ترجمة معاني سورة الواقعة باللغة الطاجيكية من كتاب الترجمة الطاجيكية

آية رقم 1

ﮃﮄﮅ ﮆ ​

1. Ҳангоме ки воқеъа барпо шавад, (яъне, қиёмат воқеъ шавад),

آية رقم 2

ﮇﮈﮉ ﮊ ​

2. ки воқеъ шудани онро ягон касе дурӯғгӯянда нест,

آية رقم 3

ﮋﮌ ﮍ ​

3. қиёмат душманони Аллоҳро дар дӯзах пасткунандааст ва дӯстони Аллоҳро дар ҷаннат баландкунанда.(1)
____________________
1. Тафсири Бағавӣ 7/7

آية رقم 4

ﮎﮏﮐﮑ ﮒ ​

4. Он гоҳ ки замин ба сахтӣ биларзад.

آية رقم 5

ﮓﮔﮕ ﮖ ​

5. Ва кӯҳҳо ба пуррагӣ реза-реза карда шаванд.

آية رقم 6

ﮗﮘﮙ ﮚ ​

6. Ва чун ғуборе дар ҳаво пароканда гарданд.

آية رقم 7

ﮛﮜﮝ ﮞ ​

7.Ва шумо эй мардум се гурӯҳ хоҳед шуд:

آية رقم 8

ﮟﮠﮡﮢﮣ ﮤ ​

8.Пас гурӯҳи рост, соҳиби ҷойҳои олианд. Чи хуб аст ҷойгоҳашон!

آية رقم 9

ﮥﮦﮧﮨﮩ ﮪ ​

9.Ва гурӯҳи чап, соҳиби ҷойҳои пастанд. Чи бад аст ҳолашон!!

آية رقم 10

ﮫﮬ ﮭ ​

10.   Ва пешсафон сӯи хубиҳо дар дунё, онҳо пешсафон сӯи дараҷаҳо дар охират мебошанд. Касоне, ки дар дунё дар анҷом додани корҳои хуб пешсафанд, дар охират пеш аз ҳама вориди ҷаннат мешаванд.

آية رقم 11

ﮮﮯ ﮰ ​

11.   Инҳо муқаррабони даргоҳи Илоҳӣ ҳастанд, наздик карда шудагонанд дар назди Аллоҳ,

آية رقم 12

ﮱﯓﯔ ﯕ ​

12.   дар биҳиштҳои пурнозу неъмат хоҳанд буд.

آية رقم 13

ﯖﯗﯘ ﯙ ​

13.   Дохил мешавад ба ҷаннат, гурӯҳе аз пешиниёни ин уммат ва умматони дигар.

آية رقم 14

ﯚﯛﯜ ﯝ ​

14.   Ва шумораи андаке аз пасомадагон ҳастанд,

آية رقم 15

ﯞﯟﯠ ﯡ ​

15.   бар тахтҳои гавҳарнишон хоҳанд нишаст.

آية رقم 16

ﯢﯣﯤ ﯥ ​

16.   Такязада рӯ ба рӯйи якдигар нишаста бошанд.

آية رقم 17

ﭑﭒﭓﭔ ﭕ ​

17.   Бар гирди онҳо мегарданд, барои хидмати онҳо писарони ҳамеша ҷавон, ки пир намешаванд ва на мемиранд.(1)
____________________
1. Тафсири Табарӣ 23/101

آية رقم 18

ﭖﭗﭘﭙﭚ ﭛ ​

18.   Бо қадаҳҳову кӯзаҳо ва ҷомҳое аз шаробе, ки дар ҷаннат ҷорист,

آية رقم 19

ﭜﭝﭞﭟﭠ ﭡ ​

19.   ки аз нӯшидани он сардард нашаванд ва на аз ҳуш мераванд.

آية رقم 20

ﭢﭣﭤ ﭥ ​

20.   Ва ин ходимон барои ҷаннатиҳо биёранд ҳар навъ меваеро, ки мехоҳанд.

