ترجمة معاني سورة الشعراء باللغة السواحلية من كتاب الترجمة السواحلية - عبد الله محمد وناصر خميس

آية رقم 1

ﭑ ﭒ ​

«Ṭā, Sīn, Mīm.» Yametangulia maelezo kuhusu herufi za mkato mwanzo wa sura ya Al-Baqarah.

آية رقم 2

ﭓﭔﭕﭖ ﭗ ​

Hizi ni aya za Qur’ani yenye kufafanua kila kitu, yenye kupambanua baina ya uongofu na upotevu.

آية رقم 3

ﭘﭙﭚﭛﭜﭝ ﭞ ​

Huenda wewe, ewe Mtume, kwa kuwa una hamu sana ya kutaka wao waongoke, ukajiangamiza mwenyewe kwa kuwa wao hawakukuamini na hawakufuata kimatendo uongofu wako. Basi usifanye hivyo.

آية رقم 4

ﭟﭠﭡﭢﭣﭤﭥﭦﭧﭨﭩ ﭪ ​

Tukitaka tutawateremshia wakanushaji, miongoni mwa watu wako, miujiza itokayo mbinguni yenye kuwaogopesha itakayowalazimisha wao kuamini, na hapo shingo zao ziwe zimenyongeka na kudhalilika. Lakini hatukutaka hilo, kwani Imani yenye kunufaisha ni kuyaamini yaliyoghibu kwa hiyari.[8]
____________________
[8]Rudia sura ya Al-Baqarah aya:3, kwa maelezo zaidi kuhusu ghayb (Yaliyoghibu)

آية رقم 5

ﭫﭬﭭﭮﭯﭰﭱﭲﭳﭴﭵ ﭶ ​

Na hauwajii washirikina hawa ukumbusho, kutoka kwa Mwingi wa rehema unaoanzwa kuteremshwa, kitu baada ya kitu, wenye kuwaamrisha na kuwakataza na kuwakumbusha Dini ya kweli, isipokuwa wanaupa mgongo na hawaukubali.

آية رقم 6

ﭷﭸﭹﭺﭻﭼﭽﭾ ﭿ ​

Kwa hakika washaikanusha Qur’ani na washaifanyia shere, basi zitawajia wao habari za jambo ambalo walikuwa wakilifanyia shere na dharau, na itawashukia wao adhabu ikiwa ni malipo ya kumuasi Mola wao.

آية رقم 7

ﮀﮁﮂﮃﮄﮅﮆﮇﮈﮉﮊ ﮋ ​

Je, wanakanusha na hali wao hawakuiangalia ardhi ambayo ndani yake tumeotesha kila aina nzuri ya mimea ambayo hakuna awezae kuiyotesha isipokuwa Mola wa viumbe vyote?

آية رقم 8

ﮌﮍﮎﮏﮐﮑﮒﮓﮔ ﮕ ​

Kwa hakika, katika kuitoa mimea kwenye ardhi ni dalili wazi ya ukamilifu wa uweza wa Mwenyezi Mungu, na wengi wa watu hawakuwa ni wenye kuamini.

آية رقم 9

ﮖﮗﮘﮙﮚ ﮛ ​

Na kwa hakika Mola wako Ndiye Mshindi wa kila kiumbe, ni Mwenye kurehemu Ambaye rehema Yake imeenea kila kitu.

آية رقم 10

ﮜﮝﮞﮟﮠﮡﮢﮣ ﮤ ​

Na wakumbushe watu wako, ewe Mtume, pindi Mola wako Alipomuita Mūsā kuwa awaendee watu madhalimu,

آية رقم 11

ﮥﮦﮧﮨﮩ ﮪ ​

nao ni watu wa Fir’awn na uwaambie wayaogope mateso ya Mwenyezi Mungu Aliyetukuka na waache ukafiri na upotevu walionao.

آية رقم 12

ﮫﮬﮭﮮﮯﮰ ﮱ ​

Mūsā akasema, «Mola wangu! Mimi ninaogopa wasije wakanikanusha juu ya utume,

آية رقم 13

ﯓﯔﯕﯖﯗﯘﯙﯚ ﯛ ​

na moyo wangu ukaingia kero kwa kunikanusha, na ulimi wangu usiwe na ufasaha wa kulingania. Basi mtume Jibrili aende na wahyi kwa ndugu yangu Hārūn, ili anisaidie na aniamini kwa ninayoyasema, na awafafanulie kile ninachowaambia, kwani yeye ana ufasaha zaidi wa matamshi kuliko mimi.

آية رقم 14

ﯜﯝﯞﯟﯠﯡ ﯢ ​

Na watanishika na kosa la kumuua mwanamume wa jamii ya Qibṭī miongoni mwao, na kwa hivyo ninaogopa wasiniue kwa ajili yake.»

آية رقم 15

ﯣﯤﯥﯦﯧﯨﯩﯪﯫ ﯬ ​

Mwenyezi Mungu Akamwambia Mūsā, «Sivyo hivyo! Hawatakuua. Na nimekubali matakwa yako juu ya Hārūn. Basi endeni mkiwa na miujiza yenye kuonyesha ukweli wenu. Sisi tuko pamoja na nyinyi kwa ujuzi, utunzi na usaidizi tunasikiliza.

آية رقم 16

ﯭﯮﯯﯰﯱﯲﯳ ﯴ ​

Mjieni Fir’awn na mumwambie, «Sisi tumetumwa kwako na kwa watu wako kutoka kwa Mola wa viumbe wote

آية رقم 17

ﯵﯶﯷﯸﯹ ﯺ ​

kwamba uwaache Wana wa Isrāīl waende na sisi.»

آية رقم 18

ﯻﯼﯽﯾﯿﰀﰁﰂﰃﰄ ﰅ ​

Fir’awn akasema kumwambia Mūsā kwa kumsimanga, «Je, hatukukulea kwenye majumba yetu ukiwa mchanga, ukakaa kwenye utunzi wetu miaka (mingi) katika umri wako,

آية رقم 19

ﰆﰇﰈﰉﰊﰋﰌ ﰍ ​

ukafanya tendo la jinai kwa kumuua mwanamume miongoni mwa watu wangu, ulipompiga na ukamsukuma, na wewe ni miongoni mwa wakanushaji neema zangu na kukataa uola wangu?

آية رقم 20

ﭑﭒﭓﭔﭕﭖ ﭗ ​

Mūsā akasema kumjibu Fir’awn, «Nilifanya uliyoyataja kabla Mwenyezi Mungu Hajaniletea wahyi na kunitumiliza kama Mtume,

آية رقم 21

ﭘﭙﭚﭛﭜﭝﭞﭟﭠﭡﭢ ﭣ ​

ndipo nilitoka kwenu kwa kukimbia kuelekea Madyan nilipoogopa usije ukaniua kwa nililolifanya bila kukusudia, Na Mola wangu Akanitunuku unabii na elimu na Akanifanya ni miongoni mwa Mitume.

آية رقم 22

ﭤﭥﭦﭧﭨﭩﭪﭫ ﭬ ​

Na kwani huko kulelewa nyumbani kwako unakuona ni neema kutoka kwako juu yangu, na hali wewe umewafanya Wana wa Isrāīl ni watumwa , unawachinja wana wao wa kiume na unawaachilia wanawake wao ili watumwe na wadharauliwe?»

آية رقم 23

ﭭﭮﭯﭰﭱ ﭲ ​

Fir’awn akamwambia Mūsā, «Na huyo Mola wa viumbe wote Ambaye unadai kwamba wewe ni mjumbe Wake, ni kitu gani?»

آية رقم 24

ﭳﭴﭵﭶﭷﭸﭹﭺﭻﭼ ﭽ ​

Mūsā akasema, «Yeye ni Mmiliki na Mwenye kuipelekesha mbingu na ardhi na vilivyoko baina ya viwili hivyo. Iwapo nyinyi mna yakini na hilo, basi aminini.»

آية رقم 25

ﭾﭿﮀﮁﮂ ﮃ ​

Fir’awn akasema kuwaambia walioko pambizoni mwake miongoni mwa watukufu wa watu wake, «Je, hamusikii maneno ya Mūsā ya ajabu kwamba kuna mola asiyekuwa mimi?»

