ترجمة معاني سورة الواقعة باللغة اللوغندية من كتاب الترجمة اللوغندية - المؤسسة الإفريقية للتنمية

آية رقم 1

ﮃﮄﮅ ﮆ ​

1. Ekiseera ekitaliimu kubuusabuusa bwe kirituuka.

آية رقم 2

ﮇﮈﮉ ﮊ ​

2. Okutuuka kwakyo tekuliimu kubuusabuusa.

آية رقم 3

ﮋﮌ ﮍ ​

3. Kirikakkanya (abeeyisa obubi era) kirisitula (abeeyisa obulungi).

آية رقم 4

ﮎﮏﮐﮑ ﮒ ​

4. Ensi bwe rikankanyizibwa olukankana.

آية رقم 5

ﮓﮔﮕ ﮖ ​

5. N'ensozi nezimerengulwa olumerengulwa.

آية رقم 6

ﮗﮘﮙ ﮚ ​

6. Olwo nno nezifuuka enfuufu efumuuka.

آية رقم 7

ﮛﮜﮝ ﮞ ​

7. Era mmwe nemuba emitendera esatu.

آية رقم 8

ﮟﮠﮡﮢﮣ ﮤ ​

8. Olwo nno newabaawo ogwa ba nannyini mukono ogwa ddyo, yye omanyi okubeera ku mukono ogwaddyo kye kitegeeza?.

آية رقم 9

ﮥﮦﮧﮨﮩ ﮪ ​

9. Era newabaawo n’ogwa ba nannyini mukono ogwa kkono, yye omanyi okubeera ku mukono ogwa kkono kye kitegeeza?.

آية رقم 10

ﮫﮬ ﮭ ​

10. Newabaawo n’ogwabo abaakulembera, abalikulembera mu buli kimu.

آية رقم 11

ﮮﮯ ﮰ ​

11. Abo be bo kusembezebwa (ewa Katonda).

آية رقم 12

ﮱﯓﯔ ﯕ ​

12. Nga bali mu jjana ez'ebyengera.

آية رقم 13

ﯖﯗﯘ ﯙ ​

13. Bangi mu bibiina ebyasooka.

آية رقم 14

ﯚﯛﯜ ﯝ ​

14. Nabatono mu kibiina kya bantu abenkomerero (abekibiina kya Nabbi Muhammad).

آية رقم 15

ﯞﯟﯠ ﯡ ​

15. (Balibeera) ku bitanda ebyakolebwa mu zzaabu n'amayinja amalala agomuwendo.

آية رقم 16

ﯢﯣﯤ ﯥ ​

16. Baliba bagalamidde ku byo nga boolekaganye (nga banyumya).

آية رقم 17

ﭑﭒﭓﭔ ﭕ ​

17. Abaweereza abalenzi, abolubeerera baliba babayitamu.

آية رقم 18

ﭖﭗﭘﭙﭚ ﭛ ​

18. Nga balina ebikopo, amabinika ne giraasi ebijjudde omubisi oguva mu nsulo.

آية رقم 19

ﭜﭝﭞﭟﭠ ﭡ ​

19. Tebagenda kulumwa mutwe olwagwo era tebagenda kutamiira.

آية رقم 20

ﭢﭣﭤ ﭥ ​

20. N’ebibala (ebye njawulo) mwebyo bye baliba nga basazeewo.

آية رقم 21

ﭦﭧﭨﭩ ﭪ ​

21. Ne nnyama y’ebinyonyi eyo gye baliyagala.

آية رقم 22

ﭫﭬ ﭭ ​

22. N'abakyala abalungi abamaaso agatemagana.

آية رقم 23

ﭮﭯﭰ ﭱ ​

23. Nga balinga Luulu akuumibwa obutiribiri.

آية رقم 24

ﭲﭳﭴﭵ ﭶ ​

24. (Ebyo byonna) nga mpeera yeebyo bye baali bakola (ebirungi ku nsi).

