ترجمة سورة الواقعة

Ali Muhsin Al - Swahili translation
ترجمة معاني سورة الواقعة باللغة السواحلية من كتاب Ali Muhsin Al - Swahili translation .

ﰡ

ﮃﮄﮅ ﰀ​

Al-Waki'ah


Litakapo tukia hilo Tukio
ﮇﮈﮉ ﰁ​

Hapana cha kukanusha kutukia kwake.
ﮋﮌ ﰂ​

Literemshalo linyanyualo,
ﮎﮏﮐﮑ ﰃ​

Itakapo tikiswa ardhi kwa mtikiso,
ﮓﮔﮕ ﰄ​

Na milima itapo sagwasagwa,
ﮗﮘﮙ ﰅ​

Iwe mavumbi yanayo peperushwa,
ﮛﮜﮝ ﰆ​

Na nyinyi mtakuwa namna tatu:-
ﮟﮠﮡﮢﮣ ﰇ​

Basi watakuwepo wa kuliani; je, ni wepi wa kuliani?
ﮥﮦﮧﮨﮩ ﰈ​

Na wa kushotoni; je, ni wepi wa kushotoni?
ﮫﮬ ﰉ​

Na wa mbele watakuwa mbele.
ﮮﮯ ﰊ​

Hao ndio watakao karibishwa
ﮱﯓﯔ ﰋ​

Katika Bustani zenye neema.
ﯖﯗﯘ ﰌ​

Fungu kubwa katika wa mwanzo,
ﯚﯛﯜ ﰍ​

Na wachache katika wa mwisho.
ﯞﯟﯠ ﰎ​

Watakuwa juu ya viti vya fakhari vilivyo tonewa.
ﯢﯣﯤ ﰏ​

Wakiviegemea wakielekeana.
ﭑﭒﭓﭔ ﰐ​

Wakitumikiwa na wavulana wa ujana wa milele,
ﭖﭗﭘﭙﭚ ﰑ​

Kwa vikombe na mabirika na bilauri za vinywaji kutoka chemchem safi.
ﭜﭝﭞﭟﭠ ﰒ​

Hawataumwa kichwa kwa vinywaji hivyo wala hawatoleweshwa.
ﭢﭣﭤ ﰓ​

Na matunda wayapendayo,
ﭦﭧﭨﭩ ﰔ​

Na nyama za ndege kama wanavyo tamani.
ﭫﭬ ﰕ​

Na Mahurulaini,
ﭮﭯﭰ ﰖ​

Walio kama mfano wa lulu zilio hifadhiwa.
ﭲﭳﭴﭵ ﰗ​

Ni malipo kwa waliyo kuwa wakiyatenda.
ﭷﭸﭹﭺﭻﭼ ﰘ​

Humo hawatasikia porojo wala maneno ya dhambi,
ﭾﭿﮀﮁ ﰙ​

Isipo kuwa maneno ya Salama, Salama.
ﮃﮄﮅﮆﮇ ﰚ​

Na wale wa mkono wa kulia, ni yepi yatakuwa ya wa kuliani?
ﮉﮊﮋ ﰛ​

Katika mikunazi isiyo na miba,
ﮍﮎ ﰜ​

Na migomba iliyo pangiliwa,
ﮐﮑ ﰝ​

Na kivuli kilicho tanda,
ﮓﮔ ﰞ​

Na maji yanayo miminika,
ﮖﮗ ﰟ​

Na matunda mengi,
ﮙﮚﮛﮜ ﰠ​

Hayatindikii wala hayakatazwi,
ﮞﮟ ﰡ​

Na matandiko yaliyo nyanyuliwa.
ﮡﮢﮣ ﰢ​

Hakika Sisi tutawaumba (Mahurulaini) upya,
ﮥﮦ ﰣ​

Na tutawafanya vijana,
ﮨﮩ ﰤ​

Wanapendana na waume zao, hirimu moja.
ﮫﮬ ﰥ​

Kwa ajili ya watu wa kuliani.
ﮮﮯﮰ ﰦ​

Fungu kubwa katika wa mwanzo,
ﯓﯔﯕ ﰧ​

Na fungu kubwa katika wa mwisho.
ﯗﯘﯙﯚﯛ ﰨ​

Na watu wa kushotoni; je ni yepi ya wa kushotoni?
ﯝﯞﯟ ﰩ​

Katika upepo wa moto, na maji yanayo chemka,
ﯡﯢﯣ ﰪ​

Na kivuli cha moshi mweusi,
ﯥﯦﯧﯨ ﰫ​

Si cha kuburudisha wala kustarehesha.
ﯪﯫﯬﯭﯮ ﰬ​

Hakika hao walikuwa kabla ya haya wakiishi maisha ya anasa.
ﯰﯱﯲﯳﯴ ﰭ​

Na walikuwa wakishikilia kufanya madhambi makubwa,
ﯶﯷﯸﯹﯺﯻﯼﯽﯾ ﰮ​

Na walikuwa wakisema: Tutakapo kufa na tukawa udongo na mafupa, ati ndio tutafufuliwa?
ﰀﰁ ﰯ​