آية رقم 21

ﭦﭧﭨﭩ ﭪ ​

21.   Ва гӯшти парранда, аз ҳар навъе, ки писандашон бошад.

آية رقم 22

ﭫﭬ ﭭ ​

22.   Ва барои онҳост ҳурони занони шаҳлочашм,

آية رقم 23

ﭮﭯﭰ ﭱ ​

23.   монанди марворидҳое дар садаф пинҳон кардашуда.

آية رقم 24

ﭲﭳﭴﭵ ﭶ ​

24.   Ин ҳама неъматҳое, ки барояшон дода мешавад, мукофоти амалҳои некест, ки дар дунё мекарданд.

آية رقم 25

ﭷﭸﭹﭺﭻﭼ ﭽ ​

25.   Дар ҷаннат на сухани беҳуда мешунаванд ва на ҳарфе, ки гуфтани он гуноҳ бошад,

آية رقم 26

ﭾﭿﮀﮁ ﮂ ​

26.   ҷуз сухане, ки солим аз ин айбҳо бошад ва ба якдигар салом гӯянд.

آية رقم 27

ﮃﮄﮅﮆﮇ ﮈ ​

27.   Ва аҳли саодат, чи бузург аст макон ва подоши онҳо!

آية رقم 28

ﮉﮊﮋ ﮌ ​

28.   Дар зери дарахтони сидри бехор.

آية رقم 29

ﮍﮎ ﮏ ​

29.   Ва дарахтони мавз (банан), ки меваҳояшон бар якдигар чида шудаанд.

آية رقم 30

ﮐﮑ ﮒ ​

30.   Ва сояи доимӣ.

آية رقم 31

ﮓﮔ ﮕ ​

31.   Ва оби ҷорӣ.

آية رقم 32

ﮖﮗ ﮘ ​

32.   Ва дар миёни меваҳои фаровон ҳастанд,

آية رقم 33

ﮙﮚﮛﮜ ﮝ ​

33.   ки на тамом мешавад ва на манъ мегардад.

آية رقم 34

ﮞﮟ ﮠ ​

34.    Ва бистарҳои баланд.

آية رقم 35

ﮡﮢﮣ ﮤ ​

35.    Мо биёфаридем занҳои аҳли ҷаннатро ғайри офаринишие, ки дар дунё буданд, яъне, офариниши комиле, ки нобуд намешаванд.(1)
____________________
1. Тафсири Саъдӣ 1/833

آية رقم 36

ﮥﮦ ﮧ ​

36.    Ва ононро дӯшиза (бикр) гардонидем.

آية رقم 37

ﮨﮩ ﮪ ​

37.    Назди шавҳарони дӯстдоранда ҳамсинну сол.

آية رقم 38

ﮫﮬ ﮭ ​

38.    Ҳамаи ин неъматҳо барои аҳли саодат аст,

آية رقم 39

ﮮﮯﮰ ﮱ ​

39.    Гурӯҳи бисёре аз пешиниёнанд.

آية رقم 40

ﯓﯔﯕ ﯖ ​

40.    Ва гурӯҳи зиёде аз пас омадагонанд.

آية رقم 41

ﯗﯘﯙﯚﯛ ﯜ ​

41.    Ва аҳли шақоват, он бадбахтон чӣ ҳоли баде доранд?

آية رقم 42

ﯝﯞﯟ ﯠ ​

42.    Дар боди гарми ҷаҳаннам ва оби ҷӯшонанд,

آية رقم 43

ﯡﯢﯣ ﯤ ​

43,     дар сояи дуди сиёҳ,

آية رقم 44

ﯥﯦﯧﯨ ﯩ ​

44.   ки ин соя на хунук бошад ва на боиззат.(1)
____________________
1. Тафсири Табарӣ 23/130

آية رقم 45

ﯪﯫﯬﯭﯮ ﯯ ​

45.   Ҳамоно аҳли дӯзах, пеш аз ин дар дунё дар нозу неъмати ҳаром буданд ва саркашӣ мекарданд аз он чизе, ки паёмбарон барои онҳо оварда буданд.

