ترجمة معاني سورة الواقعة باللغة ماراناو من كتاب Maranao - Maranao translation

آية رقم 1

ﮃﮄﮅ ﮆ ​

Amay ka makatana so phakatana (a so alongan a qiyamah), -

آية رقم 2

ﮇﮈﮉ ﮊ ​

Da ko kapakatana iyan i maka ongkir on, -

آية رقم 3

ﮋﮌ ﮍ ​

Phakarondann Iyan (so sabaad), phakaombawn Iyan (so sabaad);

آية رقم 4

ﮎﮏﮐﮑ ﮒ ​

Amay ka linogn so lopa sa linog a samporna,

آية رقم 5

ﮓﮔﮕ ﮖ ​

Go mazaropt so manga palaw sa samporna a kazaropt,

آية رقم 6

ﮗﮘﮙ ﮚ ​

Na mbaloy a lopapk, a mikakayambr,

آية رقم 7

ﮛﮜﮝ ﮞ ​

Go mbaloy kano a tlo ka dinis:

آية رقم 8

ﮟﮠﮡﮢﮣ ﮤ ​

Na so manga taw sa kawanan; - na antonaa i manga taw sa kawanan?

آية رقم 9

ﮥﮦﮧﮨﮩ ﮪ ​

Go so manga taw sa diwang, - na antonaa i manga taw sa diwang?

آية رقم 10

ﮫﮬ ﮭ ​

Go so miyangaoona (ko paratiyaya) na phangaoona (ko sorga):

آية رقم 11

ﮮﮯ ﮰ ​

Na siran man i manga rarani (ko Allah),

آية رقم 12

ﮱﯓﯔ ﯕ ​

A khatago ko manga sorga, a pakalma:

آية رقم 13

ﯖﯗﯘ ﯙ ​

Madakl a pd on ko miyangaoona,

آية رقم 14

ﯚﯛﯜ ﯝ ​

Na mayto a pd on ko miyanga oori;

آية رقم 15

ﯞﯟﯠ ﯡ ​

Khidadarpa ko manga kantir, a piyamarabowatan,

آية رقم 16

ﯢﯣﯤ ﯥ ​

Gii siran roo zasandasandang, a khipagaadapadapa.

آية رقم 17

ﭑﭒﭓﭔ ﭕ ​

Ipphagilid kiran o manga wata a tatap a manga kangodaan,

آية رقم 18

ﭖﭗﭘﭙﭚ ﭛ ​

So manga baso, go manga kndi, go so khitatagoan sa inomn a phoon ko bowalan,

آية رقم 19

ﭜﭝﭞﭟﭠ ﭡ ​

Di ron zakit a olo iran, go di siran on khabrg,

آية رقم 20

ﭢﭣﭤ ﭥ ​

Go manga onga, a pd ko matotomo iran,

آية رقم 21

ﭦﭧﭨﭩ ﭪ ​

Go sapo a manga papanok a pd ko pkhababayaan iran;

آية رقم 22

ﭫﭬ ﭭ ​

Go so (manga bai a) manga tataid, a manga pipiya i kapmata,

آية رقم 23

ﭮﭯﭰ ﭱ ​

Manga izan o manga montiya, a totongkopn;

آية رقم 24

ﭲﭳﭴﭵ ﭶ ​

Balas ko pinggolawla iran (a mapiya).

آية رقم 25

ﭷﭸﭹﭺﭻﭼ ﭽ ​

Daa khan´g iran roo a ilang, go da a kambaradosa,

آية رقم 26

ﭾﭿﮀﮁ ﮂ ​

Inonta so katharo a "salaam, kalilintad."

آية رقم 27

ﮃﮄﮅﮆﮇ ﮈ ​

Na so manga taw sa kawanan; - antonaa i manga taw sa kawanan?

آية رقم 28

ﮉﮊﮋ ﮌ ​

Khatago siran ko kayo a Sidr a disorokn,

آية رقم 29

ﮍﮎ ﮏ ​

Go manga saging, a manga titiyolig,

آية رقم 30

ﮐﮑ ﮒ ​

Go kasisirongan a tatap,

آية رقم 31

ﮓﮔ ﮕ ​

Go ig a mabobobos,

آية رقم 32

ﮖﮗ ﮘ ​

Go manga onga a madakl,

آية رقم 33

ﮙﮚﮛﮜ ﮝ ​

Dikharintas go da a rn iyan,

آية رقم 34

ﮞﮟ ﮠ ​

Go manga igaan a manga poporo.