آية رقم 26

ﮄﮅﮆﮇﮈ ﮉ ​

Mūsā akasema, «Mola Ambaye mimi nawalingania nyinyi Kwake ni Yule Aliyewaumba nyinyi na Aliyewaumba wa mwanzo. Basi vipi nyinyi mnamuabudu ambaye ni kiumbe kama nyinyi na yeye ana mababa waliotoeka kama mababa zenu?»

آية رقم 27

ﮊﮋﮌﮍﮎﮏﮐ ﮑ ​

Fir’awn akasema kuwaambia wale watu wake makhsusi akiwapandisha ghadhabu zao, kwa kuwa Mūsā amemkanusha yeye, «Kwa kweli, huyu mjumbe wenu aliyeletwa kwenu ni mwendawazimu , asema maneno yasiyofahamika.»

آية رقم 28

ﮒﮓﮔﮕﮖﮗﮘﮙﮚﮛ ﮜ ​

Mūsā akasema, «Mola wa Mashariki na Magharibi na vilivyoko baina ya viwili hivyo, na vilivyomo ndani yake vya mwangaza na giza. Hili linapelekea kuwa ni lazima kumuamini Yeye Peke Yake, iwapo nyinyi ni miongoni mwa watu wa akili na kuzingatia.»

آية رقم 29

ﮝﮞﮟﮠﮡﮢﮣﮤ ﮥ ​

Fir’awn akamwambia Mūsā kwa kumtisha, «Ukichukua mwingine aseyekuwa mimi ukamfanya ni mola nitakufunga jela pamoja na wale niliowafunga.»

آية رقم 30

ﮦﮧﮨﮩﮪ ﮫ ​

Mūsā akasema, «Je, utanifanya mimi ni miongoni mwa wafungwa jela, hata nikikuletea hoja ya kukata ambayo kwa hiyo utabainika ukweli wangu?»

آية رقم 31

ﮬﮭﮮﮯﮰﮱﯓ ﯔ ​

Fir’awn akasema, «Basi ilete ikiwa wewe ni miongoni mwa wakweli katika madai yako.»

آية رقم 32

ﯕﯖﯗﯘﯙﯚ ﯛ ​

Hapo Mūsā akaitupa fimbo yake na ikageuka kuwa nyoka wa kikweli, si kiinimacho kama wanavyofanya wachawi.

آية رقم 33

ﯜﯝﯞﯟﯠﯡ ﯢ ​

Na akautoa mkono wake kwenye uwazi wa kanzu yake uliofunguliwa kifuani au chini ya kwapa lake, na papo hapo ukawa mweupe kama barafu, na sio weupe wa mbalanga, ukawashangaza waangaliaji.

آية رقم 34

ﯣﯤﯥﯦﯧﯨﯩ ﯪ ​

Fir’awn akasema kuwaambia watukufu wa watu wake, kwa kuogopa wasije wakaamini, «Kwa kweli Mūsā ni mchawi hodari.

آية رقم 35

ﯫﯬﯭﯮﯯﯰﯱﯲ ﯳ ​

Anataka kuwatoa nyinyi, kwa uchawi wake, kwenye ardhi yenu. Basi mnatoa shauri gani kuhusu yeye nipate kuyafuata maoni yenu?»

آية رقم 36

ﯴﯵﯶﯷﯸﯹﯺ ﯻ ​

Watu wake wakamwambia, «Msubirishe Mūsā na Hārūn, na utume askari mijini wawakusanye wachawi.

آية رقم 37

ﯼﯽﯾﯿ ﰀ ​

Watakujia na kila anayejua uchawi na akawa hodari kuufahamu.»

آية رقم 38

ﰁﰂﰃﰄﰅ ﰆ ​

Wakakusanywa wachawi, na wakapangiwa wakati maalumu, nao ni wakati wa mchana wa siku ya Pambo ambayo wanajitenga na shughuli zao, na wanajikusanya na kujipamba, ili wakutane na Mūsā

آية رقم 39

ﰇﰈﰉﰊﰋ ﰌ ​

na wawahimize watu kujumuika kwa matarajio kwamba ushindi uwe ni wa wachawi.

آية رقم 40

ﭑﭒﭓﭔﭕﭖﭗ ﭘ ​

Sisi tunatarajia ushindi uwe ni wa wachawi ili tujikite kwenye dini yetu.

آية رقم 41

ﭙﭚﭛﭜﭝﭞﭟﭠﭡﭢﭣﭤ ﭥ ​

Na wachawi walipomjia Fir’awn walimwambia, ‘Je, sisi tutakuwa na malipo ya mali au heshima ikiwa tutakuwa ni wenye kumshinda Mūsā?»

آية رقم 42

ﭦﭧﭨﭩﭪﭫ ﭬ ​

Fir’awn akasema, «Ndio, nyinyi mtapata kwangu malipo mnayoyataka, na nyinyi hapo mtakuwa ni miongoni mwa wenye kusogezwa karibu na mimi.»

آية رقم 43

ﭭﭮﭯﭰﭱﭲﭳ ﭴ ​

Mūsā akasema kuwaambia wachawi, akitaka kuutangua uchawi wao na kuonyesha kuwa kile alichokileta si uchawi, «Tupeni mtakavyovitupa vya uchawi.»

آية رقم 44

ﭵﭶﭷﭸﭹﭺﭻﭼﭽ ﭾ ​

Basi wakatupa kamba zao na fimbo zao, na zikawadhihirikia watu kwenye akili zao kuwa ni nyoka wanaotembea, na wakaapa kwa enzi ya Fir’awn kwa kusema, «Sisi ni wenye kushinda.»

آية رقم 45

ﭿﮀﮁﮂﮃﮄﮅﮆ ﮇ ​

Hapo akaitupa Mūsā fimbo yake, na papo hapo ikawa ni nyoka mkubwa, akawa anavimeza vile vilivyotokana na wao, hao wachawi, vya uzushi na bandia.

آية رقم 46

ﮈﮉﮊ ﮋ ​

Waliposhuhudia hilo na wakajua kuwa halitokani na udanganyifu wa wachawi, walimuamini Mwenyezi Mungu na wakamsujudia

آية رقم 47

ﮌﮍﮎﮏ ﮐ ​

na wakasema, «Tumemuamini Mola wa viumbe vyote,

آية رقم 48

ﮑﮒﮓ ﮔ ​

Mola wa Mūsā na Hārūn.»

آية رقم 49

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﮬ ​

Fir’awn akasema kuwaambia wachawi kwa kukataa, «Mumemkubali Mūsā bila ya idhini yangu!» Na akasema akiashiria kuwa kitendo cha Mūsā ni uchawi, «Yeye ni mkubwa wenu aliyewafundisha nyinyi uchawi, basi mtayajua mateso yatakayowafikia. Nitaikata mikono yenu na miguu yenu kitafauti: kwa kuukata mkono wa kulia na mguu wa kushoto au kinyume chake, na nitawasulubu nyote.»

آية رقم 50

ﮭﮮﮯﮰﮱﯓﯔﯕ ﯖ ​

Wachawi walisema kumwambia Fir’awn, «Hakuna madhara ya duniani yatakayotupata, kwa kweli sisi ni wenye kurudi kwa Mola wetu, Atupe neema ya kuendelea.

آية رقم 51

ﯗﯘﯙﯚﯛﯜﯝﯞﯟﯠﯡ ﯢ ​

Sisi tunataraji Mola wetu Atusamehe makosa yetu ya ushirikina na mengineyo kwa kuwa sisi ndio Waumini wa mwanzo katika watu wako.»

آية رقم 52

ﯣﯤﯥﯦﯧﯨﯩﯪﯫ ﯬ ​

Na Mwenyezi Mungu Akampelekea wahyi Mūsā, amani imshukie, kwamba, «Enda usiku pamoja na walioamini miongoni mwa Wana wa Isrāīl, ili Fir’awn na askari wake, ambao watawafuata nyinyi, wasije wakawafikia kabla ya kufika kwenu baharini.»