آية رقم 46

ﯰﯱﯲﯳﯴ ﯵ ​

46.   Ва ҳамеша бар гуноҳи бузург (ширк) мудавомат мекарданд. Ва нияти тавба надоштанд аз ширку гуноҳ.(1)
____________________
1. Тафсири Табарӣ 23/132

آية رقم 47

ﯶﯷﯸﯹﯺﯻﯼﯽﯾ ﯿ ​

47.   Ва мегуфтанд он мункирони рӯзи қиёмат: «Оё замоне, ки мо мурдему хоку устухон шудем, оё боз мо зинда мешаваем?(1)
____________________
1. Яъне, ба зинда шудани дубора боварӣ надоштанд.

آية رقم 48

ﰀﰁ ﰂ ​

48.   Оё падарони наухстини мо низ зинда мешаванд?

آية رقم 49

ﰃﰄﰅﰆ ﰇ ​

49.   Бигӯ эй Паёмбар: «Албатта, ҳамаро аввалин ва охирин фарзандони Одам,

آية رقم 50

ﰈﰉﰊﰋﰌ ﰍ ​

50.   бегумон дар ваъдагоҳи он рӯзи муайян (қиёмат) ҷамъ карда шаванд.(4)
____________________
1. Тафсири Табарӣ 23/133

آية رقم 51

ﭑﭒﭓﭔﭕ ﭖ ​

51.   Спас шумо, эй гумроҳони роҳи ҳидоят,
дурӯғшуморандагони ваъда ва азоби Аллоҳ,

آية رقم 52

ﭗﭘﭙﭚﭛ ﭜ ​

52.   ҳатман аз дарахти заққум(1) хоҳед хӯрд.
____________________
1. Яъне, бадтарин дарахт. Тафсири Саъдӣ 1/834

آية رقم 53

ﭝﭞﭟ ﭠ ​

53.   Ва шикамҳои худро аз он пур хоҳед кард.

آية رقم 54

ﭡﭢﭣﭤ ﭥ ​

54.   Ва бар болои он оби ҷӯшоне, ки ташнагиро намешиканад, хоҳед нӯшид,

آية رقم 55

ﭦﭧﭨ ﭩ ​

55.   Ва монанди шутурони мубтало ба бемории ташнагӣ менӯшед.

آية رقم 56

ﭪﭫﭬﭭ ﭮ ​

56.   Он чизеро, ки дучор мешаванд аз азоб, зиёфатест, ки тайёркарда шудааст барои онҳо дар рӯзи қиёмат.(1)
____________________
1. Тафсири Саъдӣ 1/834

آية رقم 57

ﭯﭰﭱﭲ ﭳ ​

57.   Мо шуморо эй одамон аз нестӣ ба ҳастӣ офаридем, пас чаро аз нав зинда шуданро бовар намекунед?(1)
____________________
1. Тафсири Табарӣ 23/136

آية رقم 58

ﭴﭵﭶ ﭷ ​

58.   Оё шумо мебинед он чи (оби маниро), ки мерезонед дар баччадони зан?

آية رقم 59

ﭸﭹﭺﭻﭼ ﭽ ​

59.   Оё шумо он маниро ба сурати инсон меофаринед ё Мо офаринандаем?

آية رقم 60

ﭾﭿﮀﮁﮂﮃﮄ ﮅ ​

60.   Мо муайян кардем дар миёни шумо маргро ва ҳаргиз оҷиз карда шуда нестем,

آية رقم 61

ﮆﮇﮈﮉﮊﮋﮌﮍﮎ ﮏ ​

61.    аз ин, ки тағйир диҳем халқияти шуморо дар рӯзи қиёмат. Ва шуморо ба сурате, ки аз он бехабаред, аз нав биёфаринем.

