аксарашон аз пайравони Фиръавн имон наоварданд!

آية رقم 68

ﮉﮊﮋﮌﮍ ﮎ ​

68. Ҳароина, Парвардигори ту пирӯзманду бахшанда аст!(1)
____________________
1. Яъне, ба иззаташ кофиронро ҳалок сохт ва ба раҳматаш Мӯсо ва ҳамроҳонашро наҷот дод.Тафсири Табарӣ 19 \ 361

آية رقم 69

ﮏﮐﮑﮒ ﮓ ​

69. Ва эй Расул, достони Иброҳимро барояшон (барои кофирон) тиловат кун!

آية رقم 70

ﮔﮕﮖﮗﮘﮙ ﮚ ​

70. Он гоҳ ки ба падару қавми худ гуфт: «Чӣ чизро мепарастед?»

آية رقم 71

ﮛﮜﮝﮞﮟﮠ ﮡ ​

71.   Гуфтанд: «Бутонеро мепарастем, пас ҳамеша бар ибодаташон қоим ҳастем».

آية رقم 72

ﮢﮣﮤﮥﮦ ﮧ ​

72.   Иброҳим гуфт: «Оё вақте онҳоро ба кӯмак мехонед, садоятонро мешунаванд?

آية رقم 73

ﮨﮩﮪﮫ ﮬ ​

73.   Ё барои шумо фоидае медиҳанд, агар парастиши онҳо кардед, ё зиёне мерасонанд, агар тарки парастиши онҳо кардед?»(1)
____________________
1. Тафсири Бағавӣ 6\116

آية رقم 74

ﮭﮮﮯﮰﮱﯓ ﯔ ​

74.   Гуфтанд: «На, балки падаронамонро дидаем, ки чунин мекардаанд».

آية رقم 75

ﯕﯖﯗﯘﯙ ﯚ ​

75.   Иброҳим гуфт: «Оё медонед, ки чӣ мепарастидаед,

آية رقم 76

ﯛﯜﯝ ﯞ ​

76.   шумо ва ниёгонатон?

آية رقم 77

ﯟﯠﯡﯢﯣﯤ ﯥ ​

77.   Пас, ба дурустӣ, ки ҳамаи онҳо душманони мананд, вале Парвардигори ҷаҳониён дӯсти ман аст.

آية رقم 78

ﯦﯧﯨﯩ ﯪ ​

78.   Ҳамон касе, ки маро биёфарид, сипас Ӯ роҳнамоиям мекунад

آية رقم 79

ﯫﯬﯭﯮ ﯯ ​

79.   ва ҳамон касе, ки ба ман таом медиҳад ва маро сероб месозад

آية رقم 80

ﯰﯱﯲﯳ ﯴ ​

80.   ва чун бемор шавам, пас Ӯ маро шифо медиҳад

آية رقم 81

ﯵﯶﯷﯸ ﯹ ​

81.     ва касе, ки маро мемиронад, сипас зинда мекунад

آية رقم 82

ﯺﯻﯼﯽﯾﯿﰀﰁ ﰂ ​

82.     ва касе, ки умед медорам, ки дар рӯзи қиёмат хатоямро бибахшояд.

آية رقم 83

ﰃﰄﰅﰆﰇﰈ ﰉ ​

83.     Эй Парвардигори ман, маро ҳикмат бахш ва маро ба зумраи шоистагон дар ҷаннат бипайванд.

آية رقم 84

ﭑﭒﭓﭔﭕﭖ ﭗ ​

84.     Ва то рӯзи қиёмат барои ман дар миёни ояндагон овозаи нек ва зикри хайр қарор бидеҳ.

آية رقم 85

ﭘﭙﭚﭛﭜ ﭝ ​

85.     Ва маро аз ворисони биҳишти пурнеъмат қарор деҳ.

آية رقم 86

ﭞﭟﭠﭡﭢﭣ ﭤ ​

86.     Ва падарамро(1) биёмурз, ки ҳамоно ӯ аз гумроҳон аст.
____________________
1. Ин дуъои Иброҳим барои падараш буд, вақте маълум гашт, ки то дами маргаш ба куфру ширкаш боқӣ мемонад, пас аз ӯ безорӣ ҷуст.

آية رقم 87

ﭥﭦﭧﭨ ﭩ ​

87.     Ва дар рӯзи қиёмат, ки мардум аз қабрҳояшон барои ҳисобу ҷазо бармехезанд, маро расво масоз,

آية رقم 88

ﭪﭫﭬﭭﭮﭯ ﭰ ​

88.     рӯзе, ки на мол фоида медиҳад ва на фарзандон,

آية رقم 89

ﭱﭲﭳﭴﭵﭶ ﭷ ​

89.     магар он кас, ки бо қалби салим (холӣ аз ширк, куфр ва нифоқ) ба назди Аллоҳ биёяд!