آية رقم 53

ﯭﯮﯯﯰﯱ ﯲ ​

Fir’awn akawatuma askari wake, alipopata habari kwamba Wana wa Isrāīl wameenda usiku, wakusanye jeshi lake kutoka miji ya utawala wake.

آية رقم 54

ﯳﯴﯵﯶ ﯷ ​

Fir’awn akasema, «Kwa kweli, Wana wa Isrāīl waliokimbia pamoja na Mūsā ni pote twevu lenye idadi ndogo.

آية رقم 55

ﯸﯹﯺ ﯻ ​

Na wao wamevijaza hasira vifua vyetu kwa kuwa wameenda kinyume na dini yetu na wametoka bila ya idhini yetu,

آية رقم 56

ﯼﯽﯾ ﯿ ​

na sisi sote tuko macho, tuko tayari nao.»

آية رقم 57

ﰀﰁﰂﰃ ﰄ ​

Mwenyezi Mungu Akamtoa Fir’awn na watu wake kwenye ardhi ya Misri yenye mabustani, mabubujiko ya maji,

آية رقم 58

ﰅﰆﰇ ﰈ ​

hazina za mali na majumba mazuri.

آية رقم 59

ﰉﰊﰋﰌﰍ ﰎ ​

Na kama tulivyowatoa, tuliwapatia nyumba hizo Wana wa Isrāīl baada yao wao.

آية رقم 60

ﰏﰐ ﰑ ​

Hivyo basi Fir’awn na askari wake walimkuta Mūsā na waliokuwa pamoja na yeye wakati wa kuchomoza jua.

آية رقم 61

ﭑﭒﭓﭔﭕﭖﭗﭘ ﭙ ​

Yalipoonana makundi mawili, watu wa Mūsā walisema, «Kwa hakika jumuiko la Fir’awn ni lenye kutufikia na kutuangamiza.»

آية رقم 62

ﭚﭛﭜﭝﭞﭟﭠ ﭡ ​

Mūsā alisema kuwaambia, «Sivyo! Mambo si kama mlivyotaja. Hamtafikiwa. Kwa hakika Mwenyezi Mungu Yupo na mimi kwa msaada, Ataniongoza njia ya kuokoka mimi na kuokoka nyinyi.»

آية رقم 63

ﭢﭣﭤﭥﭦﭧﭨﭩﭪﭫﭬﭭﭮﭯ ﭰ ​

Hapo tukampelekea wahyi Mūsā kwamba, «Piga bahari kwa fimbo yako!» Akapiga. Na bahari ikapasuka njia kumi na mbili kwa idadi ya kabila za Wana wa Isrāīl. Na kila kipande kilichojitenga na bahari ni kama jabali kubwa.

آية رقم 64

ﭱﭲﭳ ﭴ ​

Na tulimsogeza karibu Fir’awn na watu wake mpaka wakaingia baharini.

آية رقم 65

ﭵﭶﭷﭸﭹ ﭺ ​

Na tukamuokoa Mūsā na waliokuwa pamoja na yeye wote. Bahari ikaendelea kuachana kwake (kwa ule mpasuko) mpaka wakavuka kwenye nchi kavu.

آية رقم 66

ﭻﭼﭽ ﭾ ​

Kisha tukamzamisha Fir’awn na waliokuwa pamoja na yeye kwa kuifanya bahari iwafinike baada ya wao kuingia ndani wakimfuata Mūsā na watu wake.

آية رقم 67

ﭿﮀﮁﮂﮃﮄﮅﮆﮇ ﮈ ​

Kwa hakika, katika hilo lililotukia pana mazingatio ya ajabu yenye kuonyesha dalili ya uweza wa Mwenyezi Mungu. Na wengi wa wafuasi wa Fir’awn hawakuwa ni wenye kuamini, pamoja na alama hii yenye kushinda.

آية رقم 68

ﮉﮊﮋﮌﮍ ﮎ ​

Na hakika ya Mola wako Ndiye Mshindi, Ndiye Mwenye kurehemu. Kwa nguvu Zake na ushindi Amewaangamiza makafiri wakanushaji, na kwa rehema Yake Amemuokoa Mūsā na waliokuwa pamoja na yeye wote.

آية رقم 69

ﮏﮐﮑﮒ ﮓ ​

Na wasimulie makafiri, ewe Mtume, habari ya Ibrāhīm

آية رقم 70

ﮔﮕﮖﮗﮘﮙ ﮚ ​

alipomwambia babake na watu wake, «Mnaabudu kitu gani?»

آية رقم 71

ﮛﮜﮝﮞﮟﮠ ﮡ ​

Wakasema, «Tunaabudu masanamu, tunaketi na kuendelea kuwaabudu.»

آية رقم 72

ﮢﮣﮤﮥﮦ ﮧ ​

Akasema Ibrāhīm akiwatanabahisha uharibifu wa njia yao, «Kwani wanasikia maombi yenu mnapowaomba?

آية رقم 73

ﮨﮩﮪﮫ ﮬ ​

Au wanawapatia manufaa mkiwaabudu? Au wanawafanya mupate madhara mkiacha kuwaabudu?»

آية رقم 74

ﮭﮮﮯﮰﮱﯓ ﯔ ​

Wakasema, «Haliwi lolote katika hayo, lakini tuliwakuta mababa zetu wakiwaabudu, na sisi tukawaiga katika yale ambayo walikuwa wakiyafanya.»

آية رقم 75

ﯕﯖﯗﯘﯙ ﯚ ​

Ibrāhīm akasema, «Je, mumefikiria kuvitia akilini hivyo mnavyoviabudu, miongoni mwa masanamu yasiyosikia wala kunufaisha wala kudhuru,

آية رقم 76

ﯛﯜﯝ ﯞ ​

nyinyi na mababa zenu waliowatangulia?

آية رقم 77

ﯟﯠﯡﯢﯣﯤ ﯥ ​

Kwani hao mnaowaabudu badala ya Mwenyezi Mungu ni maadui zangu. Lakini Mola wa viumbe wote na Mmiliki wa mambo yao, Yeye Peke Yake Ndiye ninayemuabudu.

آية رقم 78

ﯦﯧﯨﯩ ﯪ ​

Yeye Ndiye Aliyeniumba kwa sura nzuri zaidi. Yeye ananiongoza kwenye maslahi ya dunia na Akhera.

آية رقم 79

ﯫﯬﯭﯮ ﯯ ​

Na Yeye Ndiye Anayenineemesha kwa chakula na kinywaji.

آية رقم 80

ﯰﯱﯲﯳ ﯴ ​

Na nikipatikana na ugonjwa, Yeye Ndiye Anayeniponyesha na kuniondolea.

آية رقم 81

ﯵﯶﯷﯸ ﯹ ​

Na Yeye Ndiye Atakayenifisha duniani kwa kuichukua roho yangu, kisha Atanihuisha Siku ya Kiyama, hakuna awezaye hilo isipokuwa Yeye.

آية رقم 82

ﯺﯻﯼﯽﯾﯿﰀﰁ ﰂ ​

Na Ambaye ninatarajia Atanisamehe dhambi zangu Siku ya Malipo.»

آية رقم 83

ﰃﰄﰅﰆﰇﰈ ﰉ ​

Ibrāhīm akasema akimuomba Mola wake, «Mola wangu! Nitunukie elimu na fahamu, na unikutanishe na watu wema, na unikusanye mimi na wao Peponi.

آية رقم 84

ﭑﭒﭓﭔﭕﭖ ﭗ ​

«Na unifanye niwe na sifa nzuri na utajo mwema kwa wale watakaokuja baada yangu mpaka Siku ya Kiyama.

آية رقم 85

ﭘﭙﭚﭛﭜ ﭝ ​

«Na unifanye mimi niwe miongoni mwa waja wako utakaowarithisha starehe za Peponi.»

آية رقم 86

ﭞﭟﭠﭡﭢﭣ ﭤ ​

Hii ni dua ya Ibrāhīm, amani imshukiye, ya kumuomba Mwenyezi Mungu Amuokoe babake na upotevu na Ampe uongofu, ili Amghufirie na Amsamehe, kama Ibrāhīm alivyomuahidi babake kumuombea Mungu, na ilipomfunukia kuwa yeye ni mwenye kuendelea kwenye ukafiri na ushirikina mpaka afe alijiepusha naye.