آية رقم 62

ﮐﮑﮒﮓﮔﮕ ﮖ ​

62.    Ва ҳамоно шумо хуб донистед, ки Аллоҳ таъоло нахустин бор шуморо аз нестӣ офарид, пас чаро қудрати Аллоҳро ба ёд намеоред бар ин, ки ӯ қодир аст шуморо дубора халқ мекунад?(1)
____________________
1. Тафсири Табарӣ 23/138

آية رقم 63

ﮗﮘﮙ ﮚ ​

63.    Дар он чизе, кишт мекунед, андешидаед?

آية رقم 64

ﮛﮜﮝﮞﮟ ﮠ ​

64.    Оё шумо мерӯёнедаш аз замин ё Мо рӯёнандаем?

آية رقم 65

ﮡﮢﮣﮤﮥﮦ ﮧ ​

65.    Агар мехостем, ҳароина он зироъатро гиёҳи хушку дарҳамшикаста мегардонидем, ки аз он фоидае намедидед, пас дар ин ҳол, таъаҷубкунон мегӯед:

آية رقم 66

ﮨﮩ ﮪ ​

66.    Албатта мо зиёнкардаву азобкардагонем,

آية رقم 67

ﮫﮬﮭ ﮮ ​

67.    балки мо аз ризқу рӯзӣ бенасиб мондагонем.

آية رقم 68

ﮯﮰﮱﯓ ﯔ ​

68.   Оё дар обе, ки менӯшед, андешидаед?

آية رقم 69

ﯕﯖﯗﯘﯙﯚﯛ ﯜ ​

69.   Оё шумо онро аз абр фуруд овардаед сӯи замин, ё Мо фуруд орандагонем?

آية رقم 70

ﯝﯞﯟﯠﯡﯢ ﯣ ​

70.   Агар мехостем, ин обро шӯр мегардонидем, ки аз он фоидае намедидед. Пас, чаро шукри Парвардигоратонро бар фуруди ин оби ширин намегӯед?

آية رقم 71

ﯤﯥﯦﯧ ﯨ ​

71.   Оё дар оташе, ки аз шохҳои дарахт меафрӯзед, андешидаед?

آية رقم 72

ﯩﯪﯫﯬﯭﯮ ﯯ ​

72.   Оё дарахташро шумо офаридаед ё Мо офаринандаем?

آية رقم 73

ﯰﯱﯲﯳﯴ ﯵ ​

73.   Мо он оташеро, ки меафрӯзед ҳушдоре аз дӯзах ва барои манфиъати мусофирони роҳгузар матоъе сохтем.(1)
____________________
1. Тафсири Саъдӣ 1/835

آية رقم 74

ﯶﯷﯸﯹ ﯺ ​

74.   Пас ба покӣ ёд кун эй Паёмбар номи Парвардигори бузургатро!

آية رقم 75

ﯻﯼﯽﯾﯿ ﰀ ​

75.   (Савганд ёд карда мегӯяд Аллоҳ таъоло:) Савганд ба ҷойгоҳи фӯру рафтани ситораҳо дар ғурубгоҳи осмон!

آية رقم 76

ﰁﰂﰃﰄﰅ ﰆ ​

76. Ва ин ҳароина, хеле савганди бузург аст, агар бидонед.

آية رقم 77

ﭑﭒﭓ ﭔ ​

77. Адбатта, ин Қуръоне, (ки ба Муҳаммад нозил шудааст,) Қуръони бузургу гиромиқадр ва фоидаовар аст.

آية رقم 78

ﭕﭖﭗ ﭘ ​

78. Дар китобе нигаҳ дошта шудааст, ки аз чашми халқ пӯшида аст (ва ин китоби пинҳон Лавҳи Маҳфузаст, ки дар назди Аллоҳ ва фариштагон манзалати бузург дорад.)