آية رقم 90

ﭸﭹﭺ ﭻ ​

90.   Ва биҳиштҳоро барои парҳезгорон(1) наздик оранд.
____________________
1. Ононе, ки аз куфру маъсият дурӣ ҷустанд ва фармонҳои Аллоҳро иҷро намуданд. Тафсири Табарӣ 19 \ 366

آية رقم 91

ﭼﭽﭾ ﭿ ​

91.   Ва ҷаҳаннамро дар назари кофирон ошкор кунанд.

آية رقم 92

ﮀﮁﮂﮃﮄﮅ ﮆ ​

92.   Ба онҳо сарзаниш карда гӯянд: «Чизҳое, ки аз ғайри Аллоҳ мепарастидед, куҷоянд?

آية رقم 93

ﮇﮈﮉﮊﮋﮌﮍ ﮎ ​

93.   Маъбудҳое, ғайр аз Аллоҳ ёриатон мекунанд дар баробари азоби Аллоҳ ё худ ёрӣ меҷӯянд?»

آية رقم 94

ﮏﮐﮑﮒ ﮓ ​

94.   Пас, онҳо (бутҳо) ва кофиронро сарнагун дар ҷаҳаннам андозанд.

آية رقم 95

ﮔﮕﮖ ﮗ ​

95.   Ва низ андохта шавад ҳамаи лашкари Иблисро, ки барои мардум амали бадро зинат медоданд.

آية رقم 96

ﮘﮙﮚﮛ ﮜ ​

96.   Онон дар дӯзах бо касоне, ки онҳоро ба залолат бурда буданд, ба кашмакаш мепардозанд ва мегӯянд:

آية رقم 97

ﮝﮞﮟﮠﮡﮢ ﮣ ​

97.   «Ба Аллоҳ савганд, ки мо дар гумроҳии ошкор будем,

آية رقم 98

ﮤﮥﮦﮧ ﮨ ​

98.   он гоҳ ки шуморо бо Парвардигори ҷаҳониён баробар медонистем.

آية رقم 99

ﮩﮪﮫﮬ ﮭ ​

99.   Ва ба ҷуз ин бадкорон касе моро гумроҳ накард.

آية رقم 100

ﮮﮯﮰﮱ ﯓ ​

100.  Пас, акнун моро ҳеҷ шафоаткунандае нест

آية رقم 101

ﯔﯕﯖ ﯗ ​

101.  ва моро дӯсти меҳрубоне нест.

آية رقم 102

ﯘﯙﯚﯛﯜﯝﯞ ﯟ ​

102.  Кош бори дигар ба дунё бозгардем, то аз мӯъминон гардем».

آية رقم 103

ﯠﯡﯢﯣﯤﯥﯦﯧﯨ ﯩ ​

103.  Ба таҳқиқ, дар ин (қиссаи Иброҳим) ибратест ва аксари онҳо бо шунидани ин қисса ҳам имон наёварданд.

آية رقم 104

ﯪﯫﯬﯭﯮ ﯯ ​

104.  Албатта, Парвардигори ту пирӯзманду меҳрубон аст!

آية رقم 105

ﯰﯱﯲﯳ ﯴ ​

105.  Қавми Нӯҳ ҳамаи паёмбаронро дурӯғгӯ бароварданд.

آية رقم 106

ﯵﯶﯷﯸﯹﯺﯻ ﯼ ​

106.  Он гоҳ ки бародарашон Нӯҳ ба онҳо гуфт: «Магар парҳезгорӣ намекунед, (яъне, наметарсед)?

آية رقم 107

ﯽﯾﯿﰀ ﰁ ​

107.  Ба таҳқиқ, ман барои шумо паёмбари амин ҳастам.

آية رقم 108

ﰂﰃﰄ ﰅ ​

108.  Аз Аллоҳ битарсед дар он чи шуморо ба он фармон медиҳад ва ё аз он наҳӣ мекунад(1) ва аз ман итоат
кунед.
____________________
1. Тафсири Саъдӣ 1\594

آية رقم 109

ﰆﰇﰈﰉﰊﰋﰌﰍﰎﰏﰐﰑ ﰒ ​

109.  Ман аз шумо дар муқобили даъвати худ музде наметалабам. Музди ман танҳо бар ӯҳдаи Парвардигори ҷаҳониён аст.