آية رقم 87

ﭥﭦﭧﭨ ﭩ ​

«Na usinipe unyonge Siku hiyo, ambayo watu watatoka makaburini ili wahesabiwe na walipwe,

آية رقم 88

ﭪﭫﭬﭭﭮﭯ ﭰ ​

Siku ambayo mali na watoto havitamfaa yoyote miongoni mwa waja,

آية رقم 89

ﭱﭲﭳﭴﭵﭶ ﭷ ​

isipokuwa yule aliyemjia Mwenyezi Mungu kwa moyo uliyosalimika na ukafiri, unafiki na uovu.»

آية رقم 90

ﭸﭹﭺ ﭻ ​

Na Pepo itasogezwa karibu kwa wale waliojiepusha na ukafiri na matendo ya uasi na wakamuelekea Mwenyezi Mungu kwa kumtii.

آية رقم 91

ﭼﭽﭾ ﭿ ​

Na Moto utaonyeshwa waziwazi kwa makafiri ambao walipotea njia ya uongofu na wakayafanyia ujasiri yaliyoharamishwa na Mwenyezi Mungu na wakawakanusha Mitume Wake.

آية رقم 92

ﮀﮁﮂﮃﮄﮅ ﮆ ​

Na wataambiwa kwa kulaumiwa, «Wako wapi waungu wenu ambao mlikuwa mkiwaabudu

آية رقم 93

ﮇﮈﮉﮊﮋﮌﮍ ﮎ ​

badala ya Mwenyezi Mungu na mkidai kwamba wao watawaombea leo? Je, watawanusuru na wawazuilie adhabu isiwafikie au watajinusuru kwa kuikinga adhabu isiwafikie?» Hakuna chochote katika hayo.

آية رقم 94

ﮏﮐﮑﮒ ﮓ ​

Hapo watakusanywa na watupwe kwenye Jahanamu kwa vichwa vyao, mara baada ya nyingine mpaka watakapotulia humo: wao, wale waliowapoteza

آية رقم 95

ﮔﮕﮖ ﮗ ​

na wasaidizi wa Iblisi waliowapambia shari; hakuna yoyote kati yao atakayeponyoka.

آية رقم 96

ﮘﮙﮚﮛ ﮜ ​

Watasema wakikiri makosa yao, na huku wanagombana, ndani ya Jahanamu, na wale waliowapoteza wao,

آية رقم 97

ﮝﮞﮟﮠﮡﮢ ﮣ ​

«Tunaapa kwa Mwenyezi Mungu kwamba sisi, duniani, tulikuwa kwenye upotevu ulio waziwazi, haukuwa umefichika,

آية رقم 98

ﮤﮥﮦﮧ ﮨ ​

tulipowafanya nyinyi kuwa ni sawa na Mola wa viumbe wote, Anayestahiki kuabudiwa, Peke Yake.

آية رقم 99

ﮩﮪﮫﮬ ﮭ ​

Na hakuna kilichotutia kwenye mwisho huu mbaya isipokuwa ni wahalifu ambao walitulingania tumuabudu asiyekuwa Mwenyezi Mungu.

آية رقم 100

ﮮﮯﮰﮱ ﯓ ​

«Hapana yoyote wa kutuombea na kututoa kwenye adhabu

آية رقم 101

ﯔﯕﯖ ﯗ ​

wala mwenye kutupenda kikweli na kutuhurumia.

آية رقم 102

ﯘﯙﯚﯛﯜﯝﯞ ﯟ ​

«Tunatamani tupatiwe fursa ya kurudi ulimwenguni tupate kuwa miongoni mwa wenye kuamini na kuokolewa.»

آية رقم 103

ﯠﯡﯢﯣﯤﯥﯦﯧﯨ ﯩ ​

Hakika katika habari ya Ibrāhīm iliyotangulia kuna mazingatio kwa mwenye kuzingatia. Na wengi wenye kuisikia habari hii hawakuwa ni wenye kuamini.

آية رقم 104

ﯪﯫﯬﯭﯮ ﯯ ​

Na kwa hakika, Mola wako Ndiye Mshindi Aliye Muweza wa kuwalipiza wakanushaji, Ndiye Mwenye kuwarehemu waja Wake Waumini.

آية رقم 105

ﯰﯱﯲﯳ ﯴ ​

Waliukanusha watu wa Nūḥ ujumbe wa Nabii wao. Wakawa, kwa kufanya hivyo, ni wakanushaji wa Mitume wote, kwa kuwa kila Mtume anaamrisha kuwaamini Mitume wote.

آية رقم 106

ﯵﯶﯷﯸﯹﯺﯻ ﯼ ​

Kumbuka pindi aliposema kuwaambia wao ndugu yao Nūḥ, «Je, hamumuogopi Mwenyezi Mungu kwa kuacha kumuabudu asiyekuwa Yeye?

آية رقم 107

ﯽﯾﯿﰀ ﰁ ​

Mimi kwenu nyinyi ni Mtume muaminifu katika yale ninayowafikishia.

آية رقم 108

ﰂﰃﰄ ﰅ ​

Basi ifanyeni Imani kuwa ndio kinga yenu na adhabu ya Mwenyezi Mungu, na nitiini mimi katika yale ninayowaamrisha ya kumuabudu Yeye Peke Yake,

آية رقم 109

ﰆﰇﰈﰉﰊﰋﰌﰍﰎﰏﰐﰑ ﰒ ​

na sitaki kutoka kwenu malipo yoyote ya kuufikisha ujumbe, malipo yangu hayako juu ya yoyote isipokuwa Mola wa viumbe wote, Mwenye kuendesha mambo ya viumbe Vyake.

آية رقم 110

ﰓﰔﰕ ﰖ ​

Basi jihadharini na mateso Yake na mnitii mimi kwa kufuata amri Zake na kujiepusha na makatazo Yake.»

آية رقم 111

ﰗﰘﰙﰚﰛﰜ ﰝ ​

Watu wake wakamwambia, «Vipi tutakuamini na tutakufuata na hali hao waliokufuata ni watu wanyonge na wale wa hali ya chini miongoni mwao?»

آية رقم 112

ﭑﭒﭓﭔﭕﭖ ﭗ ​

Nūḥ, amani imshukie, aliwajibu kwa kusema, «Sikupewa jukumu la kujua matendo yao. Jukumu nililopewa ni kuwalingania wao kwenye Imani. Na linalozingatiwa ni Imani, na sio cheo, ukoo, kazi na ujuzi wa sanaa.

آية رقم 113

ﭘﭙﭚﭛﭜﭝﭞﭟ ﭠ ​

«Hesabu yao, ili walipwe kwa matendo yao na yaliyomo ndani ya nafsi zao, ni juu ya Mola wangu Anayeona na kujua siri zote. Lau mnatambua hilo hamngalisema maneno haya.

آية رقم 114

ﭡﭢﭣﭤ ﭥ ​

«Na mimi si mwenye kuwafukuza wale wanaouamini ulinganizi wangu, namna itakavyokuwa hali yao, kwa kufuata matakwa yenu, ili mniamini.

آية رقم 115

ﭦﭧﭨﭩﭪ ﭫ ​

Mimi sikuwa isipokuwa ni mwonyaji ambaye onyo lake liko wazi.»

آية رقم 116

ﭬﭭﭮﭯﭰﭱﭲﭳ ﭴ ​

Hapo watu wa Nūḥ waliacha kubishana na wakaamua kutoa vitisho, hivyo basi wakamuambia, «Usiporudi nyuma, ewe Nūḥ, ukaacha huo ulinganizi wako, utakuwa ni miongoni mwa wenye kuuawa kwa kupigwa mawe.»