آية رقم 25

ﭷﭸﭹﭺﭻﭼ ﭽ ​

25. Tebagenda kuwulira mu yo luyogaano wadde ebigambo ebyesittaza.

آية رقم 26

ﭾﭿﮀﮁ ﮂ ​

26. Okugyako okugamba nti mirembe, mirembe.

آية رقم 27

ﮃﮄﮅﮆﮇ ﮈ ​

27. Abantu bo ku mukono ogwa ddyo, abaffe omanyi abantu bo ku mukono ogwa ddyo baliba batya?.

آية رقم 28

ﮉﮊﮋ ﮌ ​

28. Balituula (mu bittuluze) by'emiti gya Sidiri atemeddwako amaggwa.

آية رقم 29

ﮍﮎ ﮏ ​

29. N'ensuku ezirimu amatooke agaliko ebiwagu ebiberekaganye.

آية رقم 30

ﮐﮑ ﮒ ​

30. N'ebisikirize ebigazi.

آية رقم 31

ﮓﮔ ﮕ ​

31. N'amazzi agakulukuta awatali kusalako.

آية رقم 32

ﮖﮗ ﮘ ​

32. N'ebibala ebingi.

آية رقم 33

ﮙﮚﮛﮜ ﮝ ​

33. Ebitaggwawo ate ebitatekebwako kkomo.

آية رقم 34

ﮞﮟ ﮠ ​

34. N'ebyaliiro ebisuffu ebya waggulu.

آية رقم 35

ﮡﮢﮣ ﮤ ​

35. Mazima ffe twatonda abakyala bo mu jjana olutonda.

آية رقم 36

ﮥﮦ ﮧ ​

36. Olwo nno twabatonda nga mbeerera.

آية رقم 37

ﮨﮩ ﮪ ​

37. Nga bulijjo baganzi eri ba bbaabwe nga tebakakiddwa.

آية رقم 38

ﮫﮬ ﮭ ​

38. Nga bo ba bantu abalibeera ku mukono ogwa ddyo.

آية رقم 39

ﮮﮯﮰ ﮱ ​

39. Bangi mu bibiina ebyasooka.

آية رقم 40

ﯓﯔﯕ ﯖ ​

40. Era bangi mu kibiina kya bantu ab'enkomerero (ab’ekibiina kya Nabbi Muhammad).

آية رقم 41

ﯗﯘﯙﯚﯛ ﯜ ​

41. Ate abantu bo ku mukono ogwa kkono, abaffe omanyi abantu bo ku mukono ogwa kkono baliba batya?.

آية رقم 42

ﯝﯞﯟ ﯠ ​

42. Balibeera mu kibuyaga ayokya n’amazzi ageeseze.

آية رقم 43

ﯡﯢﯣ ﯤ ​

43. Nga nebisikirize mwe balyewogoma, biriba bya mu mukka omuddugavu ogwokya.

آية رقم 44

ﯥﯦﯧﯨ ﯩ ​

44. Biriba tebinnyogoga era nga tebisanyusa.

آية رقم 45

ﯪﯫﯬﯭﯮ ﯯ ​

45. Anti mazima bo oluberyeberye lwa kino baali baamalibwawo ebyo kwe jalabya.

آية رقم 46

ﯰﯱﯲﯳﯴ ﯵ ​

46. Era baalemeranga ku kibi ekinene (bwe baalayiranga nti tewali kuzuukira).

آية رقم 47

ﯶﯷﯸﯹﯺﯻﯼﯽﯾ ﯿ ​