آية رقم 110

ﰓﰔﰕ ﰖ ​

110. Пас, аз Аллоҳ битарсед ва маро бо ба ҷо овардани фармудаҳояш ва бо парҳез кардан аз манъкардашудаҳояш итоат кунед!»

آية رقم 111

ﰗﰘﰙﰚﰛﰜ ﰝ ​

111. Гуфтанд: «Оё ба ту имон биёварем ва ҳол он ки бенавоён (бечизу бемақом) пайрави ту ҳастанд?»

آية رقم 112

ﭑﭒﭓﭔﭕﭖ ﭗ ​

112. Нӯҳ гуфт: «Ман чи медонам онҳо чи кор кардаанд, вале вазифадор ҳастам, ки онҳоро ба сӯи имон даъват намоям.»

آية رقم 113

ﭘﭙﭚﭛﭜﭝﭞﭟ ﭠ ​

113. Агар бидонед, ҳисобашон ба ҷуз бар Парвардигори ман бар касе нест.

آية رقم 114

ﭡﭢﭣﭤ ﭥ ​

114. Ва ман ҳаргиз мӯъминонро ба даъвати худ дур нахоҳам кард.

آية رقم 115

ﭦﭧﭨﭩﭪ ﭫ ​

115. Ман ба ҷуз бимдиҳандаи ошкоро каси дигар нестам.

آية رقم 116

ﭬﭭﭮﭯﭰﭱﭲﭳ ﭴ ​

116. Гуфтанд: «Эй Нӯҳ, агар аз даъвати худ бас накунӣ, албатта, сангсор мешавӣ».

آية رقم 117

ﭵﭶﭷﭸﭹ ﭺ ​

117. Нӯҳ дуо карда гуфт:
«Эй Парвардигори ман, қавми ман маро дурӯғгӯ мебароранд.

آية رقم 118

ﭻﭼﭽﭾﭿﮀﮁﮂﮃ ﮄ ​

118. Пас, миёни ману миёни онҳо (қатъӣ) ҳукм кун; ва марову ононро аз мӯъминон, ки ҳамроҳи мананд, наҷот деҳ!».

آية رقم 119

ﮅﮆﮇﮈﮉﮊ ﮋ ​

119. Пас, ӯ ва ҳамроҳонашро дар он киштии пуркардашуда аз тамоми навъи махлуқот наҷот додем.

آية رقم 120

ﮌﮍﮎﮏ ﮐ ​

120. Ба боқимондаи ононро, ки имон наоварданд, ғарқ кардем.

آية رقم 121

ﮑﮒﮓﮔﮕﮖﮗﮘﮙ ﮚ ​

121. Албатта, дар ин(1) нишонаи равшанест ва бештари онҳо бинобар шунидани ин қисса мӯъмин набуданд.
____________________
1. Яъне, дар наҷот ёфтани Нӯҳ ва пайравонаш ва ҳалок шудани касоне, ки ба ӯ имон наоварданд, далели равшан ва ибрати бузургест барои дигарон.

آية رقم 122

ﮛﮜﮝﮞﮟ ﮠ ​

122. Албатта, Парвардигори ту пирӯзманд аст аз интиқом гирифтани кофирон ва меҳрубон аст бо бандагони мӯъминонаш!

آية رقم 123

ﮡﮢﮣ ﮤ ​

123. Қавми Од низ паёмбаронро дурӯғгӯ бароварданд.

آية رقم 124

ﮥﮦﮧﮨﮩﮪﮫ ﮬ ​

124. Он гоҳ ки бародарашон Ҳуд гуфт: «Оё аз Аллоҳ наметарсед ва ибодати ғайри Ӯро тарк намекунед?

آية رقم 125

ﮭﮮﮯﮰ ﮱ ​

125. Ҳароина, ман барои шумо паёмбари амин ҳастам ва шумо инро медонед.(1)
____________________
1. Тафсири Саъдӣ 1\595

آية رقم 126

ﯓﯔﯕ ﯖ ​

126. Аз Аллоҳ битарсед ва он чиро ки аз назди Аллоҳ овардаам, итоат кунед.

آية رقم 127

ﯗﯘﯙﯚﯛﯜﯝﯞﯟﯠﯡﯢ ﯣ ​

127. Ман аз шумо барои таблиғи рисолат ҳеҷ музде талаб намекунам. Музди ман танҳо бар ӯҳдаи Парвардигори ҷаҳониён аст.

آية رقم 128

ﯤﯥﯦﯧﯨ ﯩ ​

128. Оё бар сари ҳар баландӣ ба беҳудагӣ нишонае аз рӯи ҳавову ҳавас месозед?