آية رقم 117

ﭵﭶﭷﭸﭹ ﭺ ​

Nūḥ aliposikia neno lao hili, alimuomba Mola wake kwa kusema, «Mola wangu! Kwa hakika watu wangu wameamua kuendelea kunikanusha,

آية رقم 118

ﭻﭼﭽﭾﭿﮀﮁﮂﮃ ﮄ ​

basi amua baina yangu na wao uamuzi wa kumwangamiza mwenye kukataa kukupwekesha na akamkanusha Mtume wako. Na uniokoe mimi, na Waumini walio pamoja na mimi, na adhabu utakayowaadhibu makafiri.»

آية رقم 119

ﮅﮆﮇﮈﮉﮊ ﮋ ​

Basi tukamuokoa na wale walio pamoja na yeye katika jahazi iliyojazwa aina mbalimabali za viumbe alivyovibeba pamoja na yeye.

آية رقم 120

ﮌﮍﮎﮏ ﮐ ​

Kisha tukawazamisha, baada ya kumuokoa Nūḥ na wale waliokuwa pamoja na yeye, wale waliosalia kati ya wale ambao hawakuamini na wakaukataa ushauri aliyowapa.

آية رقم 121

ﮑﮒﮓﮔﮕﮖﮗﮘﮙ ﮚ ​

Hakika katika maelezo ya Nūḥ na yale yaliyokuwa ya kuokolewa Waumini na kuangamizwa wakanushaji ni alama na ni zingatio kubwa kwa waliokuja baada yao. Na wengi wa wale waliokisikia kisa hiki hawakuwa ni wenye kumuamini Mwenyezi Mungu, Mtume Wake na sheria Zake.

آية رقم 122

ﮛﮜﮝﮞﮟ ﮠ ​

Na kwa kweli Mola wako Ndiye Mshindi katika kuwatesa waliomkanusha na wakaenda kinyume na amri Yake, Mwenye rehema kwa waja Wake walioamini.

آية رقم 123

ﮡﮢﮣ ﮤ ​

Walimkanusha watu wa kabila la ‘Ād Mtume wao Hūd, amani imshukiye, na kwa hivyo wakawa ni wakanushaji wa Mitume wote, kwa kuwa ulinganizi wao ni mmoja katika misingi yake na malengo yake.

آية رقم 124

ﮥﮦﮧﮨﮩﮪﮫ ﮬ ​

Alipowaambia ndugu yao Hūd, «Je, hamumchi MwenyeziMungu mukamtakasia ibada?

آية رقم 125

ﮭﮮﮯﮰ ﮱ ​

Mimi nimetumwa kwenu niwaongoze na niwaonyeshe njia, ni mtunzi wa ujumbe wa Mwenyezi Mungu, ninaufikisha kwenu kama Alivyoniamrisha Mola wangu.

آية رقم 126

ﯓﯔﯕ ﯖ ​

Basi iogopeni adhabu ya Mwenyezi Mungu na mnitii mimi katika kile ninachowaitia nyinyi kutoka kwa Mwenyezi Mungu,

آية رقم 127

ﯗﯘﯙﯚﯛﯜﯝﯞﯟﯠﯡﯢ ﯣ ​

na sitaki kutoka kwenu, kwa kuwaongoza nyinyi kwenye kumpwekesha Mwenyezi Mungu, aina yoyote ya malipo. Malipo yangu hayako juu ya yoyote isipokuwa Mola wa viumbe wote.

آية رقم 128

ﯤﯥﯦﯧﯨ ﯩ ​

«Je mnajenga kila mahali palipoinuka jengo refu mkawa mnatazama kutoka hapo na mnawacheza shere wapita njia? Huo ni upuuzi na upitaji kiasi, na hauwaletei nyinyi faida yoyote katika dini au katika dunia.

آية رقم 129

ﯪﯫﯬﯭ ﯮ ​

Na mnafanya majumba imara na ngome zilizojengwa madhubuti, kama kwamba nyinyi mtakaa milele duniani na hamtakufa.

آية رقم 130

ﯯﯰﯱﯲ ﯳ ​

Na mnapomshika mtu kwa nguvu na mkamakinika kumuua au kumpiga, basi mnalifanya hilo kwa kutendesha nguvu hali ya kufanya maonevu.

آية رقم 131

ﯴﯵﯶ ﯷ ​

«Basi muogopeni Mwenyezi Mungu na mkifuate kile ninachowalingania, kwani hilo lina nafuu zaidi kwenu,

آية رقم 132

ﯸﯹﯺﯻﯼ ﯽ ​

na mcheni Mwenyezi Mungu Aliyewapa aina mbalimbali za neema zisizofichika kwenu.

آية رقم 133

ﯾﯿﰀ ﰁ ​

Amewapa wanyama hawa: ngamia ng’ombe, mbuzi na kondoo, na Amewapa watoto,

آية رقم 134

ﰂﰃ ﰄ ​

na Amewapa mabustani yenye matunda, na Amewatolea maji kwenye chemchemi zinazopita.

آية رقم 135

ﰅﰆﰇﰈﰉﰊ ﰋ ​

Hūd, amani imshukiye, akasema akiwatahadharisha wao, «Mimi ninaogopa , mkiendelea na yale mliyo nayo ya ukanushaji, uonevu na kuzikufuru neema, asije Mwenyezi Mungu Akawateremshia nyinyi adhabu katika Siku ambayo shida yake ni kubwa kwa kitisho cha adhabu yake.

آية رقم 136

ﰌﰍﰎﰏﰐﰑﰒﰓﰔ ﰕ ​

Wakamwambia, «Ni sawa kwetu kutukumbusha, kututisha na kuacha kufanya hivyo, hatutakuamini.

آية رقم 137

ﭑﭒﭓﭔﭕ ﭖ ​

Na wakasema, «Haikuwa dini hii tuliyonayo isipokuwa ni dini ya watu wa mwanzo na desturi zao,

آية رقم 138

ﭗﭘﭙ ﭚ ​

na sisi si wenye kuadhibiwa kwa tunalolifanya katika yale ambayo unatuonya nayo ya adhabu.»

آية رقم 139

ﭛﭜﭝﭞﭟﭠﭡﭢﭣﭤﭥﭦ ﭧ ​

Wakaendelea kumkanusha, na Mwenyezi Mungu Akawaangamiza kwa upepo wa baridi ulio mkali. Kwa hakika, katika kuangamiza huko kuna mazingatio kwa wanaokuja baada yao, na hawakuwa wengi wao, wale waliokisikia kisa chao, ni wenye kukuamini wewe.

آية رقم 140

ﭨﭩﭪﭫﭬ ﭭ ​

Hakika Mola wako Ndiye Mwenye nguvu, Mshindi kwa anayoyataka ya kuwaangamiza wakanushaji, Mwenye huruma kwa Waumini.

آية رقم 141

ﭮﭯﭰ ﭱ ​

Watu wa kabila la Thamūd waliukanusha ujumbe wa Mtume wao Ṣāliḥ na wakaukanusha mwito wake wa kumpwekesha Mwenyezi Mungu, na kwa hivyo wakawa wamewakanusha Mitume wote, kwa kuwa wao wote wanalingania kwenye kumpwekesha Mwenyezi Mungu.

آية رقم 142

ﭲﭳﭴﭵﭶﭷﭸ ﭹ ​

Pindi alipowaambia wao ndugu yao Ṣāliḥ»Je, hamuogopi mateso ya Mwenyezi Mungu, mkampwekesha kwa ibada?

آية رقم 143

ﭺﭻﭼﭽ ﭾ ​

Mimi nimetumilizwa kwenu kutoka kwa Mwenyezi Mungu, ni mwenye kuutunza ujumbe huu kama nilivyoupokea kutoka kwa Mwenyezi Mungu.

آية رقم 144

ﭿﮀﮁ ﮂ ​

Basi jihadharini na mateso Yake, Aliyetukuka, na fuateni kile nilichowalingania mkifuate.

آية رقم 145

ﮃﮄﮅﮆﮇﮈﮉﮊﮋﮌﮍﮎ ﮏ ​

Na mimi sitaki malipo kwa kuwashauri na kuwaongoza, malipo yangu hayako isipokuwa kwa Mola wa viumbe wote.

