ترجمة معاني سورة القلم باللغة ماراناو من كتاب Maranao - Maranao translation

آية رقم 1

ﮉﮊﮋﮌﮍ ﮎ ​

Noon. (So Allah i Matao ko paka-aantapan Iyan on.) Ibt ko pansom ago so nganin a ipzorat iran,

آية رقم 2

ﮏﮐﮑﮒﮓ ﮔ ​

Sabap ko limo o Kadnan ka (ya Mohammad) na kna a ba ka pmbthanga.

آية رقم 3

ﮕﮖﮗﮘﮙ ﮚ ​

Na mataan! a rk ka so mala a balas a di pthaman;

آية رقم 4

ﮛﮜﮝﮞ ﮟ ​

Go mataan! a ska na titho a thatakna ko parangay a mala.

آية رقم 5

ﮠﮡ ﮢ ​

Na khaylaing ka dn, go khaylay ran,

آية رقم 6

ﮣﮤ ﮥ ​

O antawaa rkano i mariribat.

آية رقم 7

ﮦﮧﮨﮩﮪﮫﮬﮭﮮﮯﮰ ﮱ ​

Mataan! a so Kadnan ka na Skaniyan i Matao ko taw a sominilay phoon ko lalan Iyan: Go Skaniyan i Matao ko miyamangdg ko ontol.

آية رقم 8

ﯓﯔﯕ ﯖ ​

Na ding ka pagonoti so miyamanaplis.

آية رقم 9

ﯗﯘﯙﯚ ﯛ ​

Na kabaya iran a oba ka bo plokha: ka an siran makalokha.

آية رقم 10

ﯜﯝﯞﯟﯠ ﯡ ​

Na ding ka pagonoti so oman i balisapaan, a Hina,

آية رقم 11

ﯢﯣﯤ ﯥ ​

A taliyantaan, a ilalalakaw niyan so kapamangondor,

آية رقم 12

ﯦﯧﯨﯩ ﯪ ​

Phagrn ko mapiya, a malawani, a baradosa,

آية رقم 13

ﯫﯬﯭﯮ ﯯ ​

Talibatak, oriyan oto na wata sa zina.

آية رقم 14

ﯰﯱﯲﯳﯴ ﯵ ​

Kagiya adn a tamok iyan, ago manga wata.

آية رقم 15

ﯶﯷﯸﯹﯺﯻﯼ ﯽ ​

Igira a pphangadian on so manga ayat Ami, na gii niyan tharoon a: "Manga iringa a kabokhag o miyanga oona!"

آية رقم 16

ﯾﯿﰀ ﰁ ​

Tiyapan Ami dn skaniyan sa ngirong!

آية رقم 17

ﭑﭒﭓﭔﭕﭖﭗﭘﭙﭚ ﭛ ​

Mataan! a Skami na tiniyoba Ami siran lagid o kiyatiyoba Ami ko khimangark ko pamomolan, gowani a zapa siran sa mataan a phragonn iran dn skaniyan a phangabalaga siran.

آية رقم 18

ﭜﭝ ﭞ ​

"Go di siran phanabiya;"

آية رقم 19

ﭟﭠﭡﭢﭣﭤﭥ ﭦ ​

Na kiyalikopan oto a tiyoba a phoon ko Kadnan ka, a siran na khitotorogn siran.

آية رقم 20

ﭧﭨ ﭩ ​

Na miyabaloy a lagid o gagawii a malibotng;.

آية رقم 21

ﭪﭫ ﭬ ​

Na mithatawaga siran ko kiyapitai kiran:

آية رقم 22

ﭭﭮﭯﭰﭱﭲﭳ ﭴ ​

"Pangabalaga kano ko pangomaan iyo o skano na phragon kano."

آية رقم 23

ﭵﭶﭷ ﭸ ​

Na lomiyalakaw siran, a siran na ipphnanay ran tharo:

آية رقم 24

ﭹﭺﭻﭼﭽﭾ ﭿ ​

"Da dn a makasold rkano ron sa alongan nai a miskin;"

آية رقم 25

ﮀﮁﮂﮃ ﮄ ​

Na komiyabalaga siran, ka an di phakawnot so manga miskin, a khittgo siran.

آية رقم 26

ﮅﮆﮇﮈﮉ ﮊ ​

Na kagiya a maylay ran oto, na pitharo iran a: "Mataan! a sktano na titho a miyangadadadag!"

آية رقم 27

ﮋﮌﮍ ﮎ ​

"Kna, ka sktano na piyapas rk tano!"

آية رقم 28

ﮏﮐﮑﮒﮓﮔﮕ ﮖ ​

Pitharo o mapiya kiran: "Ba ko rkano da tharoa: ´Ino kano di thasbik (ko Allah)´?"

آية رقم 29

ﮗﮘﮙﮚﮛﮜ ﮝ ​

Pitharo iran: "Soti so Kadnan tano! Mataan! a sktano na mimbaloy tano a manga darowaka!"

آية رقم 30

ﮞﮟﮠﮡﮢ ﮣ ​

Na siyangoran o sabaad kiran so sabaad, a gii siran zsndita!