آية رقم 129

ﯪﯫﯬﯭ ﯮ ​

129. Ва қасрҳои маҳкам ва устувор бино мекунед, гӯё ки дар дунё ҷовидон мемонед?

آية رقم 130

ﯯﯰﯱﯲ ﯳ ​

130. Ва чун интиқом гиред, ба монанди золимон бераҳмона интиқом мегиред?

آية رقم 131

ﯴﯵﯶ ﯷ ​

131. Пас, аз Аллоҳ битарсед ва ба он чи ки ман шуморо даъват менамоям итоат кунед.

آية رقم 132

ﯸﯹﯺﯻﯼ ﯽ ​

132. Ва битарсед аз он Аллоҳе, ки он чиро, ки медонед, ба шумо ато кардааст.

آية رقم 133

ﯾﯿﰀ ﰁ ​

133. Ва ба шумо чорпоёну фарзандон арзонӣ доштааст

آية رقم 134

ﰂﰃ ﰄ ​

134. ва низ боғҳову чашмасорон арзонӣ доштааст.

آية رقم 135

ﰅﰆﰇﰈﰉﰊ ﰋ ​

135. (Ҳуд алайҳиссалом гуфт:) Ман аз азоби рӯзи бузург бар шумо метарсам, ки ба сабаби имон наоварданатон бар шумо азоб фуруд ояд(1).
____________________
1. Тафсири Ибни Касир 6\135

آية رقم 136

ﰌﰍﰎﰏﰐﰑﰒﰓﰔ ﰕ ​

136.  Гуфтанд: «Барои мо яксон аст, ки моро панд диҳӣ ё панд надиҳӣ, ҳаргиз имон намеорем.

آية رقم 137

ﭑﭒﭓﭔﭕ ﭖ ​

137.  Гуфтанд: Инҳо ҷуз ҳамон дурӯғу найранги пешиниён чизи дигаре нест.

آية رقم 138

ﭗﭘﭙ ﭚ ​

138.  Ва мо ҳаргиз азоб нахоҳем
шуд».

آية رقم 139

ﭛﭜﭝﭞﭟﭠﭡﭢﭣﭤﭥﭦ ﭧ ​

139.  Пас, ӯро дурӯғгӯ бароварданд ва бар куфрашон давомат карданд, пас Мо ононро ҳалок кардем. Албатта, дар ин ибратест ва бештаринашон имон наёварданд!

آية رقم 140

ﭨﭩﭪﭫﭬ ﭭ ​

140. Ҳароина, Парвардигори ту пирӯзманд аст ба нобуд сохтани кофирон ва меҳрубон аст ба мӯъминон!

آية رقم 141

ﭮﭯﭰ ﭱ ​

141. Қавми Самуд паёмбаронро дурӯғгӯ бароварданд.(1)
____________________
1. Яъне, Содеҳ ва дигар паёмбарон алайҳимус саломро.

آية رقم 142

ﭲﭳﭴﭵﭶﭷﭸ ﭹ ​

142.  Он гоҳ ки бародарашон Солеҳ гуфт: «Оё аз азоби Аллоҳ наметарсед ва танҳо Ӯро парастиш намекунед?

آية رقم 143

ﭺﭻﭼﭽ ﭾ ​

143.  Ҳароина, ман дар таблиғи рисолати Аллоҳ барои шумо паёмбари амин ҳастам.

آية رقم 144

ﭿﮀﮁ ﮂ ​

144. Аз иқоби Аллоҳ битарсед ва он чиро ки ман ба шумо овардаам итоат кунед!

آية رقم 145

ﮃﮄﮅﮆﮇﮈﮉﮊﮋﮌﮍﮎ ﮏ ​

145. Ман аз шумо барои таблиғи рисолат музде наметалабам. Музди ман танҳо бар ӯҳдаи Парвардигори ҷаҳониён аст!

آية رقم 146

ﮐﮑﮒﮓﮔ ﮕ ​

146. Оё мепиндоред, ки шумо дар ин неъматҳои ин ҷо эмин гузошта хоҳед шуд?

آية رقم 147

ﮖﮗﮘ ﮙ ​

147. Дар ин боғҳову чашмасорҳо?

آية رقم 148

ﮚﮛﮜﮝ ﮞ ​

148. Ва дар ин киштзорҳову хурмозорҳо бо он шукуфаҳои нарму латиф?

آية رقم 149

ﮟﮠﮡﮢﮣ ﮤ ​

149. Ва сармастии шумо ба ҳадде расидааст, ки моҳирона дар кӯҳҳо хонаҳое метарошед?