آية رقم 146

ﮐﮑﮒﮓﮔ ﮕ ​

«Je, Awaache Mola wenu katika starehe mlizonazo, hali ya kuwa mumetulia katika dunia hii mkiwa mumesalimika na adhabu na kuondoka na kufa?

آية رقم 147

ﮖﮗﮘ ﮙ ​

Mkiwa kwenye mabustani yenye matunda, chemchemi zinazopita,

آية رقم 148

ﮚﮛﮜﮝ ﮞ ​

nafaka nyingi na mitende ambayo matunda yake yamestawi, yamelainika na yameiva,

آية رقم 149

ﮟﮠﮡﮢﮣ ﮤ ​

na mnachonga kutoka kwa majabali majumba hali ya kuwa ni wamahiri wa kuyachonga, mkiwa na kiburi na majivuno.»

آية رقم 150

ﮥﮦﮧ ﮨ ​

Basi ogopeni adhabu ya Mwenyezi Mungu na mkubali ushauri wangu,

آية رقم 151

ﮩﮪﮫﮬ ﮭ ​

na msiandame amri ya wenye kuzidhulumu nafsi zao, waliokolea katika kumuasi Mwenyezi Mungu,

آية رقم 152

ﮮﮯﮰﮱﯓﯔ ﯕ ​

waliozoea kufanya uharibifu kwenye ardhi, uharibifu usiotengenezeka.

آية رقم 153

ﯖﯗﯘﯙﯚ ﯛ ​

Watu wa Thamūd walimwambia Nabii wao Ṣāliḥ, «Wewe hukuwa isipokuwa ni miongoni mwa wale waliofanyiwa uganga wa uchawi mwingi, mpaka uchawi ukaathiri akili yako.

آية رقم 154

ﯜﯝﯞﯟﯠﯡﯢﯣﯤﯥﯦ ﯧ ​

Hukuwa wewe isipokuwa ni mmoja wa wanadamu unaofanana na sisi katika ubinadamu, basi vipi utakuwa tafauti na sisi kwa utume? Basi leta hoja wazi inayoonyesha kuwa utume wako umethibiti, iwapo wewe ni mkweli katika madai yako kwamba Mwenyezi Mungu Amekutumiliza kwetu.»

آية رقم 155

ﯨﯩﯪﯫﯬﯭﯮﯯﯰ ﯱ ​

Ṣāliḥ akasema kuwaambia- na hapo alikuwa amewaletea ngamia ambaye Mwenyezi Mungu alimtolea kwenye jiwe-, «Huyu ni ngamia wa Mwenyezi Mungu. Yeye ana hisa ya maji siku maalumu, na nyinyi mna hisa ya maji kwa siku nyingine. Haifai kwenu nyinyi kunywa siku ile ambayo ni hisa yake, na yeye hatakunywa siku ambayo ni hisa yenu.

آية رقم 156

ﯲﯳﯴﯵﯶﯷﯸ ﯹ ​

Na msimguse kwa kitu chochote cha kumdhuru, kama kipigo au mauaji au mfano wake, kwani mkifanya hivyo, Mwenyezi Mungu Atawaangamiza nyinyi kwa adhabu ya Siku ambayo shida yake ni kubwa kwa sababu ya papatiko litakalotukia Siku hiyo na shida.

آية رقم 157

ﯺﯻﯼ ﯽ ​

Basi wakamchinja ngamia, wakawa ni wenye kujuta kwa walilolifanya walipokuwa na uhakika kuwa watashukiwa na adhabu, na majuto yao yasiwafae kitu.

آية رقم 158

ﯾﯿﰀﰁﰂﰃﰄﰅﰆﰇﰈﰉ ﰊ ​

Basi adhabu ya Mwenyezi Mungu ikawashukia, ile ambayo Ṣāliḥ, amani imshukiye, aliwaahidi nayo, na ikawaangamiza. Kwa hakika, katika kuwaangamiza watu wa Thamūd pana mazingatio kwa mwenye kuuzingatia mwisho huu; na wengi wao hawakuwa ni wenye kuamini.

آية رقم 159

ﰋﰌﰍﰎﰏ ﰐ ​

Na kwa hakika Mola wako Ndiye Mshindi, Mwenye kutendesha nguvu, Mwenye kuwatesa maadui Wake, Mwenye huruma kwa walioamini miongoni mwa viumbe Wake.

آية رقم 160

ﭑﭒﭓﭔ ﭕ ​

watu wa Lūṭ waliukanusha utume wake, wakawa kwa hilo ni wakanushaji wa Mitume waliosalia, kwa kuwa lile walilolileta la kumpwekesha Mwenyezi Mungu na misingi ya Sheria ni moja.

آية رقم 161

ﭖﭗﭘﭙﭚﭛﭜ ﭝ ​

Pindi ndugu yao Lūṭ alipowaambia, «Je, hamuogopi adhabu ya Mwenyezi Mungu?

آية رقم 162

ﭞﭟﭠﭡ ﭢ ​

Mimi ni mjumbe kutoka kwa Mola wenu aliye muaminifu juu ya utekelezaji wa ujumbe Wake kwenu.

آية رقم 163

ﭣﭤﭥ ﭦ ​

Basi jihadharini na mateso ya Mwenyezi Mungu kwa kumkanusha kwenu mjumbe Wake, na nifuateni mimi katika yale ninayowalingania.

آية رقم 164

ﭧﭨﭩﭪﭫﭬﭭﭮﭯﭰﭱﭲ ﭳ ​

Na siwaombi malipo yoyote juu ya ulinganizi wangu wa kuwaongoza, malipo yangu hayako isipokuwa kwa Mola wa viumbe wote.

آية رقم 165

ﭴﭵﭶﭷ ﭸ ​

«Mnawaingilia binadamu wanaume

آية رقم 166

ﭹﭺﭻﭼﭽﭾﭿﮀﮁﮂﮃﮄ ﮅ ​

na mnawaacha wake zenu ambao Mwenyezi Mungu Amewaumbia nyinyi ili mstarehe na mzaane? Lakini nyinyi ni watu, kwa uasi huu, wenye kuyakiuka yale ambayo Mwenyezi Mungu Amewaruhusu ya halali na kuyaendea ya haramu.»

آية رقم 167

ﮆﮇﮈﮉﮊﮋﮌﮍ ﮎ ​

Watu wa Lūṭ wakasema, «Usipoacha, ewe Lūṭ, kutukataza kuwajia wanaume na kukichafua kitendo hicho (cha kuwajia wanaume), utakuwa ni miongoni mwa wenye kufukuzwa kutoka miji yetu.»

آية رقم 168

ﮏﮐﮑﮒﮓ ﮔ ​

Lūṭ akasema kuwaambia wao, «Mimi ni miongoni mwa wale wanaokichukia sana kitendo chenu mnachokifanya cha kuwajia wanaume.»

آية رقم 169

ﮕﮖﮗﮘﮙ ﮚ ​

Kisha Lūṭ akamuomba Mola wake, alipokata tamaa kuwa watamsikiliza, alisema, «Mola wangu! Niokoe mimi na uwaokoe jamaa zangu na kile wanachokifanya watu wangu cha uasi huu mchafu na (utuokoe na) adhabu yako itakayowapata.»

آية رقم 170

ﮛﮜﮝ ﮞ ​

Basi tukamuokoa yeye na watu wa nyumbani kwake na wale wote walioukubali ulinganizi wake,

آية رقم 171

ﮟﮠﮡﮢ ﮣ ​

isipokuwa mkongwe miongoni mwa watu wa nyumbani kwake, naye ni mke wake ambaye hakushirikiana na wao katika kuamini, hivyo basi akawa ni mwenye kusalia kwenye adhabu na maangamivu.

آية رقم 172

ﮤﮥﮦ ﮧ ​

Kisha tukawaangamiza wasiokuwa wao, miongoni mwa makafiri, kuwaangamiza kukubwa,

آية رقم 173

ﮨﮩﮪﮫﮬﮭﮮ ﮯ ​

na tukawateremshia wao mawe kutoka juu kama mvua yakawaangamiza. Ilikuwa mvua mbaya sana ya wale walioonywa na Mitume wao na wasiwakubalie. Kwa hakika, wao wameteremshiwa aina mabaya zaidi za maangamivu na uvunjaji.