آية رقم 35

ﮡﮢﮣ ﮤ ​

Mataan! a Skami na pagadnn Ami siran (a manga bai ko sorga) sa bago a kapangadn,

آية رقم 36

ﮥﮦ ﮧ ​

Na mbalowin Ami siran a manga raga,

آية رقم 37

ﮨﮩ ﮪ ​

A manga sasalinggagaw, a mrzarza,

آية رقم 38

ﮫﮬ ﮭ ​

A bagian o manga taw sa kawanan.

آية رقم 39

ﮮﮯﮰ ﮱ ​

Madakl a pd on ko miyangaoona,

آية رقم 40

ﯓﯔﯕ ﯖ ​

Go madakl a pd on ko miyangaoori.

آية رقم 41

ﯗﯘﯙﯚﯛ ﯜ ​

Na so manga taw sa diwang; - antonaa i manga taw sa diwang?

آية رقم 42

ﯝﯞﯟ ﯠ ​

Khatago ko mayaw, go phlikabo a ig,

آية رقم 43

ﯡﯢﯣ ﯤ ​

Go along, a bl a maytm,

آية رقم 44

ﯥﯦﯧﯨ ﯩ ​

Di pakarnggay, go di mapiya,

آية رقم 45

ﯪﯫﯬﯭﯮ ﯯ ​

Mataan a siran na aya btad iran ko onaan oto na khikasosonor,

آية رقم 46

ﯰﯱﯲﯳﯴ ﯵ ​

Go aya btad iran na lalalayonn iran so dosa a mala,

آية رقم 47

ﯶﯷﯸﯹﯺﯻﯼﯽﯾ ﯿ ​

Go aya btad iran na gi iran tharoon: "Ino amay ka matay kami, go mbaloy kami a botha, go manga tolan, ba mataan! a khawyag kami dn (zaroman)?"

آية رقم 48

ﰀﰁ ﰂ ​

"Go so manga loks ami a miyangaoona?"

آية رقم 49

ﰃﰄﰅﰆ ﰇ ​

Tharoang ka: "Mataan! a so miyangaoona, go so miyangaoori,"

آية رقم 50

ﰈﰉﰊﰋﰌ ﰍ ​

"Na plimodn siran dn ko kapthatalabokaan ko alongan a mappnto;"

آية رقم 51

ﭑﭒﭓﭔﭕ ﭖ ​

"Oriyan iyan na mataan! a skano hay mithataridadag! - a miyamanaplis, -

آية رقم 52

ﭗﭘﭙﭚﭛ ﭜ ​

"Na phakakan kano dn ko kayo a Zaqqom,"

آية رقم 53

ﭝﭞﭟ ﭠ ​

"Na mapnopno iyo ron so manga tiyan iyo;"

آية رقم 54

ﭡﭢﭣﭤ ﭥ ​

"Na misondok iyo ron so phlikabo a ig."

آية رقم 55

ﭦﭧﭨ ﭩ ​

"Na makainom kano sa kainom a manga onta a pkhawaw!"

آية رقم 56

ﭪﭫﭬﭭ ﭮ ​

Giyaya i talagad kiran ko gawii a kapamalas!

آية رقم 57

ﭯﭰﭱﭲ ﭳ ​

Skami i miyadn rkano; na ba kano di phangimbnar?

آية رقم 58

ﭴﭵﭶ ﭷ ​

Ay gda iyo ko pkhawdod iyo (ko manga rahim o manga babay)?

آية رقم 59

ﭸﭹﭺﭻﭼ ﭽ ​

Ba skano i phagadn on, antawaa Skami i Pphangadn?

آية رقم 60

ﭾﭿﮀﮁﮂﮃﮄ ﮅ ​

Skami i dominiyangka rkano ko kapatay, na di Kami niyo khapalagoyan,

آية رقم 61

ﮆﮇﮈﮉﮊﮋﮌﮍﮎ ﮏ ​

Ko kazambi Ami sa manga lagid iyo, go so kaphagadna Mi rkano ko nganin a di niyo katawan.

آية رقم 62

ﮐﮑﮒﮓﮔﮕ ﮖ ​

Na sabnsabnar a kiyatokawan iyo so kiyapangadn a paganay; na ba niyo di khatadmi?

آية رقم 63

ﮗﮘﮙ ﮚ ​

Ay gda iyo ko ipzawd iyo?

آية رقم 64

ﮛﮜﮝﮞﮟ ﮠ ​

Ba skano i pphamakalonaw ron, antawaa Skami i pphamakalonaw ron?

آية رقم 65

ﮡﮢﮣﮤﮥﮦ ﮧ ​

O kabaya Ami na mataan a khabaloy Ami skaniyan a pols, na mabaloy kano a pphammsa kano,

آية رقم 66

ﮨﮩ ﮪ ​

(Gii niyo matharo:) "Mataan! a skami na ba kami dn miyakambayadan!"