آية رقم 79

ﭙﭚﭛﭜ ﭝ ​

79. Даст намерасонад ба Қуръон, магар фариштагони гиромиқадре, ки Аллоҳ таъоло онҳоро аз офату гуноҳон пок гардонидааст. (Ва инчунин даст намерасонад Қуръонро магар касоне, ки пок ҳастанд аз ширк, ҷанобат ва бе таҳоратӣ.)(1)
____________________
1. Тафсирм Бағавӣ 8/23

آية رقم 80

ﭞﭟﭠﭡ ﭢ ​

80. Ин Қуръони карим, нозилшудааст аз ҷониби Парвардигори ҷаҳониён. (Пас он ҳақ аст.)

آية رقم 81

ﭣﭤﭥﭦ ﭧ ​

81. Оё нисбати ин калом сустӣ ва бепарвоӣ мекунед?

آية رقم 82

ﭨﭩﭪﭫ ﭬ ​

82.   Ва ба ҷои шукри неъматҳое, ки Аллоҳ ба шумо додааст, шумоён онро дӯруғ мебароред ва кофир мешавед?(1)
____________________
1. Дар ин оят инкор аст барои онҳое, ки бепарвоӣ мекунанд ба амрҳои Қуръон ва эътибор намедиҳанд ба даъвати он.

آية رقم 83

ﭭﭮﭯﭰ ﭱ ​

83.   Пас, чаро ҳангоме, ки ҷон ба ҳулқум мерасад тавоноии бозгардонидани онро надоред.

آية رقم 84

ﭲﭳﭴ ﭵ ​

84.   Ва шумо дар ин ҳангом ҳозирастеду менигаред? (Албатта наметавонед!)

آية رقم 85

ﭶﭷﭸﭹﭺﭻﭼ ﭽ ​

85.   Ва Мо аз шумо ба ӯ наздиктарем, вале шумо намебинед.

آية رقم 86

ﭾﭿﮀﮁﮂ ﮃ ​

86.   Пас агар метавонед ин ки дар баробари аъмолатон ҷазо дода намешавед,

آية رقم 87

ﮄﮅﮆﮇ ﮈ ​

87.   агар рост мегӯед, он руҳро боз гардонед. (Ҳаргиз наметавонед!)

آية رقم 88

ﮉﮊﮋﮌﮍ ﮎ ​

88.   Пас, чун мурда аз муқаррабони даргоҳи Илоҳӣ бошад,

آية رقم 89

ﮏﮐﮑﮒ ﮓ ​

89.   пас барои ӯст ҳангоми маргаш раҳмату осоишу гули хушбӯй ва биҳишти пурнеъмат дар охират.

آية رقم 90

ﮔﮕﮖﮗﮘﮙ ﮚ ​

90.   Ва аммо агар мурда аз ёрони рост (аҳли саъодат бошад),

آية رقم 91

ﮛﮜﮝﮞﮟ ﮠ ​

91.   пас гуфта мешавад ба ӯ: Салом ва амон бод ба ту аз ҷониби ёрони рост (аҳли саъодат).

آية رقم 92

ﮡﮢﮣﮤﮥﮦ ﮧ ​

92.   Ва аммо агар мурда аз дурӯғшуморандагони баъсу гумроҳони роҳи ҳидоят бошад,

آية رقم 93

ﮨﮩﮪ ﮫ ​

93.   пас ӯро ба оби гарму ҷӯшони дӯзах меҳмонӣ кунанд.

آية رقم 94

ﮬﮭ ﮮ ​

94.   Ва саранҷоми ӯ дарафтодан ба дӯзах аст.(1)
____________________
1. Тафсири Саъдӣ 1/836

آية رقم 95

ﮯﮰﮱﯓﯔ ﯕ ​

95.   Албатта ин хабарҳое, ки эй Паёмбар ба ту зикр кардем, ҳама росту дуруст аст!

آية رقم 96

ﯖﯗﯘﯙ ﯚ ​

96.   Пас, ба номи Парвардигори бузургат тасбеҳ гӯй ва Ӯро пок шумор аз он чи золимон мегӯянд!