آية رقم 174

ﮰﮱﯓﯔﯕﯖﯗﯘﯙ ﯚ ​

Kwa hakika, katika mateso hayo yaliyowateremkia watu wa Lūṭ pana mazingatio na mawaidha ya kuwafanya wenye kukanusha wawaidhike. Na wengi wao hawakuwa ni wenye kuamini.

آية رقم 175

ﯛﯜﯝﯞﯟ ﯠ ​

Na kwa kweli Mola wako Ndiye Mshindi Mwenye nguvu ya kuweza kuwashurutisha wakanushaji, Mwenye huruma kwa waja Wake wema.

آية رقم 176

ﯡﯢﯣﯤ ﯥ ​

Walimkanusha watu wa nchi yenye miti iliyoshikana Mtume wao Shu’ayb kuhusu utume wake, na kwa hivyo waliukua wamekanusha jumbe zote za Mitume.

آية رقم 177

ﯦﯧﯨﯩﯪﯫ ﯬ ​

Alipowaambia wao Shu’ayb, «Je, hamuogopi kuwa Mwenyezi Mungu Atawatesa kwa ushirikina wenu na kufanya kwenu matendo ya uasi?

آية رقم 178

ﯭﯮﯯﯰ ﯱ ​

Mimi nimetumilizwa kwenu kutoka kwa Mwenyezi Mungu niwaongoe, ni mtunzi wa kile alichoniletea mimi Mwenyezi Mungu cha wahyi wa utume.

آية رقم 179

ﯲﯳﯴ ﯵ ​

Basi yaogopeni mateso ya Mwenyezi Mungu na mkifuate kile ninachowaitia cha uongofu wa Mwenyezi Mungu mupate kuongoka.

آية رقم 180

ﯶﯷﯸﯹﯺﯻﯼﯽﯾﯿﰀﰁ ﰂ ​

Na sitaki kwenu, kwa kule kuwalingania kwangu kwenye kumuamini Mwenyezi Mungu, malipo yoyote. Malipo yangu hayako isipokuwa kwa Mola wa viumbe wote.”

آية رقم 181

ﰃﰄﰅﰆﰇﰈﰉ ﰊ ​

Shu’ayb akaendelea kuwaambia- na walikuwa wakipunguza vipimo na mizani-, «Watimizieni watu vipimo kwa kuwakamilishia, na msiwe ni kati ya wale wanaowapunja watu haki zao,

آية رقم 182

ﰋﰌﰍ ﰎ ​

na mpime kwa mizani ya uadilifu iliyolingana sawa,

آية رقم 183

ﰏﰐﰑﰒﰓﰔﰕﰖﰗ ﰘ ​

na msiwapunje watu chochote katika haki zao kwenye vipimo au mizani au vinginevyo, na msizidishe uharibifu katika ardhi kwa kufanya ushirikina, kuua, kunyang’anya, kuwatisha watu na kutekeleza vitendo vya uasi.

آية رقم 184

ﭑﭒﭓﭔﭕ ﭖ ​

«Na jihadharini na mateso ya Mwenyezi Mungu Aliyewaumba na Akawaumba watu wa mataifa yaliyowatangulia.»

آية رقم 185

ﭗﭘﭙﭚﭛ ﭜ ​

Wakasema, «Ukweli ni kwamba wewe, ewe Shu’ayb, ni miongoni mwa wale waliopatwa na uchawi ukawashika sana ukawaondoa akili zao.

آية رقم 186

ﭝﭞﭟﭠﭡﭢﭣﭤﭥ ﭦ ​

Na wewe hukuwa isipokuwa ni mfano wetu sisi katika ubinadamu, basi vipi utahusika peke yako kwa utume bila ya sisi? Na kwa kweli, dhana yetu kubwa kuhusu wewe ni kuwa wewe ni miongoni mwa warongo katika kile unachokidai cha utume.

آية رقم 187

ﭧﭨﭩﭪﭫﭬﭭﭮﭯ ﭰ ​

Iwapo wewe ni mkweli katika madai yako ya utume, basi muombe Mwenyezi Mungu Atuangushie vipande vya adhabu kutoka mbinguni vitumalize.»

آية رقم 188

ﭱﭲﭳﭴﭵ ﭶ ​

Shu’ayb akawaambia wao, «Mola wangu Anayajua zaidi yale mnayoyafanya ya ushirikina na uasi na mateso mnayostahili.»

آية رقم 189

ﭷﭸﭹﭺﭻﭼﭽﭾﭿﮀﮁ ﮂ ​

Wakaendelea kumkanusha, likawapata wao joto kali, wakawa wanatafuta mahali pa hifadhi ili wajifinike. Kikawafinika kiwingu, kikawapatia ubaridi na upepo laini, na walipokusanyika chini yake, moto uliwawakia na ukawachoma, basi hapo yakawa maangamivu yao wote katika siku yenye kitisho kikali.

آية رقم 190

ﮃﮄﮅﮆﮇﮈﮉﮊﮋ ﮌ ​

Hakika katika mateso hayo yaliyowashukia kuna ushahidi wazi juu ya uweza wa Mwenyezi Mungu katika kuwapatiliza wakanushaji kwa adhabu na kuna mazingatio kwa mwenye kuzingatia. Na hawakuwa wengi wao ni wenye kuamini na kuwaidhika kwa hayo.

آية رقم 191

ﮍﮎﮏﮐﮑ ﮒ ​

Na kwa hakika, Mola wako, ewe Mtume, Ndiye Yeye Aliye Mshindi katika kuwatesa Kwake wale Anaowatesa miongoni mwa maadui Wake, Ndiye Anayewarehemu waja Wake wanaompwekesha.

آية رقم 192

ﮓﮔﮕﮖ ﮗ ​

Na kwa hakika, hii Qur’ani ambayo ndani yake zimetajwa habari hizi za kweli imeteremshwa na Muumba viumbe na Mmiliki wa mambo yote.

آية رقم 193

ﮘﮙﮚﮛ ﮜ ​

Jibrili muaminifu ameshuka nayo

آية رقم 194

ﮝﮞﮟﮠﮡ ﮢ ​

akakusomea mpaka ukaikusanya moyoni mwako, kwa kuihifadhi na kuielewa, upate kuwa ni mmoja wa wajumbe wa Mwenyezi Mungu wenye kuwafanya watu wao waogope mateso ya Mwenyezi Mungu, upate kuwaonya, kwa Teremsho hili, binadamu na majini wote.

آية رقم 195

ﮣﮤﮥ ﮦ ​

Ameshuka nayo Jibrili kwako kwa lugha ya Kiarabu yenye maana yaliyo wazi, yenye ushahidi unaoonekena, ikikusanya kile wanachokihitajia cha kutengeneza mambo ya Dini yao na dunia yao.

آية رقم 196

ﮧﮨﮩﮪ ﮫ ​

Na kwa hakika, utajo wa hii Qur’ani umethibitishwa katika Vitabu vya Manabii waliotangulia, vimeibashiri na kukubali kuwa ni ya kweli.

آية رقم 197

ﮬﮭﮮﮯﮰﮱﯓﯔﯕ ﯖ ​

Je, haiwatoshi hawa kuwa ni ushahidi kwamba wewe ni mtume wa Mwenyezi Mungu na kwamba Qur’ani ni kweli kuwa wasomi wa Wana wa Isrāīl wana ujuzi wa usahihi wa hilo na wale walioamini miongoni mwao kama ‘Abdullāh bin Sallām?

آية رقم 198

ﯗﯘﯙﯚﯛ ﯜ ​

Na lau tungaliiteremsha Qur’ani kwa baadhi ya wale wasiozungumza lugha ya Kiarabu

آية رقم 199

ﯝﯞﯟﯠﯡﯢ ﯣ ​

wakawasomea makafiri wa Kikureshi kisomo cha Kiarabu kilicho sawa, wangaliikanusha pia na wangalizua sababu ya ukanushaji wao.