آية رقم 67

ﮫﮬﮭ ﮮ ​

"Kna, ka skami na piyapas rkami (so riskhi)."

آية رقم 68

ﮯﮰﮱﯓ ﯔ ​

Ay gda iyo ko ig a so phaginomn iyo?

آية رقم 69

ﯕﯖﯗﯘﯙﯚﯛ ﯜ ​

Ba skano i pphamakatoron on a phoon ko manga gabon, antawaa Skami i pphamakatoron on?

آية رقم 70

ﯝﯞﯟﯠﯡﯢ ﯣ ​

O kabaya Ami, na khabaloy Ami skaniyan a mapld; na ino kano di phanalamat?

آية رقم 71

ﯤﯥﯦﯧ ﯨ ​

Ay gda iyo ko apoy a so mapphakagmaw niyo?

آية رقم 72

ﯩﯪﯫﯬﯭﯮ ﯯ ​

Ba skano i miyakatho ko kayo niyan, antawaa Skami i miyamakatho on?

آية رقم 73

ﯰﯱﯲﯳﯴ ﯵ ​

Skami na biyaloy Ami skaniyan a pananadm, go kapnggonaan khitatanaw.

آية رقم 74

ﯶﯷﯸﯹ ﯺ ​

Na phoroporo on ka so ngaran o Kadnan ka a Mala!

آية رقم 75

ﯻﯼﯽﯾﯿ ﰀ ​

Na pzapa Ako dn sa ibt ko manga darpa o manga bitoon,

آية رقم 76

ﰁﰂﰃﰄﰅ ﰆ ​

Na mataan aya a titho a kazapa o katawi niyo a lbi a mala,

آية رقم 77

ﭑﭒﭓ ﭔ ​

Mataan! a skaniyan na titho a Qor´an, a pagaadatan,

آية رقم 78

ﭕﭖﭗ ﭘ ​

Zisii ko daptar a pagoongowan (a so Lawkh Mahfod).

آية رقم 79

ﭙﭚﭛﭜ ﭝ ​

Daa phakaskho on inonta so miyanga sosoti;

آية رقم 80

ﭞﭟﭠﭡ ﭢ ​

Initoron a phoon ko Kadnan o manga kaadn.

آية رقم 81

ﭣﭤﭥﭦ ﭧ ​

Antonaa i sabap a giya ungkai a tothol na skano na pakaiitoon iyo,

آية رقم 82

ﭨﭩﭪﭫ ﭬ ​

Go pmbalowin iyo so pagpr rkano a mataan! a skano na phagongkirn niyo?

آية رقم 83

ﭭﭮﭯﭰ ﭱ ​

Na ino igira a miyakasampay (so niyawa) ko bakrng,

آية رقم 84

ﭲﭳﭴ ﭵ ​

A skano sa masa oto na pkhailay niyo,

آية رقم 85

ﭶﭷﭸﭹﭺﭻﭼ ﭽ ​

Go Skami i lbi a marani ron a di skano, - na ogaid na di niyo khaylay,

آية رقم 86

ﭾﭿﮀﮁﮂ ﮃ ​

Na o skano na di kano khabalasan,

آية رقم 87

ﮄﮅﮆﮇ ﮈ ​

Na ino niyo to di maphakakasoy, o skano i manga bnar?

آية رقم 88

ﮉﮊﮋﮌﮍ ﮎ ​

Na amay ka aya btad iyan na pd ko phamakaranin (ko sorga),

آية رقم 89

ﮏﮐﮑﮒ ﮓ ​

Na (rk iyan) so kapakadkha, go pagpr, go sorga, a pakalma.

آية رقم 90

ﮔﮕﮖﮗﮘﮙ ﮚ ​

Na amay ka aya btad iyan na pd ko manga taw sa kawanan,

آية رقم 91

ﮛﮜﮝﮞﮟ ﮠ ​

Na (tharoon on:) "Salaam a bagian ka a pd ko manga taw sa kawanan."

آية رقم 92

ﮡﮢﮣﮤﮥﮦ ﮧ ​

Na amay ka aya btad iyan na sii pd ko miyamanaplis, a mithataridadag,

آية رقم 93

ﮨﮩﮪ ﮫ ​

Na talagad on so phlikabo a ig,

آية رقم 94

ﮬﮭ ﮮ ​

Go phagbong ko naraka Jahim.

آية رقم 95

ﮯﮰﮱﯓﯔ ﯕ ​

Mataan! a giyaya na titho a skaniyan so bnar a matatangkd.

آية رقم 96

ﯖﯗﯘﯙ ﯚ ​

Na phoroporo on ka so ngaran o Kadnan ka, a Lbi-a-mala.