47. Era baagamba nga nti bwetufa netufuuka ettaka, era netusigala ngumba gumba abaffe tulizuukizibwa!.

آية رقم 48

ﰀﰁ ﰂ ​

48. Ne bakadde baffe abasooka (nabo bwe batyo)!.

آية رقم 49

ﰃﰄﰅﰆ ﰇ ​

49. Bagambe ggwe (Nabbi Muhammad) nti mazima abasooka n'aboluvanyuma.

آية رقم 50

ﰈﰉﰊﰋﰌ ﰍ ​

50. Ddala ba kukunganyizibwa ku lunaku olwasalibwawo olumanyiddwa.

آية رقم 51

ﭑﭒﭓﭔﭕ ﭖ ​

51. Oluvanyuma mazima mmwe, abange mmwe ababuze abalimbisa.

آية رقم 52

ﭗﭘﭙﭚﭛ ﭜ ​

52. Ddala mugenda kulya ku muti gwa zakkumu.

آية رقم 53

ﭝﭞﭟ ﭠ ​

53. Nulijjuza nagwo embuto (gujjuze embuto zammwe).

آية رقم 54

ﭡﭢﭣﭤ ﭥ ​

54. Olwo nno munywereko amazzi ageeseze.

آية رقم 55

ﭦﭧﭨ ﭩ ​

55. Mugenda kunywa ng'ennywa ye ngamiya erina ennyonta.

آية رقم 56

ﭪﭫﭬﭭ ﭮ ​

56. Obwo bwe buliba obugenyi bwabwe ku lunaku lwo kusasula.

آية رقم 57

ﭯﭰﭱﭲ ﭳ ​

57. Ffe twabatonda, kale singa mukkiriza (okusinziira kwekyo).

آية رقم 58

ﭴﭵﭶ ﭷ ​

58. Abaffe mulaba amazzi (agazaala) ge muteeka mu nnabaana.

آية رقم 59

ﭸﭹﭺﭻﭼ ﭽ ​

59. Abaffe mmwe mugatonda oba ffe batonzi!.

آية رقم 60

ﭾﭿﮀﮁﮂﮃﮄ ﮅ ​

60. Ffe twagera netussa wakati wa mmwe okufa, (netubakakasaako okufa) era tetuli ffe ba kulemesebwa.

آية رقم 61

ﮆﮇﮈﮉﮊﮋﮌﮍﮎ ﮏ ​

61. Okuba nga tuwaanyisa abalinga mmwe (mu mmwe) olwo nno mmwe, netubakolamu ebirala bye mutamanyi.

آية رقم 62

ﮐﮑﮒﮓﮔﮕ ﮖ ​

62. Ate nga ddala mwamanya entandikwa eyasooka (engeri Katonda gye yabatondamu) kale singa mwebulirira.

آية رقم 63

ﮗﮘﮙ ﮚ ​

63. Abaffe mulaba ebyo bye mulima.

آية رقم 64

ﮛﮜﮝﮞﮟ ﮠ ​

64. Abaffe mmwe mubimeza oba ffe tumeza!.

آية رقم 65

ﮡﮢﮣﮤﮥﮦ ﮧ ​

65. Singa twagadde tusobola okubifuula ebikaze nemusigala nga mwewunaganya.

آية رقم 66

ﮨﮩ ﮪ ​

66. (Nga mugamba nti) mazima ffe tetufunye ate nga tubanjibwa.

آية رقم 67

ﮫﮬﮭ ﮮ ​

67. (Si kye kyokka) wabula ffe tummiddwa.