Au baba zetu wa zamani?
ﰃﰄﰅﰆ ﰰ​

Sema: Hakika wa zamani na wa mwisho
ﰈﰉﰊﰋﰌ ﰱ​

Bila ya shaka watakusanywa kwa wakati wa siku maalumu.
ﭑﭒﭓﭔﭕ ﰲ​

Kisha nyinyi, mlio potea, mnao kanusha,
ﭗﭘﭙﭚﭛ ﰳ​

Kwa yakini mtakula mti wa Zaqqumu.
ﭝﭞﭟ ﰴ​

Na kwa mti huo mtajaza matumbo.
ﭡﭢﭣﭤ ﰵ​

Na juu yake mtakunywa maji yanayo chemka.
ﭦﭧﭨ ﰶ​

Tena mtakunywa kama wanavyo kunywa ngamia wenye kiu.
ﭪﭫﭬﭭ ﰷ​

Hiyo ndiyo karamu yao Siku ya Malipo.
ﭯﭰﭱﭲ ﰸ​

Sisi tumekuumbeni; basi hamsadiki?
ﭴﭵﭶ ﰹ​

Je! Mnaiona mbegu ya uzazi mnayo idondokeza?
ﭸﭹﭺﭻﭼ ﰺ​

Je! Mnaiumba nyinyi, au ni Sisi ndio Waumbaji?
ﭾﭿﮀﮁﮂﮃﮄ ﰻ​

Sisi tumekuwekeeni mauti; na wala Sisi hatushindwi
ﮆﮇﮈﮉﮊﮋﮌﮍﮎ ﰼ​

Kuwaleta wengine badala yenu na kukuumbeni nyinyi kwa umbo msilo lijua.
ﮐﮑﮒﮓﮔﮕ ﰽ​

Na bila ya shaka mlikwisha jua umbo la kwanza, basi kwa nini hamkumbuki?
ﮗﮘﮙ ﰾ​

Je! Mnaona makulima mnayo yapanda?
ﮛﮜﮝﮞﮟ ﰿ​

Je! Ni nyinyi mnayo yaotesha au ni Sisi ndio wenye kuotesha?
ﮡﮢﮣﮤﮥﮦ ﱀ​

Tungeli taka tungeli yafanya yakawa mapepe, mkabaki mnastaajabu,
ﮨﮩ ﱁ​

Mkisema: Hakika sisi tumegharimika;
ﮫﮬﮭ ﱂ​

Bali sisi tumenyimwa.
ﮯﮰﮱﯓ ﱃ​

Je! Mnayaona maji mnayo yanywa?
ﯕﯖﯗﯘﯙﯚﯛ ﱄ​

Je! Ni nyinyi mnayo yateremsha kutoka mawinguni au ni Sisi ndio wenye kuyateremsha?
ﯝﯞﯟﯠﯡﯢ ﱅ​

Tungeli penda tungeli yafanya ya chumvi. Basi mbona hamshukuru?
ﯤﯥﯦﯧ ﱆ​

Je! Mnauona moto mnao uwasha?
ﯩﯪﯫﯬﯭﯮ ﱇ​

Ni nyinyi mlio uumba mti wake au Sisi ndio Waumbaji?
ﯰﯱﯲﯳﯴ ﱈ​

Sisi tumeufanya uwe ni ukumbusho na manufaa kwa walioko nyikani.
ﯶﯷﯸﯹ ﱉ​

Basi litakase jina la Mola wako Mlezi aliye Mkuu.
ﯻﯼﯽﯾﯿ ﱊ​

Basi naapa kwa maanguko ya nyota,
ﰁﰂﰃﰄﰅ ﱋ​

Na hakika bila ya shaka hichi ni kiapo kikubwa, laiti mngeli jua!
ﭑﭒﭓ ﱌ​

Hakika hii bila ya shaka ni Qur'ani Tukufu,
ﭕﭖﭗ ﱍ​

Katika Kitabu kilicho hifadhiwa.
ﭙﭚﭛﭜ ﱎ​

Hapana akigusaye ila walio takaswa.
ﭞﭟﭠﭡ ﱏ​

Ni uteremsho unao toka kwa Mola Mlezi wa walimwengu wote.
ﭣﭤﭥﭦ ﱐ​

Ni maneno haya ndiyo nyinyi mnayapuuza?
ﭨﭩﭪﭫ ﱑ​

Na badala ya kushukuru kwa riziki yenu mnafanya kuwa mnakadhibisha?
ﭭﭮﭯﭰ ﱒ​

Yawaje basi itakapo fika roho kwenye koo,
ﭲﭳﭴ ﱓ​

Na nyinyi wakati huo mnatazama!
ﭶﭷﭸﭹﭺﭻﭼ ﱔ​

Na Sisi tuko karibu zaidi naye kuliko nyinyi.
ﭾﭿﮀﮁﮂ ﱕ​

Na lau kuwa nyinyi hamumo katika mamlaka yangu,
ﮄﮅﮆﮇ ﱖ​

Kwanini hamuirudishi hiyo roho, ikiwa nyinyi mnasema kweli?
ﮉﮊﮋﮌﮍ ﱗ​

Basi akiwa miongoni mwa walio karibishwa,
ﮏﮐﮑﮒ ﱘ​

Basi ni raha, na manukato, na Bustani zenye neema.
ﮔﮕﮖﮗﮘﮙ ﱙ​

Na akiwa katika watu wa upande wa kulia,
ﮛﮜﮝﮞﮟ ﱚ​

Basi ni Salamu kwako uliye miongoni mwa watu wa upande wa kulia.
ﮡﮢﮣﮤﮥﮦ ﱛ​

Na ama akiwa katika walio kadhibisha wapotovu,
ﮨﮩﮪ ﱜ​

Basi karamu yake ni maji yanayo chemka,
ﮬﮭ ﱝ​

Na kutiwa Motoni.
ﮯﮰﮱﯓﯔ ﱞ​

Hakika hii ndiyo haki yenye yakini.
ﯖﯗﯘﯙ ﱟ​

Basi litakase jina la Mola wako Mlezi aliye Mkubwa.
Icon