آية رقم 150

ﮥﮦﮧ ﮨ ​

150. Пас, аз азоби Аллоҳ битарсед ва ба насиҳати ман итоат кунед!

آية رقم 151

ﮩﮪﮫﮬ ﮭ ​

151. Ва фармони ин
исрофкоронро мапазиред.

آية رقم 152

ﮮﮯﮰﮱﯓﯔ ﯕ ​

152. Онҳоеро, ки дар замин ба ҷои ислоҳ фасод мекунанд.

آية رقم 153

ﯖﯗﯘﯙﯚ ﯛ ​

153. Самудиён ба паёмбарашон Солеҳ гуфтанд: «Ҷуз ин нест, ки туро ҷоду кардаанд.

آية رقم 154

ﯜﯝﯞﯟﯠﯡﯢﯣﯤﯥﯦ ﯧ ​

154. Ту низ инсоне монанди мо ҳастӣ. Агар рост мегӯӣ, нишонае биёвар».

آية رقم 155

ﯨﯩﯪﯫﯬﯭﯮﯯﯰ ﯱ ​

155. Солеҳ гуфт: «Ин модашутуре аст, ки як навбат об хӯрдан барои вай аст ва навбати рӯзи муайян барои шумо.

آية رقم 156

ﯲﯳﯴﯵﯶﯷﯸ ﯹ ​

156. Ба он камтарин озоре нарасонед, ки азоби рӯзи бузург ба саратон меояд».

آية رقم 157

ﯺﯻﯼ ﯽ ​

157. Пас, онро куштанд ва пушаймон шуданд, вале пушаймонӣ барояшон фоиде набахшид.

آية رقم 158

ﯾﯿﰀﰁﰂﰃﰄﰅﰆﰇﰈﰉ ﰊ ​

158. Пас, азоби Аллоҳ онҳоро фурӯ гирифт. Албатта, дар ин ҳалок шудани Самудиён ибратест ва бисёрии онҳо имон наёварданд.

آية رقم 159

ﰋﰌﰍﰎﰏ ﰐ ​

159. Ва албатта, Парвардигори ту пирӯзманд аст бар душманонаш ва меҳрубон аст ба ононе, ки имон оварданд!

آية رقم 160

ﭑﭒﭓﭔ ﭕ ​

160. Қавми Лут низ паёмбаронро дурӯғгӯ бароварданд.

آية رقم 161

ﭖﭗﭘﭙﭚﭛﭜ ﭝ ​

161. Он гоҳ бародарашон Лут ба онҳо гуфт: «Оё аз азоби Аллоҳ наметарсед?

آية رقم 162

ﭞﭟﭠﭡ ﭢ ​

162. Ҳароина, ман барои шумо паёмбари амин ҳастам.

آية رقم 163

ﭣﭤﭥ ﭦ ​

163. Аз имон наоварданатон аз Аллоҳ битарсед ва ба он чизе, ки шуморо даъват мекунам, маро итоат кунед!

آية رقم 164

ﭧﭨﭩﭪﭫﭬﭭﭮﭯﭰﭱﭲ ﭳ ​

164. Ман аз шумо дар баробари таблиғи рисолати Аллоҳ музде наметалабам. Музди ман танҳо бар ӯҳдаи Парвардигори ҷаҳониён аст!

آية رقم 165

ﭴﭵﭶﭷ ﭸ ​

165. Оё ба қасди қазои шаҳват аз миёни аҳли олам ба сӯи мардон меравед?

آية رقم 166

ﭹﭺﭻﭼﭽﭾﭿﮀﮁﮂﮃﮄ ﮅ ​

166. Вале ҳамсаронеро, ки Парвардигоратон барои шумо ҳалолу покиза офаридааст, тарк мекунед? Балки, шумо мардуми таҷовузкор ҳастед!»

آية رقم 167

ﮆﮇﮈﮉﮊﮋﮌﮍ ﮎ ​

167. Қавми Лут гуфтанд: «Эй Лут, агар бас накунӣ, ҳатман, аз шаҳр берунат мекунем».

آية رقم 168

ﮏﮐﮑﮒﮓ ﮔ ​

168. Лут барояшон гуфт: «Ба дурустӣ, ки ман душмани ашадии амали шумо ҳастам.»

آية رقم 169

ﮕﮖﮗﮘﮙ ﮚ ​

169. Баъд аз он Лут дуо карда гуфт: Эй Парвардигори ман, маро ва аҳламро аз оқибати амале, ки мекунанд, наҷот бидеҳ!»