آية رقم 68

ﮯﮰﮱﯓ ﯔ ​

68. Abaffe mulaba amazzi ago gemunywa.

آية رقم 69

ﯕﯖﯗﯘﯙﯚﯛ ﯜ ​

69. Mwe mugassa okuva mu bire oba ffe tugassa.

آية رقم 70

ﯝﯞﯟﯠﯡﯢ ﯣ ​

70. Singa twagadde twaligafudde olukalabule kale singa mwebaza (Katonda olwo kugafuula amalungi).

آية رقم 71

ﯤﯥﯦﯧ ﯨ ​

71. Abaffe mulaba omuliro ogwo gwe mukuma.

آية رقم 72

ﯩﯪﯫﯬﯭﯮ ﯯ ​

72. Abaffe mmwe mwatandikawo omuti gwagwo, oba ffe twagutandika.

آية رقم 73

ﯰﯱﯲﯳﯴ ﯵ ​

73. Ffe twagufuula kya kujjukiza, era nga gwa mugaso eri abatambuze (abataba na byoto bibakumira muliro).

آية رقم 74

ﯶﯷﯸﯹ ﯺ ​

74. Kale tendereza erinnya lya Mukama omulabirizi wo owekitiibwa.

آية رقم 75

ﯻﯼﯽﯾﯿ ﰀ ​

75. Tewali kingaana kulayira bifo bya munyeenye.

آية رقم 76

ﰁﰂﰃﰄﰅ ﰆ ​

76. Era mazima kwo ddala kulayira kunene singa mubadde mumanyi.

آية رقم 77

ﭑﭒﭓ ﭔ ​

77. Okuba nti ddala yo Kur’ani yakitiibwa.

آية رقم 78

ﭕﭖﭗ ﭘ ​

78. Eri mu kitabo ekikuumibwa obutiribiri (ku Lawuhu al mahfudhu)

آية رقم 79

ﭙﭚﭛﭜ ﭝ ​

79. Takikwatako okugyako abaatukuzibwa (ba malayika abatalina bukyafu bwa mibiri oba obwe nzikiriza).

آية رقم 80

ﭞﭟﭠﭡ ﭢ ​

80. Essibwa okuva ewa Mukama omulabirizi w’ebitonde.

آية رقم 81

ﭣﭤﭥﭦ ﭧ ​

81. Abaffe ebigambo bino (ebya Kur’ani) mmwe bye mugayaalirira.

آية رقم 82

ﭨﭩﭪﭫ ﭬ ​

82. Okugirimbisa mmwe ne mukifuula okuba nga ye Riziki yammwe.

آية رقم 83

ﭭﭮﭯﭰ ﭱ ​

83. Singa omwoyo wegutuukira mu ddokooli (musala amagezi nemugutaasa).

آية رقم 84

ﭲﭳﭴ ﭵ ​

84. Ate nga mmwe mu kiseera ekyo mubaawo nga mutunula.

آية رقم 85

ﭶﭷﭸﭹﭺﭻﭼ ﭽ ​

85. Era ffe tuba okumpi naye okusinga mmwe, naye temulaba.

آية رقم 86

ﭾﭿﮀﮁﮂ ﮃ ​

86. Kale singa mwali temufugibwa (Katonda).

آية رقم 87

ﮄﮅﮆﮇ ﮈ ​

87. Muyinza okugamba nti mwandiguzizzaamu mu mubiri, bwe muba mwogera mazima.

آية رقم 88

ﮉﮊﮋﮌﮍ ﮎ ​

88. Naye (omufu) bwaba mu bo kumpi (ne Katonda).

آية رقم 89

ﮏﮐﮑﮒ ﮓ ​

89. Aliba mu kwesiima na mirembe na jjana eye byengera.

آية رقم 90

ﮔﮕﮖﮗﮘﮙ ﮚ ​

90. Ate bwaba mu bantu bo ku mukono ogwa ddyo.

آية رقم 91

ﮛﮜﮝﮞﮟ ﮠ ​

91. (Aliyozebwayozebwa nti) emirembe gibeere ku ggwe, olwokuba oli mu bantu bo ku mukono ogwa ddyo.

آية رقم 92

ﮡﮢﮣﮤﮥﮦ ﮧ ​

92. Wabula bwabeera nga ali mu balimbisa ababuze.

آية رقم 93

ﮨﮩﮪ ﮫ ​

93. (Oyo nno) obugenyi (bwe) bwalwegye lwa mazzi.

آية رقم 94

ﮬﮭ ﮮ ​

94. Nakwesogga muliro Jahiimu.

آية رقم 95

ﮯﮰﮱﯓﯔ ﯕ ​

95. Mazima ebyo ge mazima agannamaddala.

آية رقم 96

ﯖﯗﯘﯙ ﯚ ​

96. Kale nno tendereza erinnya lya Mukama omulabirizi wo owekitiibwa.