آية رقم 31

ﮤﮥﮦﮧﮨ ﮩ ​

Pitharo iran: "Hay dowan dowaan tano, mataan! a sktano na mimbaloy tano a manga malawani!"

آية رقم 32

ﮪﮫﮬﮭﮮﮯﮰﮱﯓﯔ ﯕ ​

"Masikn a so Kadnan tano na zambian Iyan rktano sa mapiya a di giyoto: Mataan! a sktano na sii tano dn ko Kadnan tano pangangarapan!"

آية رقم 33

ﯖﯗﯘﯙﯚﯛﯜﯝﯞﯟ ﯠ ​

Giyoto dn man so siksa (ko doniya). Na mataan! a so siksa ko akhirat i lbi a mala; o siran na katawi ran!

آية رقم 34

ﯡﯢﯣﯤﯥﯦ ﯧ ​

Mataan! a bagian o miyamananggila, sii ko Kadnan iran so manga sorga a pakadarandang.

آية رقم 35

ﯨﯩﯪ ﯫ ​

Ba Ami mbaloya so mimbabayorantang a lagid o manga sala?

آية رقم 36

ﯬﯭﯮﯯ ﯰ ​

Ino kano wai? Andamanaya i kipkhokomn iyo (ko bkhog)!

آية رقم 37

ﯱﯲﯳﯴﯵ ﯶ ​

Ba adn a kitab iyo a kapphangadian iyo ron,

آية رقم 38

ﯷﯸﯹﯺﯻ ﯼ ​

A mataan! a khakowa niyo ron so nganin a khapili iyo?

آية رقم 39

ﯽﯾﯿﰀﰁﰂﰃﰄﰅﰆﰇﰈ ﰉ ​

Antawaa ba adn a manga diyandi tano a lomalagaday sa taman ko alongan a qiyamah: Sa mataan! a khakowa niyo so nganin a ipkhokom iyo?

آية رقم 40

ﰊﰋﰌﰍ ﰎ ​

Izaan ka kiran, o antawaa kiran i mangangako roo!

آية رقم 41

ﰏﰐﰑﰒﰓﰔﰕﰖ ﰗ ​

Antawaa ba adn a manga sakoto iran? Na pakadarpaa iran i manga sakoto iran, o siran na mmamataan siran!

آية رقم 42

ﰘﰙﰚﰛﰜﰝﰞﰟﰠ ﰡ ​

So alongan a qiyamah na phangosbo so btad, go so kapakargn o alayalay niyan, go pakamaon so Allah a Maporo ko kapakaptatailisaa Niyan ko kakhokoma ko ndolondolonan o manga kaadn, na zawaan Iyan a pamosoan Iyan a mapiya a da a khaibaratan on ko manga kaadn a isabo go itawag kiran so kasojiod, na di iran magaga,

آية رقم 43

ﭑﭒﭓﭔﭕﭖﭗﭘﭙﭚﭛﭜ ﭝ ​

Makassnong so manga kaylay ran, - a kakokoloban siran sa kahinaan. Na sabnar a siran na ipthawag kiran (ko doniya) so kasojiod a siran na kadadayaan iran.

آية رقم 44

ﭞﭟﭠﭡﭢﭣﭤﭥﭦﭧﭨ ﭩ ​

Na botawani akong ka ago so taw a gii niyan pakambokhagn angkai a tothol: Zagintonn Ami siran dn somiksa sa di iran katawan.

آية رقم 45

ﭪﭫﭬﭭﭮﭯ ﭰ ​

Na pakadadamayn Ko siran. Mataan! a so antangan Akn na maylot

آية رقم 46

ﭱﭲﭳﭴﭵﭶﭷ ﭸ ​

Ba ka kiran pphangni sa sokay, a siran na minipnd kiran a bayadan?

آية رقم 47

ﭹﭺﭻﭼﭽ ﭾ ​

Antawaa ba zisii kiran so migagaib, na siran i pphanorat on?

آية رقم 48

ﭿﮀﮁﮂﮃﮄﮅﮆﮇﮈﮉ ﮊ ​

Na phantang ka ko kokoman o Kadnan ka, go oba kamabaloy a lagid o (Yonos a) miyatago ko (tiyan o) sda; gowani a makapangangarapan, a skaniyan na kammnmnan.

آية رقم 49

ﮋﮌﮍﮎﮏﮐﮑﮒﮓﮔ ﮕ ​

Oda raota skaniyan o limo a phoon ko Kadnan iyan, na mataan a imbowang Ami ko taog, a pagilidan, a skaniyan na kapapaawingan.

آية رقم 50

ﮖﮗﮘﮙﮚ ﮛ ​

Na pinili skaniyan o Kadnan Iyan, na biyaloy Niyan a pd ko manga bilangataw.

آية رقم 51

ﮜﮝﮞﮟﮠﮡﮢﮣﮤﮥﮦﮧ ﮨ ​

Na mataan a mayto bo na so miyamangongkir na khipaps ka iran dn sabap ko manga kaylay ran ko kiyan´ga iran ko pananadm, go gi iran tharoon a: "Mataan! a skaniyan na titho a pmbthangn!"

آية رقم 52

ﮩﮪﮫﮬﮭ ﮮ ​

Na da ko skaniyan (a Qor´an) inonta na pananadm a rk o manga kaadn.