آية رقم 170

ﮛﮜﮝ ﮞ ​

170. Пас, ӯ ва ҳамаи аҳлашро наҷот додем,

آية رقم 171

ﮟﮠﮡﮢ ﮣ ​

171. ғайри пиразане, ки хост бимонад.(1)
____________________
1. Ва ӯ ҳамсари Лут буд, ки имон наёварда буд.

آية رقم 172

ﮤﮥﮦ ﮧ ​

172.  Сипас дигаронро, ки аз аҳли куффор буданд ба сахттарин азоб ҳалок кардем.

آية رقم 173

ﮨﮩﮪﮫﮬﮭﮮ ﮯ ​

173.  Бар онҳо бороне аз санг боронидем ва чӣ бад буд борони бимдодашудагон!

آية رقم 174

ﮰﮱﯓﯔﯕﯖﯗﯘﯙ ﯚ ​

174.  Ҳароина, дар ин азоби фурудомада бар қави Лут ибратест ва аксари онҳо имон наёварданд.

آية رقم 175

ﯛﯜﯝﯞﯟ ﯠ ​

175.  Ва ҳароина, Парвардигори ту пирӯзманд аст бар кофирон ва меҳрубон аст ба мӯьминон!

آية رقم 176

ﯡﯢﯣﯤ ﯥ ​

176.  Мардуми Айка(1) (қавми Шуъайб) паёмбарони Аллоҳро дурӯғгӯ бароварданд.
____________________
1. Соҳибони боғҳои сердарахт ва онҳо аҳолии Мадян буданд.

آية رقم 177

ﯦﯧﯨﯩﯪﯫ ﯬ ​

177.  Он гоҳ ки Шуъайб ба онҳо гуфт: «Оё бар ширк ва маъсият оварданатон аз иқоби Аллоҳ наметарсед?

آية رقم 178

ﯭﯮﯯﯰ ﯱ ​

178.  Ҳароина, ман барои ҳидояти шумо паёмбари амин ҳастам.

آية رقم 179

ﯲﯳﯴ ﯵ ​

179.  Аз Аллоҳ битарсед ва ба он чи ки ман шуморо даъват менамоям, маро итоат кунед!

آية رقم 180

ﯶﯷﯸﯹﯺﯻﯼﯽﯾﯿﰀﰁ ﰂ ​

180.  Ман аз шумо барои таблиғи рисолати Аллоҳ музде наметалабам. Музди
ман танҳо бар ӯҳдаи Парвардигори ҷаҳониён аст.

آية رقم 181

ﰃﰄﰅﰆﰇﰈﰉ ﰊ ​

181. Шуъайб барояшон гуфт: Паймонаро тамом бипардозед ва аз зумраи зиёндиҳандагон мабошед.

آية رقم 182

ﰋﰌﰍ ﰎ ​

182. Ва бо тарозуи дуруст вазн кунед.

آية رقم 183

ﰏﰐﰑﰒﰓﰔﰕﰖﰗ ﰘ ​

183. Ба мардум ашёашонро кам мадиҳед ва дар замин ба фасод макӯшед.

آية رقم 184

ﭑﭒﭓﭔﭕ ﭖ ​

184. Аз он Кас, ки шумо ва халоиқи пеш аз шуморо офаридааст, битарсед».

آية رقم 185

ﭗﭘﭙﭚﭛ ﭜ ​

185.Гуфтанд: Эй Шуъайб ҷуз ин нест, ки туро ҷоду кардаанд.

آية رقم 186

ﭝﭞﭟﭠﭡﭢﭣﭤﭥ ﭦ ​

186. Ту низ инсоне монанди мо ҳастӣ ва мепиндорем, ки ҳамоно ту дурӯғ мегӯӣ.

آية رقم 187

ﭧﭨﭩﭪﭫﭬﭭﭮﭯ ﭰ ​

187. Агар рост мегӯӣ, пас Аллоҳатро дуъо кун, ки пораи азобе аз осмон бар сари мо афтад, то нобуд созад моро.

آية رقم 188

ﭱﭲﭳﭴﭵ ﭶ ​

188. Шуъайб гуфт: «Парвардигори ман ба ҳар коре, ки мекунед, донотар аст».

آية رقم 189

ﭷﭸﭹﭺﭻﭼﭽﭾﭿﮀﮁ ﮂ ​

189. Пас ӯро дурӯғгӯ бароварданд ва бар куфрашон давомат карданд ва гармии сахт онҳоро фаро гирифт ва зери сояи абр қарор гирифтанд ва дар он рӯзи абрнок азоб ононро фурӯ гирифт. Ҳамоно он, азоби рӯзи бузург буд!(1)
____________________
1. Тафсири Бағавӣ 6\128

آية رقم 190

ﮃﮄﮅﮆﮇﮈﮉﮊﮋ ﮌ ​

190. Албатта, дар ин азобе, ки бар онҳо фуруд омад ибратест ва аксари онҳо имон наёварданд.