آية رقم 200

ﯤﯥﯦﯧﯨ ﯩ ​

Hivyo ndivyo tulivyotia ndani ya nyoyo za wahalifu kuikanusha Qur’ani na hilo likawa limejikita ndani ya hizo nyoyo,

آية رقم 201

ﯪﯫﯬﯭﯮﯯﯰ ﯱ ​

na hii ikawa ni sababu ya udhalimu wao na uhalifu wao. Basi hapana njia ya wao kubadilika kwa kuyaacha waliyonayo ya kuikanusha Qur’ani mpaka waishuhudie adhabu kali walioahidiwa.

آية رقم 202

ﯲﯳﯴﯵﯶ ﯷ ​

Hapo adhabu iwashukie ghafla na hali wao hawajui kuja kwake kabla ya hapo,

آية رقم 203

ﯸﯹﯺﯻ ﯼ ​

na hapo waseme, watakaposhtushwa nayo, kwa majuto ya Imani iliyotupita tukaikosa, «Je, sisi ni wenye kupatiwa nafasi na kucheleweshwa tupate kutubia kwa Mwenyezi Mungu ushirikina wetu na tuyapatilize yaliyotupita?»

آية رقم 204

ﯽﯾ ﯿ ​

Je, hawa wamedanganyika na kule kuwapa muhula kwangu ndipo wakawa wanataka kuteremka adhabu kwa haraka juu yao kutoka mbinguni?

آية رقم 205

ﰀﰁﰂﰃ ﰄ ​

Je, umejua, ewe Mtume, lau tungaliwastarehesha kwa uhai wa miaka mingi kwa kuwacheleweshea muda wao wa kuishi

آية رقم 206

ﰅﰆﰇﰈﰉ ﰊ ​

kisha iwashukie adhabu ilioahidiwa?

آية رقم 207

ﭑﭒﭓﭔﭕﭖ ﭗ ​

Hakutawafaa kitu kule kustarehe kwao kwa umri mrefu na maisha mazuri wasipotubia kutokana na ushirikina wao. Basi adhabu ya Mwenyezi Mungu ni yenye kuwashukia hivi karibuni (ulimwenguni) au baadaye (huko Akhera).

آية رقم 208

ﭘﭙﭚﭛﭜﭝﭞ ﭟ ​

Na hatukuuangamiza mji wowote, miongoni mwa miji katika mataifa yote, isipokuwa baada ya kuwatumiliza Mitume kwao wawaonye,

آية رقم 209

ﭠﭡﭢﭣ ﭤ ​

ili wawe ni makumbusho kwao na uzindushi wa yale yenye uokofu kwao. Na hatukuwa ni wenye kudhulumu kwa kuwaadhibu watu kabla ya kuwapelekea Mtume.

آية رقم 210

ﭥﭦﭧﭨ ﭩ ​

Na Qur’ani hawakuiteremsha mashetani kwa Muhammad, kama wanavyodai makafiri,

آية رقم 211

ﭪﭫﭬﭭﭮ ﭯ ​

na hilo halifai kutoka kwao na wala hawaliwezi,

آية رقم 212

ﭰﭱﭲﭳ ﭴ ​

kwa kuwa wao ni wenye kuzuiliwa kuisikiliza Qur’ani kutoka mbinguni, ni wenye kupigwa na vimondo.

آية رقم 213

ﭵﭶﭷﭸﭹﭺﭻﭼﭽ ﭾ ​

Hivyo basi usiabudu, pamoja na Mwenyezi Mungu, muabudiwa yoyote asiyekuwa Yeye, ufanyapo hivyo utateremkiwa na adhabu ile iliyowashukia hawa walioabudu, pamoja na Mwenyezi Mungu, asiyekuwa Yeye.

آية رقم 214

ﭿﮀﮁ ﮂ ​

Na watahadharishe, ewe Muhammad, watu wako wa karibu, ukianzia na wale walio karibu na wewe zaidi, isije adhabu yetu ikawashukia.

آية رقم 215

ﮃﮄﮅﮆﮇﮈ ﮉ ​

Na uwe laini wa mwenendo na maneno, kwa unyenyekevu na huruma, kwa yule ambaye imekufunukia kutoka kwake kuitika mwito wako.

آية رقم 216

ﮊﮋﮌﮍﮎﮏﮐ ﮑ ​

Basi wakienda kinyume na amri yako na wasikufuate, jiepushe na vitendo vyao na yale waliyonayo ya ushirikina na upotevu.

آية رقم 217

ﮒﮓﮔﮕ ﮖ ​

Na Umuachie jambo lako Mwenyezi Mungu, Aliye Mshindi Ambaye hakuna wa kushindana na Yeye wala wa kumlazimisha, Mwenye kurehemu Ambaye Hawaachi wenye kumtegemea.

آية رقم 218

ﮗﮘﮙﮚ ﮛ ​

Na Ambaye Anakuona unaposimama kuswali ukiwa peke yako ndani ya usiku.

آية رقم 219

ﮜﮝﮞ ﮟ ​

Na Anaona vile unavyogeuka, pamoja na wenye kumsujudia katika Swala zao wakiwa na wewe, ukiwa katika hali ya kusimama, kurukuu na kusujudu na kuketi.

آية رقم 220

ﮠﮡﮢﮣ ﮤ ​

Hakika Yeye, kutakasika na sifa za upungufu ni Kwake, Ndiye Anayesikia kusoma kwako na kumtaja kwako, Ndiye Anayejua nia yako na matendo yako.

آية رقم 221

ﮥﮦﮧﮨﮩﮪ ﮫ ​

Je, niwapashe habari, enyi watu, ni nani ambaye mashetani wanamshukia?

آية رقم 222

ﮬﮭﮮﮯﮰ ﮱ ​

Wanamshukia kila mwingi wa urongo, mwingi wa madhambi miongoni mwa makuhani.

آية رقم 223

ﯓﯔﯕﯖ ﯗ ​

Mashetani wanasikiliza kwa kuiba, wanayanyakuwa maneno kutoka sehemu za juu wakawatupia makuhani na wale wanaokuwa na mwenendo wao miongoni mwa watu wenye matendo mabaya. Na wengi wa hawa ni warongo, kwani mmoja wao husema kweli katika neno moja na akaongeza juu yake maneno mia moja ya urongo.

آية رقم 224

ﯘﯙﯚ ﯛ ​

Na washairi, mashairi yao yanasimama juu ya ubatilifu na urongo, na wanafuatana na wao wapotevu waliopotoka kama wao.

آية رقم 225

ﯜﯝﯞﯟﯠﯡﯢ ﯣ ​

Kwani huoni, ewe Nabii, kwamba wao wanaenda kama mtu aliyekosa mwelekeo, wanavama ndani ya kila aina ya fani za urongo, uzushi, uvunjaji heshima, kutukana nasaba na kuwataja vibaya wanawake waliojihifadhi,

آية رقم 226

ﯤﯥﯦﯧﯨ ﯩ ​

na kwamba wao wanayasema wasiyoyatenda, wanapita mipaka katika kuwasifu watu wa ubatilifu na wanawatia kasoro watu wa haki.

آية رقم 227

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﯾ ​

Mwenyezi Mungu amewavua, kati ya hao washairi, wale washairi walioongoka kwa kuamini na kufanya matendo mema, na wakamtaja Mwenyezi Mungu kwa wingi, wakatunga mashairi juu ya kumpwekesha Mwenyezi Mungu, kutakata na sifa za upungufu ni Kwake, na kumsifu Yeye, Mwenye utajo mtukufu, na kumtetea Mtume Wake, rehema ya Mwenyezi Mungu na amani zimshukie, wakasema maneno ya busara yenye mawaidha na adabu nzuri, na wakaunusuru Uislamu wakawa wanamtukana anayeutukana au anayemtukana Mtume wake kwa kuwarudi washairi makafiri. Na watajua wale waliozidhulumu nafsi zao kwa ushirikina na matendo ya uasi, wakawadhulumu wasiokuwa wao kwa kuwanyima haki zao au kuwafanyia uadui au tuhuma za urongo, ni marejeo gani ya shari na maangamivu watakayorejea. Kwa kweli, hayo ni mageuko mabaya. Tunamuomba Mwenyezi Mungu salama na afya.