آية رقم 191

ﮍﮎﮏﮐﮑ ﮒ ​

191. Албатта, Парвардигори ту пирӯзманд аст бар душманонаш ва меҳрубон аст, ба бандагони яктопарасташ.

آية رقم 192

ﮓﮔﮕﮖ ﮗ ​

192. Ва ҳароина, ин китоб нозилшуда аз ҷониби Парвардигори ҷаҳониён аст.

آية رقم 193

ﮘﮙﮚﮛ ﮜ ​

193. Онро Рӯҳуламин(1) нозил кардааст.
____________________
1. Ҷибраил алайҳиссалом аст; фариштаи гиромиқадр ва бузургест, ки ваҳйи Аллоҳро ба паёмбарон мерасонад.

آية رقم 194

ﮝﮞﮟﮠﮡ ﮢ ​

194. Бар дили ту эй Муҳаммад, то аз бимдиҳандагон бошӣ ва ба василаи он мардумро ҳидоят намоӣ,

آية رقم 195

ﮣﮤﮥ ﮦ ​

195. ба забони арабии равшан, ки беҳтарини забонҳост.(1)
____________________
1. Тафсири Саъдӣ 1\597

آية رقم 196

ﮧﮨﮩﮪ ﮫ ​

196. Ва ҳароина, зикри Қуръон дар китобҳои паёмбарони пешиниён низ ҳаст.

آية رقم 197

ﮬﮭﮮﮯﮰﮱﯓﯔﯕ ﯖ ​

197. Оё ин нишона бар онҳо басанда нест, ки ту эй Муҳаммад паёмбари барҳаққӣ, ҳол он ки уламои банӣ Исроил аз он огоҳанд?(1)
____________________
1. Тафсири Бағавӣ 6\129

آية رقم 198

ﯗﯘﯙﯚﯛ ﯜ ​

198. Ва агар он Қуръонро бар яке аз аҷамиён (ғайри арабҳо) нозил карда будем

آية رقم 199

ﯝﯞﯟﯠﯡﯢ ﯣ ​

199. ва барояшон онро мехонд, ба он имон намеоварданд.

آية رقم 200

ﯤﯥﯦﯧﯨ ﯩ ​

200. Ба ин сон инкор кардани Қуръонро дар дилҳои гунаҳгрон роҳ додем.

آية رقم 201

ﯪﯫﯬﯭﯮﯯﯰ ﯱ ​

201. Ба хотири зулмашон ба он имон намеоваранд, то азоби дарднокро бо чашми худ бингаранд.

آية رقم 202

ﯲﯳﯴﯵﯶ ﯷ ​

202. Ва дар дунё он азоб ногаҳон ва бехабар бар онон фуруд меояд.

آية رقم 203

ﯸﯹﯺﯻ ﯼ ​

203. Пас, азобро мушоҳида карда мегӯянд: «Оё ба мо мӯҳлате дода хоҳад шуд?»(1)
____________________
1. То аз шарик овардан ба Аллоҳ тавба кунем. Тафсири Ибни Касир 6\ 164

آية رقم 204

ﯽﯾ ﯿ ​

204. Оё онҳоро мӯҳлат додани Ман мағрур кардааст, ки барои фуруд омадани азоби Мо мешитобанд?

آية رقم 205

ﰀﰁﰂﰃ ﰄ ​

205. Магар намедонӣ, ки солҳо баҳрамандашон созем,

آية رقم 206

ﰅﰆﰇﰈﰉ ﰊ ​

206. сипас азобе, ки ба онҳо ваъда дода мешавад, бар сари онҳо биёяд.

آية رقم 207

ﭑﭒﭓﭔﭕﭖ ﭗ ​

207. Вақте ки аз шарик оварданашон тавба накарданд он баҳрамандиҳояшон дар ҳаёти дунё фоидае барои онҳо нахоҳад дошт.(1)
____________________
1. Тафсири Табарӣ 19\402

آية رقم 208

ﭘﭙﭚﭛﭜﭝﭞ ﭟ ​

208. Ва Мо аҳли ҳеҷ шаҳреро ҳалок накардаем, магар ки барояшон бимдиҳандагоне буданд,

آية رقم 209

ﭠﭡﭢﭣ ﭤ ​

209. то пандашон диҳанд ва мардумро аз кори бад нигоҳ доранд. Ва Мо ситамкор набудем, ки онҳоро пеш аз бим додан нобуд созем.(1)
____________________
1. Тафсири Саъдӣ 1\598

آية رقم 210

ﭥﭦﭧﭨ ﭩ ​

210. Ва ин Қуръонро шайтонҳо бар Муҳаммад саллаллоҳу алайҳи ва саллам нозил накардаанд, чунон ки кофирон гумон мебаранд.

آية رقم 211

ﭪﭫﭬﭭﭮ ﭯ ​

211. Онон на лоиқи ин коранд ва на тавоноии он доранд.

آية رقم 212

ﭰﭱﭲﭳ ﭴ ​

212. Ҳароина, шайтонҳоро аз шунидани ваҳй дур доштаанд.

آية رقم 213

ﭵﭶﭷﭸﭹﭺﭻﭼﭽ ﭾ ​

213.Пас, ба Аллоҳи якто маъбуди дигареро махон, то мабодо дар шумори азобшавандагон дароӣ.

آية رقم 214

ﭿﮀﮁ ﮂ ​

214. Эй Паёмбар, хешовандони наздикатро битарсон, то ба сабаби куфрашон азоб бар онҳо фуруд наояд.(1)
____________________
1. Тафсири Табарӣ 19\404

آية رقم 215

ﮃﮄﮅﮆﮇﮈ ﮉ ​

215. Дар баробари ҳар як аз
мӯъминон, ки аз ту пайравӣ мекунад, хоксор бош.

آية رقم 216

ﮊﮋﮌﮍﮎﮏﮐ ﮑ ​

216. Ва агар бар ту нофармонӣ карданд, бигӯ: «Ҳароина, ман аз корҳои ширки шумо безорам!»

آية رقم 217

ﮒﮓﮔﮕ ﮖ ​

217. Ва бар Аллоҳи пирӯзманду меҳрубон таваккал кун.

آية رقم 218

ﮗﮘﮙﮚ ﮛ ​

218. Ҳамоно касе, ки туро ба ҳангоме ки барои ибодат дар торикии шаб бармехезӣ мебинад,

آية رقم 219

ﮜﮝﮞ ﮟ ​

219. ва нишастану бархостани туро(1) дар миёни саҷдакунандагон мебинад.
____________________
1. вақте ки ба рӯкуъ ва саҷда меравӣ.

آية رقم 220

ﮠﮡﮢﮣ ﮤ ​

220. Албатта, Ӯ шунаво аст ба тиловати ту ва доно аст, ба нияту амали ту!

آية رقم 221

ﮥﮦﮧﮨﮩﮪ ﮫ ​

221. Оё шуморо огоҳ кунам, ки шайтонҳо ба назди киҳо меоянд?

آية رقم 222

ﮬﮭﮮﮯﮰ ﮱ ​

222. Бар ҳар дурӯғгӯи гунаҳкор меоянд,

آية رقم 223

ﯓﯔﯕﯖ ﯗ ​

223. ва шунидаҳои худро, ки аз осмон дуздиданд ба дуругӯён мепартоянд ва аксари онҳо дурӯғгӯёнанд.

آية رقم 224

ﯘﯙﯚ ﯛ ​

224.  Ва шоирон касоне ҳастанд, ки гумроҳон аз паи онҳо мераванд.

آية رقم 225

ﯜﯝﯞﯟﯠﯡﯢ ﯣ ​

225.  Оё гумроҳии онҳоро надидаӣ, ки шоирон дар ҳар водие (аз водиҳои шеър)(1) саргардонанд?
____________________
1. Яъне, баъзеҳоро таъна мезананд ва баъзе дигарро таъриф мекунанд ё номуси касеро олуда мекунанд...

آية رقم 226

ﯤﯥﯦﯧﯨ ﯩ ​

226.  Ва сифати шоирон ин аст, ки чизҳое мегӯянд, ки худ амал намекунанд?

آية رقم 227

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﯾ ​

227.  Магар он шоироне, ки имон оварданд ва корҳои шоиста карданд ва Аллоҳро бисёр ёд карданд ва дар васфи ягонагии Аллоҳ ва дифоъ аз паёмбари Аллоҳ шеърҳо гуфтанд, ки мардумро ба ёди Аллоҳ меандозад ва чун мавриди ситам воқеъ шуданд, бо василаи шеъри худ аз мушрикону кофирон интиқом гирифтанд. Ва ситамгорон ба зудӣ хоҳанд донист, ки ба чӣ маконе бозмегарданд.(1)
____________________
1. Тафсири Саъдӣ 1\599